Fréttablaðið - 28.12.2012, Blaðsíða 47

FÖSTUDAGUR 28. desember 2012 | TÍMAMÓT | 19
Elskulegur eiginmaður minn, faðir,
tengdafaðir, afi og langafi,
JÓSEF KRISTJÁNSSON
bifvélavirki,
Vanabyggð 7, Akureyri,
andaðist föstudaginn 14. desember
á Kristnesspítala. Jarðarför fer fram
frá Akureyrarkirkju mánudaginn
7. janúar kl. 10.30.

Björg Ólafsdóttir
Guðbjörg Inga Jósefsdóttir Sigmundur Rafn Einarsson
Ólafur Jósefsson
Jóhanna Elín Jósefsdóttir Björn Leifsson
Ragnhildur Björg Jósefsdóttir Gunnar Níelsson
barnabörn og barnabarnabörn.
Bróðir minn,
TRYGGVI SIGURÐSSON
Fagurhólsmýri,
Öræfum,
andaðist á Heilbrigðisstofnun
Suðausturlands aðfaranótt 24. desember.
Fyrir hönd aðstandenda,
Nanna Sigurðardóttir
Ástkær eiginmaður minn, faðir okkar og
tengdafaðir, afi, langafi og langalangafi,
SIGURÐUR HJARTARSON
bakarameistari,
Álfaskeiði 96, Hafnarfirði,
lést á Landspítalanum fimmtudaginn
20. desember sl. Útför hans fer fram
frá Þjóðkirkjunni í Hafnarfirði föstudaginn
28. desember kl. 13.00.
Bára Jónsdóttir
Katrín Sigurðardóttir Þorgils Þorgilsson
Þóra M. Sigurðardóttir Einar Gunnlaugsson
Jóna Sigurðardóttir Kristján Ólafsson
Sigurður I. Sigurðsson
barnabörn og barnabarnabörn.

Ástkær eiginkona mín, móðir okkar, dóttir
mín, amma okkar og tengdamóðir,
KATRÍN GUÐMUNDSDÓTTIR
lést í faðmi fjölskyldunnar annan í jólum á
Landspítalanum við Hringbraut.

Hans Óskar Isebarn
Dagmar Björnsdóttir Matthías Einarsson
Kjartan Hansson
Klara Hansdóttir Albert Örn Sigurðsson
Ragnheiður Guðrún Loftsdóttir
og barnabörn.
Elskuleg systir okkar, mágkona og frænka,
GUÐRÚN ÞORVALDSDÓTTIR
talsímakona,
Dvalarheimilinu Grund,
Hringbraut 50,
lést 20. desember. Útförin fer fram
frá Bústaðakirkju miðvikudaginn 2. janúar
kl. 15.00. Blóm og kransar afþakkaðir.
Þeim sem vilja minnast hennar er bent á Dvalarheimilið Grund.
Guðný Þorvaldsóttir
Böðvar Þorvaldsson Þórunn Árnadóttir
og aðstandendur.
Elskulegur eiginmaður minn og faðir,
INGI GARÐAR SIGURÐSSON
fyrrum tilraunastjóri á Reykhólum,
Þykkvabæ 17, Reykjavík,
sem lést á Landakoti sunnudaginn
16. desember. Útför fer fram í Árbæjarkirkju
fimmtudaginn 3. janúar kl. 13.00.

