Fréttablaðið - 29.12.2012, Blaðsíða 10

29. desember 2012 LAUGARDAGUR| FRÉTTIR ÍÞRÓTTAVENDIPUNKTAR | 10
Sigurður Elvar Þórólfsson er íþróttafréttastjóri
365 miðla. Hann hefur starfað sem íþrótta-
fréttamaður í áratug og er formaður Samtaka
íþróttafréttamanna.
Fréttablaðið gerir upp árið með greinum um innlenda
vendipunkta eftir valda höfunda. Vendipunktarnir snúast
um markverðar fréttir og atburði sem áttu sér stað
á árinu og gætu haft áhrif til frambúðar á Íslandi.
Það er staðreynd að handknattleiks-maðurinn Ólafur Stefánsson hefur leikið sinn síðasta landsleik fyrir Ísland. Ólafur hefur verið lykil-maður í landsliðinu allt frá því hann
lék á sínu fyrsta stórmóti, heimsmeistara-
mótinu sem fram fór á Íslandi árið 1995.
Ólafur var fyrirliði landsliðsins sem lék
til úrslita á Ólympíuleikunum í Peking og
hann var einnig fyrirliði þegar liðið náði
bronsverðlaunum á Evrópumeistara mótinu
í Austur ríki árið 2010. Skarðið sem Ólafur
skilur eftir verður erfitt að fylla enda er
Ólafur af mörgum talinn vera einn besti
handboltamaður allra tíma.
Það voru fleiri stórir vendipunktar hjá
íslenska handboltalandsliðinu á árinu 2012.
Guðmundur Þórður Guðmundsson, þjálfari
liðsins, hætti störfum að loknum Ólympíu-
leikunum í London sl. sumar þar sem liðið
var hársbreidd frá því að komast í undan-
úrslit. Silfurverðlaunin á ÓL í Peking árið
2008 og brons verðlaunin á Evrópumeistara-
mótinu í Austurríki árið 2010 standa upp úr
á farsælum þjálfara ferli Guðmundar með
íslenska karlalandsliðið. Undir hans stjórn
setti liðið ný viðmið og braut niður hindranir
sem höfðu áður staðið í vegi.
Aron Kristjánsson tók við af Guðmundi og
þar kemur til sögunnar ungur þjálfari sem
sækir reynslu sína og hugmynda-
fræði frá Danmörku. Aron lék um árabil
með danska liðinu Skjern þar sem Anders
Dahl-Nielsen var þjálfari. Nýtt upphaf bíður
því íslenska handboltalandsliðsins á næsta
stórmóti þegar heimsmeistara mótið hefst á
Spáni 11. janúar á næsta ári. Nýr þjálfari og
Ólafur Stefánsson ekki til staðar.
Kvennalandsliðið í handknattleik komst
„bakdyramegin“ inn í úrslitakeppni Evrópu-
meistaramótsins sem fram fór í Serbíu í des-
ember á þessu ári. Ísland náði ekki að landa
sigri á EM, líkt og á Evrópumeistaramótinu í
Danmörku árið 2010. Kjarni liðsins er ungur
og liðið á framtíðina fyrir sér og er líklegt til
þess að halda uppi merkjum Íslands á stór-
mótum í framtíðinni.
Ótrúleg sigurganga hjá Kiel
Handknattleiksþjálfarinn Alfreð Gíslason
náði ótrúlegum árangri með þýska liðið Kiel
á árinu 2012. Undir hans stjórn vann Kiel
alla 34 leiki sína í deildarkeppninni sem er
einsdæmi í sögu þýsku deildar keppninnar.
Kiel varð einnig bikarmeistari og fór þar
ósigrað í gegnum tímabilið. Loks hampaði
liðið Evrópumeistaratitlinum í lok maí með
26-21 sigri gegn spænska liðinu Atleticó
Madríd. Þetta var í þriðja sinn sem Alfreð
nær þessum titli sem þjálfari, í annað sinn
hjá Kiel en Magdeburg varð Evrópu meistari
undir hans stjórn árið 2002. Árangur
Alfreðs með lið Kiel á leiktíðinni
2011-2012 verður seint leikinn
eftir og í þessu liði lék lands-
liðsmaðurinn Aron Pálmars-
son stórt hlutverk.
Íslenskir handbolta-
þjálfarar hafa sett mark
sitt á þýska handbolt-
ann á undanförnum
misserum og þar fara
Alfreð, Guðmundur
Þ. Guðmundsson og
Dagur Sigurðar son
fremstir í flokki.
Það er tekið eftir
árangri þeirra
og ekki síst í ljósi
þeirrar staðreynd-
ar að þeir koma
allir frá „litla“
Íslandi. Íslensk-
ir þjálfarar eru
vel að sér í fag-
inu og hafa náð
tökum á viðfangs-
efninu með mikilli þekkingu, reynslu, elju
og vinnusemi.
