Fréttablaðið - 28.11.2012, Blaðsíða 29

MIÐVIKUDAGUR 28. nóvember 2012 | MENNING | 17
BÆKUR ★★★ ★★
Fyrir Lísu
Steinunn Sigurðardóttir
BJARTUR
Að segja frá leyndar-
máli sem hefur þjak-
að þig í áratugi getur
haft ófyrirsjáanleg-
ar afleiðingar og ekki
endilega allar jákvæð-
ar. Það fær vinur okkar,
krabbameinslæknir-
inn Martin Montag, að
reyna á eigin skinni í bókinni Fyrir
Lísu eftir Steinunni Sigurðardótt-
ur. Martin þekkjum við úr snilld-
arverkinu Jójó sem kom út í fyrra
sem lauk einmitt með því að hann
trúði vini sínum Martin Martinetti
fyrir leyndarmálinu, fékk aðra sögu
á móti og þeir nafnar tengdust á enn
dýpri og víðtækari hátt en áður.
Fyrir Lísu er kynnt sem sjálfstætt
framhald Jójós, en það hlýtur að
vera þrautin þyngri fyrir lesendur
sem ekki hafa lesið fyrri bókina að
ná áttum í þessari. Frásögnin held-
ur áfram í beinu framhaldi, klukku-
tímum eftir að frásögninni í Jójó
lauk, og lítið púður er lagt í að rifja
upp það sem á undan er gengið. Sem
er mikill kostur fyrir þá sem lásu
Jójó en hlýtur að vera frústrerandi
fyrir þá sem ekki lásu hana. Rétt er
því að ráðleggja lesendum að byrja
á Jójó áður en lagt er í Fyrir Lísu
enda verður enginn svikinn af þeim
lestri.
Með því að segja vini sínum frá
leyndarmálinu hefur Martin hrint
af stað snjóbolta sem stöðugt hleður
utan á sig og hann fær ekki stöðvað
þótt hann hálft í hvoru vildi. Hann
verður að segja frá ofbeldinu, ekki
bara gegn sér heldur
ekki síður gegn Lísu,
dóttur ofbeldismanns-
ins sem hann kynntist
sem kandídat á geðdeild.
Það er hugsunin um Lísu
sem knýr hann áfram og
hann segir sögu sína og
hennar aftur og aftur;
lögreglu, sálgreinanda,
konu sinni og fleirum.
Eftir því sem oftar er
sagt frá færist áherslan
og fleiri svik skjóta upp
kolli. Lausn er þó ekki
endilega í sjónmáli, því
eins og sálgreinandinn stórskrýtni
í kjallara kapellunnar bendir á: Það
er engin lækning til við þessu meini.
Engin.
Stíll Steinunnar er sem fyrr fág-
aður og agaður og setningarnar
bráðna í munni, kæta og græta.
Húmor hennar fær hér einnig meira
svigrúm en í Jójói og heimsóknin til
sálgreinandans fer hiklaust á blað
með kómískustu atriðum á hennar
ferli. Lýsingar á samskiptum þeirra
hjóna, Martins og Petru, eru líka
magnþrungnar og ægifagrar, en í
það heila vantar slagkraftinn sem
Jójó bjó yfir. Ógnin sem yfir vofði er
komin fram úr fylgsninu og um leið
færist þungi frásagnarinnar yfir í
útskýringar og greiningar á barna-
níði með æði misjöfnum árangri.
Kannski ráðleggingin sem Steinunn
segist hafa fengið fyrir löngu: Ekki
skrifa um þetta efni, það er ekki
hægt, eigi þrátt fyrir allt við einhver
rök að styðjast.
Friðrika Benónýsdóttir
NIÐURSTAÐA: Fallega stílað fram-
hald meistaraverksins Jójós. Brilljant á
köflum en líður fyrir samanburðinn og
nær ekki fram sömu ógnaráhrifum.
Við erum, sem sagt,
manneskjur
fæst á www.kronan.is
GJAFAKORT
149kr.pk.
Allra hveiti, 2 kg
2 kg
ALLT FYRIR
BAKSTURINN
!
Laugavegi 13, 101 Reykjavík
sími 515 5800, rannis@rannis.is
www.rannis.is
HVAÐ?
HVENÆR?
HVAR?
MIÐVIKUDAGUR 28. NÓVEMBER
2012
Upplestur
20.00 Höfundar lesa
upp úr nýútkomnum
bókum sínum á Bóka-
konfekti Forlagsins
á Café Rosenberg.
Aðgangur er ókeypis.
Bókmenntir
20.00 Menningar-
miðstöðin Gerðubergi
heldur bókakaffi í
umsjón Jóns Björns-
sonar. Gluggað verður
í Heimskringlu,
Gerplu og Geisla.
Dans
14.00 Síðdegisdans verður hjá Félagi
eldri borgara í Reykjavík, Stangarhyl 4.
Stjórnendur eru Matthildur
og Jón Freyr.
20.30 Gömlu dansarnir verða dans-
aðir í sal Þjóðdansafélags Reykjavíkur,
Álfabakka 14A. Lifandi tónlist og allir
velkomnir.
Fyrirlestrar
12.00 Margrét Hallgrímsdóttir þjóð-
minjavörður heldur erindið Safnastarf
í norrænu samhengi í fyrirlestrasal
Þjóðminjasafns Íslands. Aðgangur er
ókeypis.
Upplýsingar um við-
burði sendist á hvar@
frettabladid.is og
einnig er hægt að
skrá þá inni á visir.is.