Fréttablaðið - 22.12.2012, Side 134

22. desember 2012 LAUGARDAGUR| SPORT | 110
KÖRFUBOLTI Það er sterk hefð fyrir því í
NBA-deildinni að spila á jóladag og það
þykir mikill heiður fyrir lið og leikmenn að
spila á þessum degi þrátt fyrir að það spilli
mikið fyrir jólahaldi fjölskyldu leikmann-
anna. Á þessum degi fá nefnilega aðeins að
spila skemmtilegustu og áhugaverðustu lið
deildarinnar. Einn er sá leikmaður í NBA-
deildinni sem er fastagestur í sjónvörpum
Bandaríkjamanna á jóladag og það er Los
Angeles Lakers-maðurinn Kobe Bryant.
Vegna þessa hefur Kobe ekki fengið að
eyða miklum tíma með fjölskyldu sinni á
hápunkti jólanna en hann er að nú að spila á
þessum degi fjórtánda árið í röð.
Fimm leikir og einn í beinni hér
Eins og undanfarin fjögur ár fara
fram fimm leikir á jóladag og fyrir
körfuboltaáhugamanninn þá eru þeir hver
á fætur öðrum þannig að það er hægt að
horfa á NBA-leik í beinni samfellt í meira
en þrettán klukkustundir. Stöð 2 Sport mun
sýna leik Oklahoma City Thunder og Miami
Heat klukkan 22.30 en þarna mætast liðin
sem komust alla leið í lokaúrslitin á síðustu
leiktíð. Miami Heat liðið hafði þá betur.
Kobe Bryant og félagar taka á móti liði
New York Knicks í öðrum leik dagsins sem
hefst klukkan átta að íslenskum tíma. Fyrsti
leikur kvöldsins er á milli Brooklyn Nets
og Boston Celtics. Eftir leik Oklahoma City
Thunder og Miami Heat spila síðan Chicago
Bulls-Houston Rockets og Los Angeles Clip-
pers-Denver Nuggets.
Kobe bætti leikjamet þeirra Dolph
Schayes, Earl Monroe og Shaquille O‘Neal
í fyrra en allir spiluðu þeir á sínum tíma
þrettán leiki 25. desember. Bryant hefur nú
skorað 349 stig í 14 leikjum á jóladegi eða
24,9 stig að meðaltali í leik og þar dregur
hann niður fyrsti leikurinn þegar hann fékk
aðeins að spreyta sig í fimm mínútur.
349
Kobe Bryant hefur
skorað 349 stig í
14 leikjum á
jóladegi en hann
hefur skorað 24,9
stig að meðaltali
á þessum degi.
5
Fimm leikir fara
fram í NBA-
deildinni 25.
desember og
leikur Oklahoma
City og Miami er í
beinni á S2 Sport.
JÓLALEIKIR KOBE
BRYANT Á FERLINUM
1996 108-87 SIGUR Á PHOENIX
0 stig, 1 frákast, 0 stoðsendingar á 5 mínútum
(hitti úr 0 af 2 skotum)
1999 99-93 SIGUR Á SAN ANTONIO
18 stig, 5 fráköst, 5 stoðsendingar á 35 mínútum
(hitti úr 7 af 19 skotum)
2000 104-109 TAP Á MÓTI PORTLAND
29 stig, 2 fráköst, 6 stoðsendingar á 45 mínútum
(hitti úr 9 af 20 skotum)
2001 88-82 SIGUR Á PHILADELPHIA
12 stig, 11 fráköst, 9 stoðsendingar á 42 mínútum
(hitti úr 6 af 19 skotum)
2002 99-105 TAP FYRIR SACRAMENTO
27 stig, 15 fráköst, 6 stoðsendingar á 46 mínútum
(hitti úr 7 af 24 skotum)
2003 87-99 TAP FYRIR HOUSTON
23 stig, 8 fráköst, 6 stoðsendingar á 43 mínútum
(hitti úr 9 af 26 skotum)
2004 102-104 TAP FYRIR MIAMI
42 stig, 3 fráköst, 6 stoðsendingar á 50 mínútum
(hitti úr 12 af 30 skotum)
2005 92-97 TAP FYRIR MIAMI
37 stig, 8 fráköst, 6 stoðsendingar á 44 mínútum
(hitti úr 12 af 30 skotum)
2006 85-101 TAP FYRIR MIAMI
16 stig, 2 fráköst, 4 stoðsendingar á 38 mínútum
(hitti úr 4 af 17 skotum)
2007 122-115 SIGUR Á PHOENIX
38 stig, 5 fráköst, 7 stoðsendingar á 41 mínútu
(hitti úr 12 af 20 skotum)
2008 92-83 SIGUR Á BOSTON
27 stig, 9 fráköst, 5 stoðsendingar á 43 mínútum
(hitti úr 13 af 23 skotum)
2009 87-102 TAP FYRIR CLEVELAND
35 stig, 10 fráköst, 8 stoðsendingar á 45 mín-
útum (hitti úr 11 af 33 skotum)
2010 80-96 tap FYRIR Miami
17 stig, 6 fráköst, 7 stoðsendingar á 40 mínútum
(hitti úr 6 af 16 skotum)
2011 87-88 TAP FYRIR CHICAGOS
28 stig, 7 fráköst, 6 stoðsendingar á 35 mínútum
(hitti úr 11 af 23 skotum)
Fær aldrei frí á jólunum
Kobe Bryant hjá NBA-liðinu Los Angeles Lakers mun bæta eigið met á jóladag þegar hann spilar sinn
fi mmtánda leik á þessum hátíðardegi. Hann vantar aðeins 29 stig til að bæta stigametið á þessum degi.
FIMMTÁNDI
LEIKURINN
Á JÓLADEGI
Kobe Bryant hefur
aldrei spilað oftar á
einum degi í NBA en
einmitt 25. desember.
NORDICPHOTOS/GETTY
Oscar Robertson á metið
Kobe er nú 28 stigum frá því að jafna stiga-
met Oscars Robertson sem skoraði 377 stig í
12 leikjum eða 31,4 að meðaltali. Robertson
var einnig með 12,1 stoðsendingu að meðal-
tali í þessum tólf leikjum sínum á jóladegi.
Michael Jordan náði aðeins að spila sex
leiki á jóladegi en hann skoraði í þeim 170
stig eða 28,3 að meðaltali í leik. Jerry West
var með 32,2 stig í leik á þessum degi og
Wilt Chamberlain skoraði 31,7 stig að meðal-
tali.
Hér til hliðar má sjá yfirlit yfir alla leiki
Kobe á jóladegi og það er ljóst á þeirri upp-
talningu að kappinn hefur látið til sín taka
á þessum degi enda bæði að skora, skjóta og
spila mikið í öllum þessum fjórtán leikjum.
ooj@frettabladid.is
HM í
han
dbol
ta
Í LEI
FTRA
NDI H
ÁSKE
RPU
Hefs
t 11.
janú
ar
Þorsteinn J. og gestir
Þorsteinn J. sér um upphitun
fyrir leiki og stýrir ítarlegri
umfjöllun eftir leiki ásamt
handbolta sérfræðingum
og góðum gestum.
FÁÐU ÞÉR ÁSKRIFT | 512 5100 | STOD2.IS | VERSLANIR VODAFONE | VERSLANIR OG ÞJÓNUSTUVER SÍMANS 800 7000