Ekki má gleyma árangri norska kvenna-
landsliðsins í þessu samhengi undir stjórn
Þóris Hergeirssonar. Liðið fékk silfur-
verðlaun á Evrópumeistaramótinu sem lauk
í desember eftir að hafa unnið Ólympíu-
meistaratitilinn í London í sumar.
Markamet og nýtt afl
Lars Lagerbäck, þjálfari A-landsliðs Íslands
í knattspyrnu, er með stórskemmtilegt lið í
höndunum sem gæti á næstu árum skrifað
nýja kafla í knattspyrnusögu Íslands. Það
eru bundnar miklar vonir við Lagerbäck og
að honum takist með reynslu sinni og þekk-
ingu að koma liðinu á hærri stall. Kjarni
íslenska A-landsliðsins er fyrsta kynslóð
leikmanna sem hefur alist upp við betri
æfingaaðstöðu en aðrar kynslóðir áttu kost
á. Og fyrr eða síðar mun Ísland ná alla leið
í úrslit á stórmóti. Til þess þarf Ísland að
eiga sex til sjö leikmenn sem ná á sama tíma
á þann stall sem Eiður Smári Guðjohnsen
náði á sínum tíma sem leikmaður Chelsea og
Barcelona.
Einn af vendipunktum ársins 2012 er sú
staðreynd að fjölmargir landsliðsmenn voru
„sjóðheitir“ með liðum sínum víðs vegar um
Evrópu. Alfreð Finnbogason hjá hollenska
liðinu Heereven fór þar fremstur í flokki og
skoraði 34 mörk í 48 leikjum, þar af 32 mörk
í 42 leikjum fyrir félagslið. Þar með bætti
hann 33 ára gamalt markamet Péturs
Péturssonar sem skoraði 32 mörk í 45
leikjum árið 1979.
Hér á Íslandi náði Tryggvi Guð-
mundsson að skrifa nýjan kafla
í knattspyrnusöguna. Tryggvi
bætti markamet sem Ingi
Björn Albertsson hafði átt
frá árinu 1987 þegar hann
skorað sitt 126. mark í
efstu deild. Tryggvi bætti
markametið í 3-1 sigri
ÍBV á Hásteinsvelli með
skoti beint úr auka-
spyrnu og þar með
hafði hann skorað
sitt 127. mark í
efstu deild á ferl-
inum. Alls hefur
Tryggvi skorað
129 mörk í efstu
deild á Íslandi.
Met Tryggva
er merkilegt
fyrir þær
sakir að hann lék í sjö ár sem atvinnu maður
í Skandinavíu á hápunkti ferilsins.
Kvennalið Þórs/KA náði að breyta valda-
jafnvæginu í íslenskum kvennafótbolta á síð-
asta tímabili. Akureyrarliðið landaði sínum
fyrsta Íslandsmeistaratitli í efstu deild í
kvennaflokki. Stjarnan úr Garðabæ hafði
árið áður rofið margra ára sigurgöngu Vals
sem hafði fagnað þessum titli í sex skipti á
sjö ára tímabili. Meistara titill Þórs/KA er
að mínu mati einn af stóru vendi punktum
íþrótta ársins 2012 og ljóst að bætt æfinga-
aðstaða liða á lands byggðinni skilar árangri.
Kvennalandsliðið í fótbolta náði þeim
frábæra árangri að tryggja sér keppnis-
rétt í úrslitakeppni Evrópumeistaramóts-
ins sem fram fer í Svíþjóð næsta sumar.
Þetta er í annað sinn sem Ísland er á meðal
þeirra þjóða sem leika í lokakeppni EM en
ísinn var brotinn árið 2009 þegar Ísland
komst í fyrsta sinn á EM. Árangur Íslands
hefur vakið athygli og liðið hefur skipað sér
í fremstu röð í Evrópu þar sem liðið er í 15.
sæti á FIFA-stigalistanum.
Auðunn sterkur á HM
Kraftlyftingamaðurinn Auðunn Jónsson
náði frábærum árangri á heimsmeistara-
mótinu sem fram fór í Suður-Ameríku í
nóvember. Hann setti heimsmet í réttstöðu-
lyftu þegar hann lyfti 361,5 kg. Auðunn, sem
keppir fyrir Breiðablik, endaði í áttunda
sæti í heildar keppninni.
Haraldur Franklín Magnús, afrekskylf-
ingur úr Golfklúbbi Reykjavíkur, náði eftir-
tektarverðum árangri á árinu 2012. Har-
aldur Franklín sigraði á Íslandsmótinu í
holukeppni sem fram fór á Leirdals velli hjá
GKG og hann bætti um betur þegar hann
fagnaði sigri á Íslandsmótinu í höggleik sem
fram fór á Hellu. Þar með lauk 27 ára bið GR
eftir Íslandsmeistara í höggleik í karlaflokki
en Sigurður Pétursson landaði þeim titli síð-
ast fyrir GR árið 1985.
