Fréttablaðið - 22.12.2012, Page 60

22. desember 2012 LAUGARDAGUR| HELGIN | 60
1. Steinbítur með beikoni
og svörtum ólífum,
borinn fram með volgu
spínatsalati
Handa 4
Sparilegur fiskréttur sem
má framreiða við hin ýmsu
tækifæri, svo sem á jólum eða
þegar von er á góðum gestum.
Í staðinn fyrir steinbít má
nota keilu eða blálöngu.
Um 800 g steinbítsflak, skorið í
tvennt langsum
100 g grískar svartar ólífur, stein-
lausar
1 rósmaríngrein
½ tsk. kummin
1 msk. ólífuolía
Fínrifinn börkur af ½ sítrónu
10-12 sneiðar beikon
2 msk. ólífuolía og smávegis til
viðbótar
600 g spínat
Handfylli af rúsínum
70 g furuhnetur
Salt og svartur pipar
Hitið ofninn í 190˚C. Maukið
saman ólífur, rósmarín-
nálar, kummin, ólífuolíu og
sítrónubörk. Smyrjið maukinu
á annan flakhelminginn
og leggið hinn yfir. Vefjið
beikonsneiðum utan um
flökin og festið saman með
tann stönglum eða slátur-
garni. Penslið beikonið með
smávegis af ólífuolíu.
Setjið fiskinn í eldfast mót
og bakið í miðjum ofninum
18-25 mínútur, tíminn fer eftir
þykktinni á flakinu. Setjið
ofninn á grill og bakið fiskinn í
2 mínútur til viðbótar eða þar
til beikonið fær á sig fallegan
steikarlit. Soðið af fiskinum
má nota í sósu. Fitunni er
fleytt ofan af soðinu og það
mýkt með 150 ml af sýrðum
rjóma eða 75 ml af vatni.
Setjið smávegis af ólífuolíu
á pönnu og mýkið spínatið
ásamt rúsínum og furu-
hnetum. Berið fiskinn fram
með spínatsalatinu. Saltið og
piprið.
2. Panettone
Handa 8-10
Panettone er ítalskt bakkelsi
sem er gjarnan borðað í
kringum jólahátíðina og sómir
sér vel á veisluborðinu. Það er
bakað með rúsínum, sítrus-
berki og stundum súkkulaði-
bitum. Í staðinn fyrir rúsín-
urnar er hægt að nota 100 g
af grófsöxuðu 56% súkkulaði.
Gott er að sáldra smávegis af
flórsykri yfir brauðið áður en
það er borið fram.
4 msk. volg mjólk
2½ tsk. ger
50 g sykur
420 g prótínríkt hveiti
½ tsk. salt
125 g rúsínur
Fínrifinn börkur af 2 appelsínum
og 2 sítrónum
100 g smjör, mjúkt
3 stór egg, léttþeytt
1 msk. smjör, brætt til penslunar
Smyrjið hátt kökumót sem
tekur að minnsta kosti 1,5
lítra. Hitið mjólkina upp í
u.þ.b. 37˚C. Blandið gerinu
ásamt 1 msk. af sykri saman
við og látið standa í 10 mín-
útur. Setjið hveitið í stóra
skál ásamt afganginum af
sykrinum, salti, rúsínum og
sítrusberki. Hnoðið smjörið
saman við. Þeytið egg og ger-
blöndu saman og hellið yfir
hveitið. Hrærið og hnoðið þar
til deigið verður mjúkt. Bætið
við meiri mjólk eða hveiti ef
þarf. Breiðið plastfilmu yfir
skálina og látið deigið hefast
á hlýjum stað þar til það hefur
tvöfaldast að stærð. Það ætti
að taka 60 mínútur. Hnoðið
deigið þá aftur og setjið í
kökumótið.
Leggið plastfilmu lauslega
yfir deigið og látið það hefast
aftur í 60 mínútur. Hitið
ofninn í 190˚C. Penslið deigið
með bræddu smjöri. Bakið
brauðið í 40 mínútur, eða þar
til það er orðið gullinbrúnt.
Gott er að leggja álpappír
lauslega yfir mótið á meðan
brauðið bakast til að yfir-
borðið dökkni ekki of mikið.
3. Hnetuostakökur
Þessar ostasmákökur eru
sérlega góðar til að narta í
með góðum drykk. Osta- og
hnetubragðið er kraftmikið
og gott og ekki skemmir
cayenne-piparinn fyrir.
