Fréttablaðið - 28.12.2012, Page 18

28. desember 2012 FÖSTUDAGUR| TÍMAMÓT | 18TÍMAMÓT
60 ára afmæli
Þann 1. janúar nk. verð ég sextugur.
Af því tilefni verð ég með opið hús á
Stórhöfða 27, Grafarvogsmegin,
kl. 17.00-20.00.

Níels Sigurður Olgeirsson
Móðir okkar, tengdamóðir, amma og
langamma,
RAGNHEIÐUR BJARNADÓTTIR
frá Húsavík,
lést á Dvalar- og hjúkrunarheimilinu Grund
að kvöldi aðfangadags. Útförin auglýst síðar.

Guðmundur Garðar Arthursson Katrín Ólöf Ástvaldsdóttir
Bjarni Benedikt Arthursson Jónína Guðrún Jósafatsdóttir
Þórdís Guðrún Arthursdóttir
barnabörn og barnabarnabörn.
VirðingReynsla & Þjónusta
Allan sólarhringinn
571 8222 · 82o 3939 svafar · 82o 3938 hermann
www.kvedja.is
Elskuleg eiginkona mín, móðir okkar,
tengdamóðir, amma og langamma,
SIGRÚN LILJA BERGÞÓRSDÓTTIR
Suðurbraut 2, Hafnarfirði,
lést á líknardeild Landspítala laugardaginn
22. desember 2012. Útförin fer fram frá
Hafnarfjarðarkirkju, föstudaginn 4. janúar
2013, kl. 13.00. Þeim sem vilja minnast
hennar er bent á Slysavarnardeildina Hraunprýði.

Marel Eðvaldsson
Gréta Húnfjörð Sigurðardóttir
Örn Marelsson
Ingibjörg Marelsdóttir
barnabörn og barnabarnabörn.
Okkar ástkæra,
HERMÍNA G. HERMANNSDÓTTIR
Logafold 135, Reykjavík,
lést á Landspítalanum við Hringbraut
mánudaginn 17. desember. Úförin fer
fram frá Grafarvogskirkju föstudaginn
28. desember, klukkan 15.00. Þeim
sem vilja minnast hennar er bent á
Krabbameinsfélagið.
Kári Jónsson
Bjarghildur Sólveig Káradóttir, Svala Skorradóttir,
Dröfn Skorradóttir
Jón Trausti Kárason Erla María Davíðsdóttir
Erna Kristín Jónsdóttir
Stefán Örn Kárason.
Konan mín, mamma okkar, tengdamamma,
amma og langamma,
ÞÓRUNN JÓNASDÓTTIR
Hellu,
lést á Dvalarheimilinu Lundi 24. desember.
Jarðarför auglýst síðar.