Evrópumeistaratitill kvennalandsliðsins
í hópfimleikum var einn af hápunktum
íþróttaársins. Og það er ljóst að Ísland skip-
ar sér í fremstu röð í ört vaxandi íþrótta-
grein. Hópfimleikar eru að verða fjölmenn-
asta íþróttagreinin sem stunduð er af konum
hér á landi – og framtíðin er björt þar á bæ.
Að lokum vil ég minnast á þá staðreynd
að Körfuknattleiks samband Íslands sendi A-
landslið í karla- og kvennaflokki til keppni
á ný eftir tveggja ára hlé. Á sínum tíma tók
KKÍ þá ákvörðun að senda ekki A-landsliðin
til keppni vegna fjárskorts. Það er umhugs-
unarefni að þátttaka landsliða sé undir því
komið að forsvarsmenn sér sambands nái að
landa stórum styrktarsamningum við einka-
fyrirtæki. Fjárhagslegur stuðningur frá
hinu opinbera við íslenskt afreksfólk í íþrótt-
um hefur lítið breyst þrátt fyrir að skref
hafi verið tekin í rétta átt. Á því sviði er enn
verk að vinna og kannski verður árið 2013
lykilár í því samhengi.
➜ Ólafur
Stefánsson
hefur leikið
sinn síðasta
leik með
íslenska
lands liðinu
í handknatt-
leik. Stór-
skyttan hefur
verið ein styrkasta
stoðin í landsliðinu
allt frá því hann hóf
að leika fyrir Íslands
hönd á HM sem
fram fór á Íslandi
árið 1995.
Nýtt upphaf án Ólafs Stefánssonar
Handknattleiksmaðurinn Ólafur Stefánsson lék sinn síðasta leik fyrir Íslands hönd og skarð hans verður erfitt að fylla. Ótrúleg sigurganga
hjá þýska liðinu Kiel undir stjórn Alfreðs Gíslasonar. Jón Margeir Sverrisson og Ásdís Hjálmsdóttir með snilldartakta á ÓL í London.
Auðunn sterkur á HM. Ísland hefur skipað sér fremstu röð í hópfimleikum kvenna.
ÍÞRÓTTAVENDIPUNKTAR 2012
➜ Jón og Ásdís fóru á kostum
Árangur íslenskra íþróttamanna á Ólympíuleikunum í London í sumar var með ágætum. Ásdís
Hjálmsdóttir úr Ármanni komst í úrslit í spjótkasti kvenna. Hún bætti þar sitt eigið Íslandsmet
í undankeppninni þar sem Ásdís var í áttunda sæti inn í úrslitin með kasti uppi á 62,77 metra.
Hún varð síðan í ellefta sæti í lokakeppninni.
Kári Steinn Karlsson úr Breiðabliki varð fyrsti Íslendingurinn til þess að ljúka keppni í
maraþonhlaupi á Ólympíuleikum, en hann varð í 42. sæti í hlaupinu í London, sem verður að
teljast góður árangur í fyrstu tilraun Kára á þessu stóra sviði. Aldrei áður hefur íslenskur karl-
maður keppt í maraþonhlaupi á ÓL en Martha Ernstdóttir keppti í kvennaflokki á ÓL í Sydney
árið 2000.
Badmintonkonan Ragna Ingólfsdóttir lék sinn síðasta leik á farsælum ferli á ÓL í London.
Ragna tapaði naumlega í eftirminnilegum leik gegn Jie Yao frá Hollandi í riðlakeppninni og
komst þar með ekki upp úr riðlinum. Einn af vendipunktum íþróttaársins 2012 var sá að Ragna
vakti athygli á þeirri stöðu sem íslenskir afreksíþróttamenn glíma við þegar kemur að fjárhags-
legum stuðningi frá íslenska ríkinu. Þar vakti Ragna m.a. athygli á því að hún væri ekki með
nein réttindi eins og annað launafólk eftir að ferli hennar var lokið.
Jón Margeir Sverrisson, sundmaður úr Fjölni, fór á kostum á Ólympíumóti fatlaðra sem
fram fór í London að loknum Ólympíuleikunum. Jón Margeir sigraði í 200 metra skriðsundi
þar sem hann setti heims- og Ólympíumótsmet í flokki S14 í keppni þroskahamlaðra. Alls setti
Jón Margeir þrjú heimsmet á árinu 2012 og fjölda Íslandsmeta. Sundmaðurinn hefur sett sér
ný markmið fyrir næstu fjögur árin. Hann ætlar sér að ná Ólympíulágmarkinu í 1.500 metra
skriðsundi í keppni ófatlaðra fyrir leikana sem fram fara í Brasilíu árið 2016.