Fréttablaðið - 28.11.2012, Blaðsíða 18

FÓLK|FERÐIR
Í Disney-skemmtigarðinum í Flórída er fimm stjörnu veitingastaðurinn og klúbburinn Club 33 sem er vel falið
leyndarmál. Staðurinn er ekki opinn al-
menningi og eru meðlimir hans aðeins
487 talsins. Meðlimir geta þó boðið
vinum og kunningjum að fara á staðinn.
Fyrir aðdáendur Disney og ævintýra
hans er erfitt að lýsa þeirri upplifun
sem Club 33 hefur upp á að bjóða.
FRÆGIR GESTIR
Forsetar Bandaríkjanna, leiðtogar ým-
issa landa, leikarar og viðskiptamenn
frá hinum ýmsu löndum heims hafa
verið gestir staðarins. Það er alls ekki
óvenjulegt þegar fólk fer út að borða á
staðnum að sá sem situr á næsta borði
sé heimsfrægur leikari eða stjarna.
TILKOMA NAFNSINS
Það fara margar sögur af því hvernig
nafn staðarins er tilkomið. Tvær algeng-
ustu skýringarnar eru báðar nokkuð
skynsamlegar. Opinbera skýringin sem
forsvarsmenn Disney nota er sú að
nafnið sé dregið af heimilisfangi staðar-
ins en klúbburinn stendur við Royal-
stræti númer 33 við New Orleans-torg.
Óopinbera skýringin sem helst er notuð
er að helstu styrktaraðilar Disneylands
voru 33 talsins árið 1967 þegar veitinga-
staðurinn var opnaður.
FLEIRI TEKNIR INN Í FYRSTA SKIPTI Í
TÍU ÁR
Aðgangur að Club 33 krefst, eins og
allir góðir hlutir, þolinmæði. Mismargir
nýir félagar eru teknir inn í klúbbinn á
hverju ári. Sum ár er engum nýjum boð-
in þátttaka en sum árin eru þó nokkrir
teknir inn. Í maí síðastliðnum tilkynntu
forsvarsmenn Disney að takmarkaður
fjöldi nýrra meðlima yrði tekinn inn í
Club 33. Þá var sent boð til hundrað
fyrstu þeirra sem voru á biðlista, sem
þá taldi átta hundruð manns, um að
ganga í klúbbinn. Inngangan er aldeilis
ekki ókeypis en við inngöngu þarf að
greiða 25 þúsund dollara, eða sem
nemur 3,1 milljón íslenskra króna, og
árgjaldið er tíu þúsund dollarar eða um
1,2 milljónir. Þetta var í fyrsta skipti í tíu
ár sem ný nöfn af listanum voru tekin
inn í klúbbinn.
FLÓKIÐ UMSÓKNARFERLI
Ef fólk hefur hug á að ganga í klúbb-
inn þarf að senda formlegt, skriflegt
bréf. Sex til átta vikum síðar á
umsækjanda að berast upp-
lýsingapakki. Í pakkanum
eru upplýsingar um verð,
réttindi meðlima og stutt
kynning á klúbbnum og
sögu hans. Eftir að við-
komandi hefur kynnt sér
þessar upplýsingar þarf
að senda annað bréf þar sem
formleg ósk um að gerast með-
limur þarf að koma fram og
beiðni um að vera settur á
biðlista. Mikilvægt er að senda
síðara bréfið því annars er fólk
ekki sett á biðlistann.
LEYNDÓ Í DISNEY
LEYNIKLÚBBUR Eitt besta geymda leyndarmál Disney-skemmtigarðsins í
Flórída er fimm stjörnu veitingastaður og einkaklúbbur 487 meðlima.
EFTIRSÓTTUR STAÐUR
Club 33 er veitingastaður
og klúbbur í Disneylandi.
Um sjö hundruð manns
eru nú á biðlista til að
ganga í klúbbinn.
NORDIC PHOTO/GETTY
Senn kemur aðventan með tilheyr-andi ys og þys og bílastæðabrölti í bænum. Þá er þægilegt að losna
við leit að miðavélum Bílastæðasjóðs í
mestu vetrarhörkunum og geta gengið
frá stöðumælagjaldi í farsímanum. Það
er lítil fyrirhöfn í hlýjum bílnum og
síðan hægt að halda á vit erinda sinna
með góðri samvisku og öruggri vissu
um að fá ekki stöðumælasekt,“ segir
Hreinn Gústavsson, hugvitsmaður og
framkvæmdastjóri Stokks Software, sem
rekur stöðumælaþjónustuna Leggja.
Leggja fór í loftið 2008 og þjónar nú
þúsundum bíleigenda sem hafa sagt
skilið við stöðumælasektir og leggja nú
bílnum með farsíma sínum.
„Það snýr enginn til baka í hefð-
bundna stöðumæla eftir að hafa einu
sinni prófað Leggja,“ segir Hreinn.
„Stærsti kosturinn er vitaskuld að losna
við háar stöðumælasektir en einnig að
þurfa ekki að hafa handbæra smámynt í
stöðumæla. Þá sparar tíma og fyrirhöfn
að þurfa ekki að sækja stöðumælamiða
í langri fjarlægð frá bílnum og sá sem
notar Leggja greiðir aðeins fyrir þann
tíma sem bílnum er lagt og þarf því ekki
að ákveða fyrir fram hversu lengi hann
ætlar að leggja.“
Til að gerast notandi Leggja er bæði
hægt að skrá sig á heimasíðuna www.
leggja.is eða hringja í 770 1414 og fá
samband við þjónustuver.
„Notendur fá sendan P-límmiða sem
þeir líma á framrúðuna en geta einnig
prentað út P-miða af heimasíðunni í
sama tilgangi. Það er gert í öryggis-
skyni gagnvart mögulegum bilunum
í tölvukerfi Bílastæðasjóðs og sýnir
stöðumælavörðum að bíleigandinn
greiðir í gegnum Leggja,“ segir Hreinn.
„Þegar í bílastæði er komið er ein-
faldlega hringt í 770 1414 og gjaldsvæði
valið með takka á símanum. Frá og með
þeim tíma hefst gjaldtaka sem er gjald-
færð af kreditkorti. Sjá nánar á www.
leggja.is.
■ thordis@365.is
BLESS VIÐ SEKTIR
BÍLASTÆÐALÚXUS Hver vill ekki losna við svimandi háar stöðumælasektir?
Nú er hægt að leggja bílnum með farsímanum og losna við alls kyns umstang.
HUGULSAMUR
Hreini Gústavssyni
þótti vanta almennilega
þjónustu við bíleig-
endur í gjaldskyldum
bílastæðum.
MYND/GVA
Mánaðargjald er
419 krónur en að
sögn Hreins velja
flestir 74 krónu
þjónustugjald sem
leggst ofan á stöðu-
mælagjald í hvert
skipti sem þjónust-
an er notuð.
Ívar
Guðmundsson
Þú ert í traustum höndum!
Virka daga kl. 9-13
Save the Children á Íslandi