Fréttablaðið - 28.11.2012, Blaðsíða 16
FÓLK|FERÐIR
New York er uppljómuð á þessum
tíma árs og þar er sannarlega hægt að
næla sér í jólastemningu ásamt því að
gera góð jólakaup.
Fjölmörg fagurskreytt jólatré prýða
borgina og mörg eiga sinn fasta sess
og sína föstu aðdáendur sem mega
ekki til þess hugsa að sjá þau ekki ár
eftir ár.
Jólatréð við Rockefeller Center er
það allra rómaðasta. Fyrir neðan það
er sívinsælt skautasvell og hafa ófáar
jólakvikmyndir verið teknar upp á
þessum slóðum. Enginn ferðamaður
sem á leið um New York í kringum
jól lætur þessa sjón fram hjá sér fara
og freistast margir til að renna sér á
skautum undir ljómandi trénu.
Á náttúrugripasafninu (American
Museum of Natural History) stendur
risavaxið origami-tré og hefur gert í
á fjórða áratug. Þar má sjá ýmislegt
fleira undir yfirheitinu: Stærst og best,
eins og Bandaríkjamönnum sæmir.
Á South Street er uppljómað jólatré
og um helgar flytja sönghópar hug-
ljúf jólalög undir trénu. Vegfarendur
staldra þá gjarnan við og taka sér kær-
komna hvíld frá jólastreðinu.
Frá árinu 1923 hefur risavaxið
fagurskreytt jólatré risið fyrir framan
kauphöllina á Wall Street og verður
engin breyting á því í ár.
Ljósin eru tendruð á flestum trjám í
New York í lok nóvember og samhliða
er yfirleitt vegleg dagskrá.
Yfirleitt er þó ekki kveikt á ljósum
Kauphallartrésins fyrr en í byrjun
desember og í ár fer athöfnin fram
þann fjórða.
LJÓSADÝRÐ Í NEW YORK
Stórborgarrómantík New York er rómuð jólaborg og er ljósadýrðin hvergi
meiri. Ljós eru tendruð á fjölmörgum jólatrjám þar á hverju ári.
LÍF OG FJÖR Ljós á flestum
trjám í New York eru tendruð
í nóvember en enn er þó eftir
að kveikja á ljósum trésins á
Wall Street. Samhliða er yfir-
leitt mikil jóladagskrá.
Þetta er eitt stærsta tónleikaferða-lag sem farið hefur verið í en við komum við í öllum landshlutum,“
segir söngkonan Regína Ósk Óskars-
dóttir, en hún fer fyrir hópi söngvara og
hljóðfæraleikara sem leggur land undir
fót í dag. Hópurinn heldur jólatónleika í
19 kirkjum undir heitinu Jólin alls staðar
og verða fyrstu tónleikarnir haldnir í
Ólafsvíkurkirkju í kvöld.
„Svo fikrum við okkur hringinn, þó
ekki í réttri röð. Við byrjum á Snæfells-
nesinu og Tálknafirði, förum svo til
Grindavíkur, Keflavíkur og Vestmanna-
eyja og á þriðjudaginn eftir viku förum
við Norður- og Austurlandið í einum tíu
daga rykk.“
Söngvararnir í hópnum eru, auk
Regínu, Guðrún Gunnars, Guðrún Árný
og Jógvan og segir Regína enga rótara
verða með í för. „Við gerum allt sjálf,
einn keyrir og einn sér um kerfið og ann-
ar um sviðsmyndina, það verður enginn
Dúddi sem keyrir rútuna í þessari ferð.
En þetta fyrirkomulag kallar auðvitað
á mikla samveru og allir þurfa að vera
mjög samvinnuþýðir og jákvæðir,“ segir
hún hlæjandi en hefur þó ekki miklar
áhyggjur af því að upp úr sjóði á leiðinni.
„Nei, það var valið í ferðina af kostgæfni
og við erum ekki að fara að gista í rút-
unni sem betur fer. Ég er búin með þann
pakka allan,“ segir hún.
Barnakór frá hverjum stað mun taka
þátt í tónleikunum og segir Regína
söngdagskrána verða bæði létta og
skemmtilega. „Dagskráin verður blanda
af húmor og hátíðleika og þetta eru
lög sem allir þekkja. Við höfum útsett
þau á okkar hátt og ætlum að reyna að
fanga jólastemninguna heima í stofu. Nú
liggjum við bara á bæn um gott veður,“
segir hún. Síðustu tónleikarnir verða
þann 20. desember í Grafarvogskirkju og
er miðasala hafin á www.midi.is. Gestir
geta þó nálgast miða í sinni heimabyggð
í kirkjunni á tónleikadaginn. Þá kom út
geisladiskur með söngdagskránni í dag.
„Við höfum þegar bætt við aukatón-
leikum í Grafarvogskirkju og ég hvet
fólk til að verða sér úti um miða í tíma,“
segir Regína. ■ heida@365.is
JÓLIN ALLS STAÐAR
SYNGJA Í 19 KIRKJUM Fjórir söngvarar og fjórir hljóðfæraleikarar leggja land
undir fót í dag en hópurinn blæs til jólatónleika í kirkjum um allt land.
Nánari upplýsing-
ar um tónleikadag-
skrána er að finna
á www.jolinalls-
stadar.is og á
Facebook.
Í JÓLASKAPI
Hópurinn ætlar að
halda jólatónleika
í kirkjum um allt
land á aðventunni.
MYND/GVA
JÓLAFÖTIN KOMIN!
NÝ SENDING AF SVÖRTUM DRÖGTUM.
SÍÐ PILS, RAUÐIR OG BLEIKIR JAKKAR.
Opið laugardaga 11:00-15:00
Skipholti 29b • S. 551 0770
Ferðafélag Íslands
Leyndarmál jökla og fegurð
landslags á myndakvöldi FÍMYNDAKVÖLD FÍ
Fimmtudagur
29. nóvember kl. 20
Sal FÍ Mörkinni 6
Eitt f jall á v iku
myndasýning og kynning
Umsjón:
Páll Ásgeir Ásgeirsson
Aðgangur ókeypis – allir velkomnir
Skráðu þig inn – drífðu þig út
Ferðafélag Íslands
Póstdreifing býður upp á fjölbreytta og örugga dreifingu á blöðum og
tímaritum. Við komum sendingunni í réttar hendur. Örugglega til þín.
Birtingur treystir okkur fyrir öruggri
dreifingu á Séð og heyrt
Póstdreifing | Suðurhraun 1 | 210 Garðabær | Sími 585 8300 | www.postdreifing.is
B
ra
nd
en
bu
rg
Við berum út sögur
af frægu fólki
FÓLK ER KYNNINGARBLAÐ sem býður aug-
lýsendum að kynna vörur og þjónustu í formi
viðtala og umfjallana ásamt hefðbundnum auglýs-
ingum. Blaðið fylgir Fréttablaðinu daglega.
Útgefandi: 365 miðlar | Ábyrgðarmaður: Jón Laufdal
Sölumenn: Jónína María Hafsteinsdóttir, jmh@365.is, s. 512 5473
Sverrir Birgir Sverrisson, sverrirbs@365.is, s. 512 5432
Elsa Jensdóttir, elsaj@365.is, s. 512-5427 | Hönnun: Silja Ástþórsdóttir