Guðni Jónsson
Hrafnhildur Guðnadóttir Friðrik Magnússon
Hjördís Guðnadóttir Auðun Gunnarsson
barnabörn og barnabarnabörn.
Oddur Ármann Pálsson flugvirki
hefur fengist við viðgerðir og véla-
stjórnun frá því fyrir tvítugt, fyrst á
dráttarvélum og jarðýtum en lengst af
á flugvélum. „Það má segja að ég hafi
alltaf gert það sem mig langaði mest.
Það tel ég mikið lán,“ segir hann glað-
lega þegar hann lítur um öxl í tilefni
áttræðisafmælis sem er í dag. Nú er
Oddur sjálfur nýbúinn að fara í við-
gerð, það er að segja hjartaþræðingu
og ætlar að taka því rólega á afmæl-
inu, þó hann telji sig stálsleginn, þökk
sé læknavísindunum.
Oddur er fæddur og uppalinn á
Hjallanesi í Landsveit, yngstur af
sex systkinum. „Við misstum föður
okkar árið 1950 og bjuggum eftir það
með móður okkar þar til ein systirin
tók við búskapnum. Um þetta leyti
voru miklar breytingar í búskapar-
háttum, vélarnar tóku að létta störf-
in en fram að því hafði allt verið gert
með handverkfærum og heyið flutt á
hestum,“ rifjar hann upp. Hann segir
þau systkinin hafa verið fljót að til-
einka sér tæknina. „Við fengum einn
af fyrstu Land Roverunum sem sáust
fyrir austan fjall og var úthlutað af
Búnaðarfélaginu. Ég dreif mig á véla-
námskeið á Hvanneyri þar sem ég
lærði viðgerðir á jarðýtum og drátt-
arvélum og við bræðurnir fórum að
vinna við vegagerð með búskapnum.
Ég fékk strax vinnu á jarðýtu. Það var
skemmtilegt, mikill munur á því og að
moka með skóflu. Alger bylting. Svo
var síminn að koma líka, við fengum
fyrst gamlan Bretasíma sem var bil-
anagjarn, enda lá strengurinn á jörð-
inni og skepnur kræktu sig í hann og
slitu í sundur,“ segir Oddur sem man
enn hringinguna á Hjallanesi, tvær
langar og eina stutta.
Oddur hóf að læra flugvirkjun hjá
Flugfélagi Íslands 15. október 1953 og
leitaði sér einnig þekkingar hjá SAS
og Boeing. „Síðan vann ég hjá Flug-
félaginu, Flugleiðum og Icelandair til
67 ára aldurs. Þá bættust tólf ár við
sem ég var hjá ýmsum öðrum flug-
rekstraraðilum,“ upplýsir hann. „Það
var mikil þróun í allri tækni og ég hef
gengið í gegnum margar bylgjur.“
Upp úr 1960 lærði hann einnig til
flugvélstjóra. „Við vorum með tvær
DC6-vélar hjá Flugfélaginu, það þurfti
flugvélstjóra á þær og ég var í því
til 1990, fyrst á sexunum og síðan á
Boeing 727.“
Um tíma kenndi Oddur flugvirkjum,
bæði á námskeiðum og í Fjölbrauta-
skóla Suðurnesja. Hann hefur líka
fengist við að íslenska fagmál flug-
virkja og safna heimildum um stéttina.
„Ég byrjaði snemma að fikta við tölvur
og áttaði mig fljótt á að það borgaði sig
að skrifa niður fróðleik ef hann ætti
ekki að gleymast svo ég fór að safna
upplýsingum sem varða fagið og stétt-
ina. Það væri talsverður doðrantur ef
hann væri prentaður út og ansi oft er
ég spurður um ýmis atriði.“
Eftir að Oddur hætti að fljúga um
1990 kveðst hann hafa fengið krans-
æðastíflu, gengist undir aðgerð og
síðan verið í góðu sambandi við lækna.
„Fyrir nokkrum dögum fann ég að
eitthvað var að og hringdi í 112, var
þræddur og fékk net í eina æð. Það
tók nokkrar mínútur. Ég á HL stöðinni
(endurhæfingarstöð hjarta- og lungna-
sjúklinga) mikið að þakka. Þegar ég
var skorinn þá gaf læknirinn mér von
um að ég gæti tórt í tíu ár en nú eru
þau orðin yfir tuttugu.“
gun@frettabladid.is
Alltaf gert það sem
mig langaði mest
Oddur Ármann Pálsson fl ugvirki er áttræður í dag. Hann tók þátt í íslenska ævintýrinu
kringum fl ugið í hartnær sex áratugi, eða allt þar til fyrir tveimur árum.
FLUGVIRKINN „Fyrir nokkrum dögum fann ég að eitthvað var að og hringdi í 112, var þræddur og fékk net í eina æð. Það tók nokkrar
mínútur,“ segir Oddur Ármann, sem kann vel að meta alla tækni. FRÉTTABLAÐIÐ/ANTON
Steinunn Ketilsdóttir frumsýnir í
kvöld dansverkið Já elskan. Umfjöll-
unarefni verksins er fjölskyldan,
samskipti hennar, meðvirkni, leynd-
armál og mynstur.
Í verkinu er tekist á við aðstæð-
ur sem allir hafa upplifað. Hvað er
venjuleg fjölskylda? Hvað er á yfir-
borðinu og hverju er sópað undir
teppið? Í Já elskan verða tabú krufin
til mergjar, hið ósagða tjáð og óupp-
fylltar þrár dregnar fram í dagsljósið.
„Í rannsóknunum fyrir sýninguna
las ég fullt af sögum af fólki sem er
endalaust að leita uppruna síns en
aðrir vilja helst klippa á öll tengsl.
Þetta eru svo miklar öfgar. Niður-
staðan er sú að sama hversu langt þú
reynir að flýja þá kemstu ekki undan
fortíðinni og fjölskyldunni. Þetta eru
ræturnar okkar og það er ekki hægt
að klippa á þær. Við erum öll með
þessar rætur hvort sem okkur líkar
betur eða verr. Þær eru hluti af því
hver við erum,“ sagði Steinunn í við-
tali við Fréttablaðið um sýninguna.
Verkið er sýnt í Kassanum, Þjóð-
leikhúsinu.
Dansverkið Já elskan frumsýnt
Steinunn Ketilsdóttir dansari veltir fyrir sér margbreytileika fj ölskyldna.
JÁ ELSKAN Dansverk um fjölskylduna.