Fréttablaðið - 29.12.2012, Blaðsíða 33

Kynningarblað Líkamsrækt, vítamín, megrun,
ofþjálfun, heilsudrykkir og heilsunammi.
LÍKAMSRÆKT
LAUGARDAGUR 29. DESEMBER 2012
&NÆRING
Í byrjun árs hugsa landsmenn sér til hreyf-ingar og margir strengja þess heit að rækta heilsuna betur. Vorönnin í Hreyfingu fer
af stað með miklum krafti og boðið er upp á
mörg ný og spennandi námskeið fyrir konur
og karla á nýju ári. Námskeiðin hefjast 7.
janúar en auk þeirra verður áfram boðið upp
eldri námskeið hjá Hreyfingu sem notið hafa
mikilla vinsælda undanfarin ár.
Þrenna fyrir konur og karla
Þrennan er nýtt, skemmtilegt og einstaklega
fjölbreytt sex vikna námskeið sem hentar bæði
konum og körlum sem vilja komast í gott form.
Þrennan stendur fyrir tíma þrisvar sinnum í
viku og skiptist í þrjú mismunandi æfinga-
kerfi: Club Fit, Hjól Activio og Óvænt frá þjálf-
ara. Tíminn er í 50 mínútur og um er að ræða
mjög fjölbreytt og skemmtilegt æfingakerfi.
Club Fit er hópþjálfun á hlaupabrettum og
lyftingar með lóðum. Þar æfir hver og einn á
eigin hraða á hlaupabretti og velur um leið
eigin lóðaþyngdir. Hvetjandi tónlist og örar
skiptingar tryggja að engum leiðist. Hjól
Activio er skemmtilegur og markviss hjólatími
þar sem unnið er með púlsmæli sem tryggir
betri árangur í hverjum tíma. Í æfingakerfinu
Óvænt frá þjálfara kemur þjálfarinn á óvart
með mismunandi æfingakerfi í hverjum tíma,
t.d. eftirbruna, tabata, stöðvaþjálfun, lyfting-
um eða zen-kjarna. Mikil fjölbreytni sem mun
skila sér í góðum árangri.
Leynist ballerína í þér?
Elva Rut Guðlaugsdóttir ballettkennari mun
stýra nýju sex vikna ballettnámskeiði fyrir
fullorðna sem hentar jafnt byrjendum og
vönum dönsurum. Margir hafa stund-
að dans og ballett á yngri árum og
sakna þess að komast ekki í þessa
frábæru þjálfun sem ballettinn
er. Á námskeiðinu er farið í gegn-
um grunntækni listgreinarinn-
ar. Tíminn er byggður upp með
tækniæfingum og samsetning-
um og mikil áhersla er lögð á
dans og gleði. Á sama er unnið
í að bæta djúpvöðva-
styrk, liðleika, jafnvægi,
líkams stöðu og samhæf-
ingu. Þeir sem taka þátt í
þessu námskeiði komast í
flott form, verða sterkari og
liðugri.
Mjúkt æfingakerfi sem
mótar líkamann
5stjörnu FIT sló rækilega í
gegn í haust. Það er er námskeið sem Anna
Eiríks og Ágústa Johnson settu saman eftir að
hafa kynnt sér allt það nýjasta og vinsælasta
í New York í sumar. 5stjörnu FIT er svokallað
mjúkt æfingakerfi fyrir þær sem vilja breyta
línunum, móta og lengja vöðva líkamans og
öðlast fagurlega tónaðan og lögulegan lík-
ama. Námskeiðið sameinar sérlega áhrifa-
ríkar styrktaræfingar sem móta og tóna
ýmsa vöðva líkamans. Æfingarnar eru
stundaðar á hnitmiðaðan og rólegan
hátt en eru krefjandi og skila góðum
árangri. Þær henta þeim sem vilja
krefjandi æfingar en engan hama-
gang heldur afslappað andrúms-
loft.
Club fit er lausnin
Hreyfing opnaði Club fit-
salinn fyrr á þessu ári
og hefur æfingakerfið
fengið frábærar undir-
tektir enda stutt, ein-
falt, skemmtilegt og
árangurs ríkt. Um er
að ræða hópþjálfun þar
sem fólk er annaðhvort að
ganga, skokka eða hlaupa
á hlaupabrettum eða lyfta
lóðum. Stemning er lykilorðið yfir Club fit.
Salurinn er rökkvaður og tónlistin er hvetj-
andi. Fólk ræður hraða sínum á hlaupabrett-
inu og velur lóðaþyngdir en hefur þó þjálfar-
ann allan tímann til að hvetja sig áfram. Hver
tími er aðeins 50 mínútur og æfingarnar eru
sérstaklega valdar með hámarksárangur í
huga.
Á sínum stað verður áfram Hot Yoga, Hot
Fitness, Zumba, Fanta gott form og sívinsæla
átaksnámskeiðið Þinn árangur. Nóg er um
að velja og eitthvað fyrir fólk á öllum aldri af
báðum kynjum.
Fanta gott form
Fanta gott form er æfingakerfið fyrir þá sem
eru tilbúnir að taka hressilega á og uppskera
árangur samkvæmt því. Fjör, kraftur og sviti
eru allsráðandi og æft er fjórum sinnum í
viku. Þjálfunin byggist á einföldum æfingum
sem miðast við að þátttakendur nái að há-
marka brennslu og þjálfa upp þol og styrk á
skjótan hátt. Grunnbrennsla líkamans eykst
og í hverjum tíma verður til hinn eftirsótti
eftir bruni í líkamanum sem gerir það að verk-
um að hitaeiningabrennsla líkamans heldur
áfram á auknum hraða í nokkra klukkustund-
ir eftir að æfingu lýkur. Það er aldrei of seint að
skora á sjálfa/n sig og komast í sitt besta form.
Heilsan í forgang á nýju ári
Líkamsræktarstöðin Hreyfing býður eins og venjulega upp á fjölda skemmtilegra og spennandi námskeiða í vetur. Hægt er að velja
úr fjölda námskeiða fyrir fólk á öllum aldri af báðum kynjum.
Ágústa Johnson