Fréttablaðið - 28.12.2012, Blaðsíða 36

6 • LÍFIÐ 28. DESEMBER 2012
28. SEPTEMBER 2012
Lífið er á Vísi – visir.is/lifid
SAKNAR ÓLAFS GAUKS
SVANHILDUR JAKOBSDÓTTIR SÖNGKONA
UM MISSINN OG BJARTA FRAMTÍÐINA
HJÖRDÍS GISSURAR
HEIMSÓTT
HREFNA SÆTRAN
BARNSHAFANDI
FRÆGIR Á
FRUMSÝNINGU
25. júní
Hrafnhildur Hafsteinsdóttir
Barnalán hefur svo sannarlega leikið við hjónin Hrafnhildi
Hafsteinsdóttur og Bubba Morthens. Þau eignuðust gull-
fallega dóttur þann 7. maí á árinu sem er að líða og eiga
því nú saman alls sex börn. Saman eiga þau dótturina
Dögun París þriggja ára og fyrir á Hrafnhildur Isabellu
Ósk sjö ára og Bubbi þau Hörð 21 árs, Grétu 19 ára og
Brynjar 14 ára.
Þegar Lífið spurði Hrafnhildi hvers hún óskaði sér í
framtíðinni svaraði hún: „Það er gaman að segja frá því
að ég á fallegan óskakassa sem vinkona mín gaf mér
fyrir nokkrum árum og reglulega skrifa ég niður mark-
mið, drauma og óskir og set í kassann. Stærsta óskin
mín er að fjölskyldan mín sé heilbrigð og er ég þakklát
fyrir hvern dag sem svo er. Ég á líka fullt af verald legum
óskum eins og að geta ferðast með fjölskyldunni og sýnt
börnunum heiminn; pýramídana í Egyptalandi, hringleika-
húsið í Róm, fara til Ríó á karnival og til Indlands að læra
að elda góðan mat. Ég á fullt af fallegum óskum en á
hverjum morgni tek ég stutta hugleiðslu og bæn og svo
þakka ég alltaf fyrir það sem ég á. Það er gott að láta sig
dreyma – því draumar geta ræst.“
LÍFIÐ LÍTUR UM ÖXL UNDIR LOK ÁRS
Hér má sjá örlítið brot af þeim glæsilegum konum sem Lífið spjallaði við á árinu sem er að líða. Allar deildu þær með okkur meðal annars reynslu
úr lífi sínu, lífsviðhorfum sínum, gleði og sorg. Lífið þakkar öllum þeim sem komu í blaðið á árinu og hlakkar til að tala við enn fleiri á því næsta.
20. apríl
Guðlaug Jónsdóttir
Arkitektinn Guðlaug Jónsdóttir, betur þekkt sem Gulla,
hefur búið í Los Angeles í rúmlega tuttugu ár þar sem
hún sinnir ástríðu sinni sem er að hanna og skapa.
Hún ræddi um verkefnin, Hollywood og ástina. Spurð
hvort hún væri tilbúin að hleypa manni inn í líf sitt og
hvaða kosti hann þyrfti að bera svaraði Gulla: „Já,
loksins er ég tilbúin. Hann má hafa fullt af góðum
kostum en hann má bara ekki hafa galla. Þetta er sagt
í gríni að sjálfsögðu. Snýst þetta ekki allt um „chem-
istry“ og að tengjast annarri manneskju? Það er ekki
auðvelt að finna.“
21. janúar
Manúela Ósk
Harðardóttir
„Glamúrinn við útlandið var fljótur
að fölna og heimþráin magnaðist
upp með hverju árinu,“ sagði Ma-
núela Ósk Harðardóttir, sem var ný-
flutt heim til Íslands eftir nokkurra
ára dvöl erlendis. Hún sagðist horfa
björtum augum fram á við eftir erf-
iða tíma í einkalífinu og slæma útreið
í fjölmiðlum í kjölfar skilnaðar.
2. mars
Elín Hirst
Elín Hirst sinnir ömmuhlutverkinu af mikilli natni og einlægni. Hún prýddi for-
síðu Lífsins með eins árs gamalli sonardóttur sinni, Margréti Stefaníu Friðriks-
dóttur Hirst. Elín rifjaði upp með Lífinu eftirminnileg atvik á þrjátíu ára löngum
farsælum fjölmiðlaferli og svaraði hispurslaust, spurð hvort hún gæti raunveru-
lega hugsað þér að bjóða sig fram til embættis forseta Íslands, eftirfarandi: „Já,
það get ég. Það eru hins vegar ýmis ljón á veginum. Fyrsta ljónið er núverandi
forseti. Ætlar hann að gefa kost á sér í fimmta sinn eður ei? Hann stóð illa eftir
hrunið og tengsl hans við almenning höfðu beðið skaða, en svo hefur hann náð
aftur sambandi við fólkið í landinu til dæmis með því að efna til þjóðaratkvæða-
greiðslu um Icesave-samninginn. En að mínum dómi er þetta orðið ágætt eftir
sextán ár í embætti. Það þarf að hleypa frískum vindum inn á Bessastaði. Fleiri
ljón eru í veginum fyrir hugsanlega forsetaframbjóðendur.“
9. mars
Helga Arnar
Helga Arnardóttir, frétta-
maður á Stöð 2, fékk blaða-
mannaverðlaun 2011 fyrir
umfjöllun ársins. Hún fjallaði
ítarlega um Geirfinns málið í
Íslandi í dag á Stöð 2, meðal
annars á grundvelli nýrra
gagna sem hún kynnti til
sögunnar.