Kristrún Marinósdóttir
Hörður Ævarr Ingason
„Hafskipabryggjan hér í Hafnarfirði
var ein sú fyrsta sem gerð var á land-
inu og gufuskipið Sterling var fyrsta
skipið sem lagðist að henni, reyndar
tæplega einum og hálfum mánuði áður
en bryggjan var formlega vígð,“ segir
Már Sveinbjörnsson hafnarstjóri og
rekur söguna aðeins nánar.
„Hafnarfjarðarhöfn var formlega
stofnuð 1909 þó hún hafi verið komin
miklu, miklu fyrr. Mjög fljótlega eftir
hina formlegu stofnun kom upp hug-
mynd um að byggja hafskipabryggju
og hún var vígð 1913. En áður en af því
varð kom þetta gufuskip og lagðist að
bryggjunni.“ Ekki veit Már fyrir víst
hvaðan Sterling var að koma en kveðst
reikna með að það hafi verið að koma
frá Bretlandi. „Bretar voru með tog-
araútgerð hér á þessum tíma og voru
mjög umsvifamiklir. Svo kom Gullfoss
hér að 1913. Það var í fyrsta skipti sem
hann lagðist að bryggju á Íslandi því
hann lá alltaf úti á höfnum og fólk og
vörur voru ferjaðar í land. Hann kom
fullur af fólki frá Reykjavík og sigldi
aftur til baka. Bara sportsigling milli
Hafnarfjarðar og Reykjavíkur.“
Bókin Höfnin, saga Hafnarfjarðar-
hafnar kom út nú fyrir jól. „Á afmælis-
fundi 9. september 2009 var ákveðið
að gefa út bók um höfnina og hún er
orðin að veruleika,“ lýsir Már. „Okkur
þykir tilvalið að halda hóf af tvennum
ástæðum í dag í Byggðasafni Hafnar-
fjarðar, vegna bókarinnar og að öld er
frá komu Sterlings.“
gun@frettabladid.is
Hafnfi rðingar fagna tvennum
tímamótum með hófi í dag
Hundrað ár eru frá því fyrsta skip lagðist að bryggju í Hafnarfi rði. Það hét Sterling og var
gufuskip. Hafnfi rðingar fagna því í dag og einnig útgáfu nýrrar bókar um höfnina.
ATHAFNALÍF Í FIRÐINUM Hér er verið að smíða hafskipabryggjuna í Hafnarfirði fyrir
hundrað árum. MYND/LJÓSMYNDASAFN ÞJÓÐMINJASAFNS ÍSLANDS
Elektra býður upp á sína árlegu flug-
eldasýningu í tali og tónum á Kjarvals-
stöðum sunnudaginn 30. des ember
klukkan átta. Þar verður slegið á létta
strengi og flutt efnisskrá sem höfðar
til fjölbreytts hóps áheyrenda. Á efnis-
skrá eru meðal annars Sígauna tríóið
eftir Haydn, tveir nýlegir tangóar eftir
Björgvin Þ. Valdimarsson sem skrif-
aðir voru fyrir Elektra Ensemble og
ný útsetning Ástríðar Öldu Sigurðar-
dóttur á Ungverskum dönsum eftir
Brahms.
Elektra Ensemble er glæsilegur
tónlistarhópur skipaður fimm ungum
framúrskarandi tónlistarkonum, þeim
Ástríði Öldu Sigurðardóttur píanóleik-
ara, Emilíu Rós Sigfúsdóttur flautu-
leikara, Helgu Björgu Arnardóttur
klarínettuleikara, Helgu Þóru Björg-
vinsdóttur fiðluleikara og Margréti
Árnadóttur sellóleikara. Hópurinn
var útnefndur Tónlistar hópur
Reykjavíkur borgar 2009 og gekk í
kjölfarið til samstarfs við Listasafn
Reykjavíkur um tónleikaröð á Kjar-
valsstöðum sem hefur hlotið lof jafnt
gesta sem gagnrýnenda.
Áramótagleði Elektra Ensemble
Sígaunatríó Haydns og Ungverskir dansar Brahms eru á efnisskrá áramótatónleika.
ELEKTRA ENSEMBLE býður upp á sína árlegu flugeldasýningu í tali og tónum á
Kjarvalsstöðum.
Nýtt fjölnota knatthús var vígt við hátíðlega athöfn
á Höfn í Hornafirði rétt áður en jólin gengu í garð.
Það hefur hlotið nafnið Báran. Húsið er gjöf frá
fyrir tækinu Skinney-Þinganesi til sveitarfélagsins
og íbúa héraðsins.
„Það var mjög vel mætt í vígsluna og stemningin
var hátíðleg,“ segir Hjalti Þór Vignisson, bæjarstjóri
Hornafjarðar, og lýsir mikilli ánægju með fram-
kvæmdina. „Húsið er sannkölluð lyftistöng fyrir
iðkun íþrótta hér í Hornafirði að vetrinum. Það gerir
knattspyrnufólki kleift að stunda æfingar inni og er
opið öllum sem vilja stunda holla hreyfingu í skjóli
frá roki og rigningu. Það er í raun alveg ótrúlegt að
upplifa þetta,“ segir hann.
Á 60 ára afmæli fyrirtækisins Skinneyjar-Þinga-
ness árið 2006 ákváðu eigendur þess að leggja stórt
framlag til íþróttamála og skilyrtu framlagið því að
byggt yrði knatthús með gervigrasi. Nú er það orðið
að veruleika, rúmlega 4.000 fermetrar að stærð.
Hjalti segir mikla stemningu hafa skapast á Horna-
firði fyrir húsinu og að margir hafi notað það til
leikja á annan í jólum. gun@frettabladid.is
Sannkölluð lyft istöng fyrir iðkun
íþrótta í Hornafi rði að vetrinum
Nýtt knatthús var tekið í notkun á Höfn rétt fyrir jólin. Það heitir Báran og er gjöf frá
útgerðarfyrirtækinu Skinney-Þinganesi til íbúa héraðsins.
HÖLLIN Efnt var til samkeppni um nafn á hinu nýja knatthúsi Hornfirðin-
ga og bárust 190 tillögur. Báran varð fyrir valinu.