Um 30 kökur
100 g bragðsterkur ostur, rifinn
100 g hveiti
Ögn af salti
100 g smjör, mjúkt
¼ tsk. cayenne-pipar
75 g blandaðar hnetur, saxaðar
Hitið ofninn í 180˚C.
Leggið bökunarpappír á tvær
bökunarplötur. Setjið allt
hráefnið í eina skál en skiljið
svolítið af hnetunum eftir til
þess að dreifa yfir kökurnar
áður en þær eru bakaðar.
Hrærið lauslega saman og
hnoðið svo áfram í hönd-
unum.
Rúllið deiginu upp í lengju,
skerið hana í bita á stærð við
valhnetur og raðið á bökunar-
plötuna. Stráið hnetunum sem
teknar voru frá yfir kökurnar
og pressið þær létt ofan í
deigið.
Bakið í 20–25 mínútur eða
þar til kökurnar eru orðnar
ljósgullnar. Kælið kökurnar á
kökugrind.
➜Panettone er ítalskt
bakkelsi sem er gjarnan
borðað í kringum jóla-
hátíðina og sómir sér
vel á veisluborðinu. Það
er bakað með rúsínum,
sítrusberki og stundum
súkkulaðibitum. Í staðinn
fyrir rúsínurnar er hægt
að nota 100 g af gróf-
söxuðu 56% súkkulaði.
Gott er að sáldra smá-
vegis af flórsykri yfir
brauðið áður en
það er borið fram.
JÓLAHEFÐIN
Inga og Gísli
hafa yfirleitt
rjúpur í matinn
á aðfangadags-
kvöld. Þau bera
þær fram með
soðsósu með
rifsberjahlaupi
og klípu af
gráðosti, hassel-
back-kartöflum
og waldorf-
salati. „Þetta er
svona okkar fasti
liður. Í forrétt
reynum við að
hafa anda- eða
gæsalifur og svo
er eftirrétturinn
mismunandi
milli ára,“ segir
Inga. Hér eru
hjónin ásamt
dætrunum
Telmu Líf og
Júlíu Sólveigu.
FRÉTTABLAÐIÐ/STEFÁN
Uppskrift er ekki heilög,“ segir Inga Elsa Berg-þórsdóttir. Hún og eigin-maður hennar Gísli Egill Hrafnsson eru höfundar matreiðslubókarinnar
Eldað og bakað í ofninum heima. Fyrir
síðustu jól gáfu þau út bókina Góður
matur – gott líf í takt við árstíðirnar
og var hún tilnefnd fyrst allra mat-
reiðslubóka til Íslensku bókmennta-
verðlaunanna. Nýja bókin er sjálf-
stætt framhald af þeirri bók. „Þessi er
samt meiri matreiðslubók og þemað er
að nýta ofninn. Í fyrri bókinni fórum
við í gegnum árstíðirnar en við erum
mikið að rækta sjálf og með henni
gáfum við ræktunarleiðbeiningar,“
segir Inga.
Bókina prýða flottar myndir og fjöl-
breyttar uppskriftir. Inga segir mat-
reiðsluáhugann hafa kviknað í Frakk-
landi þegar þau Gísli voru þar við
nám. Hún er grafískur hönnuður og
hann ljósmyndari og með útgáfu bók-
anna sameina þau vinnuna og áhuga-
málið en áður höfðu þau unnið mikið
að kynningarefni fyrir matvælafyrir-
tæki. „Matreiðsla er búið að vera stóra
áhugamálið okkar í meira en tuttugu
ár. Í Frakklandi opnuðust augu okkar
fyrir ýmsum möguleikum og hráefn-
um. Frakkar eru einstakir hvað varð-
ar mat. Annars má kalla uppskriftir
bókarinnar svona uppáhaldsmatinn
okkar í gegnum tíðina,“ segir Inga en
bókin er undir sterkum áhrifum frá
matarmenningu Frakka. „Með bók-
inni erum við líka að reyna að ein-
falda uppskriftir. Til dæmis að taka
eitthvað sem er flókið, eins og smjör-
deig, frá grunni. Það er ekki auðvelt
að gera það í fyrsta skiptið en þegar
maður prófar að gera það sjálfur fær
maður eitthvað sem er allt öðruvísi
og miklu betra en nokkuð sem maður
hefur smakkað.“
ÁHUGINN KVIKNAÐI Í FRAKKLANDI
Matgæðingarnir Inga Elsa og Gísli Egill birta uppáhaldsuppskriftirnar í matreiðslubókinni Eldað og bakað í ofninum heima.
Hallfríður Þóra
Tryggvadóttir
hallfridur@frettabladid.is
1
3
2