„Ég hugsa að konur af
annarri kynslóð hafi þurft
að mæta miklu meira and-
streymi af hálfu karlmanna
í fréttamennskunni hér á
árum áður. Jafnréttið er held
ég komið inn í genetíska
vitund jafnaldra minna að
miklu leyti.“
28. september
Svanhildur Jakobsdóttir
Lífið hitti Svanhildi Jakobsdóttur söngkonu og átti við hana einlægt spjall um lífið
eftir fráfall Ólafs Gauks, lífsförunauts hennar. Svanhildur var þá og er enn í dag
umvafin verkefnum og nýtur lífsins. Spurð um eiginmann sinn, tónlistar manninn
Ólaf Gauk sem féll frá fyrir rúmu ári, og hvernig henni hefði tekist að takast á
við sorgina og missinn svaraði Svanhildur: „Já, Gaukur er farinn, en ég er hér
enn þá og fyrst svona þurfti að fara, er ég þakklát fyrir að hann fór á undan mér.
Held að það hefði verið verra ef ég hefði farið fyrst. Oft erfiðara fyrir karlmenn að
spjara sig eina og ég hugsa að það hefði getað orðið nokkuð snúið fyrir hann.
Við vorum alla tíð mjög náin og studdum hvort annað í lífsins ólgusjó. Og það
gengur allt vel hjá mér, enda nóg við að vera, sem mér finnst skemmtilegast. Svo
eignuðumst við tvö ótrúleg börn saman, Önnu Mjöll og Andra Gauk, sem eru í sí-
felldu sambandi þótt þau búi bæði í annarri heimsálfu.“
31. ágúst
Linda Pétursdóttir
Linda rifjaði meðal annars upp hættulega páskaferð
með Ísabellu Ásu.
„Þetta var ógurlega sérstakt allt saman. Við mæðgur
vorum í fríi í Taílandi síðastliðna páska og vorum á leið
út í bát á seinasta degi okkar, búnar að pakka og á
leið út á flugvöll þegar okkur var snúið við og maður
skildi bara að kallað var „tsunami, tsunami!“. Við hlið
okkar voru eldri hjón, bresk, sem buðu okkur að koma
með sér upp á þeirra herbergi þar sem við vorum
búnar að skila af okkur herberginu okkar.
Vissulega var ég mjög hrædd þar sem við biðum í
rafmagnsleysinu við magnaða tónlist himinsins, þar
sem þrumur og eldingar létu heldur betur í sér heyra.
Við máttum alveg eins eiga von á því að vera að bíða
eftir dauðanum og hver mínúta var heil eilífð. Lítið var
um að skilaboðum væri komið til okkar sem biðum
ótta slegin eftir því sem verða vildi, en fengum þó að
vita eftir nokkurra klukkutíma bið að von væri á 5-6
metra háum öldum eftir um þrjátíu mínútur. Það var
óhugnan legur tími. Við vorum föst þarna og ekki hægt
að komast af staðnum sem við vorum á nema með
bát. Bak við hótelið voru aðeins háir klettar sem ekki
var hægt að klifra upp í.“
26. október
Valdís Konráðsdóttir
Í október á hverju ári snýr þjóðin bökum saman og
sýnir konum þessa lands sem háð hafa baráttu við
brjóstakrabbamein stuðning og minnist þeirra sem
sjúkdómurinn hefur fellt ásamt því að auka vitund
kvenna almennt um sjúkdóminn. Innlegg Lífsins var
saga hinnar hugrökku Valdísar Konráðsdóttur, 34 ára,
en hún tók örlögin í eigin hendur ef svo má segja og
fór í mikla forvarnaraðgerð þar sem löng og mikil saga
um krabbamein er í fjölskyldunni.
Eftir röð áfalla í fjölskyldunni breyttist viðhorf Val-
dísar gagnvart brjóstnámi. „Ég og maðurinn minn
tókum þá ákvörðun í sameiningu að bíða ekki eftir
því að greinast með krabbamein heldur láta fjarlægja
þessa ógn sem fyrst. Í framhaldi fórum við hjónin
saman í viðtöl til lýtalækna og reyndum að fá eins
miklar upplýsingar um brjóstnám og hægt var.
Á þessu tíma fékk ég símtal frá yndislegri konu sem
einnig hafði farið í gegnum svona fyrirbyggjandi að-
gerð. Við hittumst og hún leiddi mig í gegnum sína
sögu, sem er mér ómetanlegt. Það breytti öllu fyrir
mig að eiga hana að og geta fengið upplýsingar og sjá
brjóst, ör og annað eftir svona aðgerð.“