Fréttablaðið - 29.12.2012, Blaðsíða 46

KYNNING − AUGLÝSINGLíkamsrækt & næring LAUGARDAGUR 29. DESEMBER 20126
Þeir sem taka mataræðið í gegn byrja oft á því að taka út hveiti og
sykur. Bæði gefur mikla orku en litla sem enga næringu. Það er gott
að hafa það til viðmiðunar þegar mataræðið er hreinsað að láta
sem mesta næringu í kroppinn eins og kjöt, fisk, ávexti, grænmeti,
hnetur og fræ en sniðganga næringarsnautt fæði. Það viðmið kemur
flestum langt og þarf alls ekki að þýða að taka þurfi upp eitthvert
meinlætalíf. Slíkt mataræði gefur sömuleiðis mikla og jafna orku.
Það getur þó verið hægara sagt en gert að sleppa alfarið hveiti
og sykri og gott að geta stundum gert vel við sig. Til þess eru ýmsar
leiðir. Víða er að finna uppskriftir að næringarríku sætmeti sem er
hægt að skipta út fyrir snakk og sælgæti. Það er ekki fitulaust en
stútfullt af næringu og gerir kroppnum gott.
Döðlunammi
1,5 bolli kókosmjöl
1,5 bolli kasjúhnetur
½ tsk. salt
½ bolli döðlur
Kurlið allt saman í matvinnsluvél. Það getur verið gott að setja
döðlurnar í örlítið heitt vatn áður en þær eru tættar, þá blandast
þær betur. Deiginu er steypt í form og kælt í um það bil tvo til þrjá
tíma. Það er svo tekið út og skorið í jafna bita. Á tyllidögum má
bræða dökkt súkkulaði yfir vatnsbaði og húða bitana. Það er svo
fallegt að skreyta þá með kókos- eða möndluflögum.
Næringarríkt nammi
Berocca® eru bragðgóðar og frískandi freyðitöf lur sem innihalda einstaka samsetn-
ingu af B- og C-vítamínum, magn-
esíni og sinki. Flestir kannast við
þreytuna sem hellist oft yfir seinni
part dags og kemur jafnvel í veg fyrir
að fólk mæti í ræktina. Berocca® inni-
heldur meðal annars B5-vítamín
sem hjálpar til við að viðhalda eðli-
legri frammistöðu á álags tímum,“
segir Steinunn Kr. Zóphaníasdótt-
ir, sölu- og markaðsfulltrúi Berocca®
á Íslandi.
Berocca® er fæðubótarefni sem
hentar einkar vel fyrir önnum kafið
fólk sem kýs heilbrigðan lífsstíl. B2-,
B3-, B5-, B6- og B12-vítamín, fólín-
sýra, C-vítamín og magnesín draga
úr þreytu og þróttleysi auk þess sem
B1-, B3-, B6- og B8-vítamín stuðla að
eðlilegri starfsemi taugakerfisins.
Tvær tegundir fæðubótaefnisins
eru fáanlegar á Íslandi. Berocca® Per-
formance inniheldur, auk steinefna,
mikið magn B- og C-vítamína og
er ætlað til daglegrar notkun-
ar. Berocca® Boost inniheldur,
auk vítamína og steinefna, Gu-
arana, náttúrulegt koffín sem
á álagstímum getur hjálpað til
að viðhalda árvekni og einbeitingu.
Steinunn tekur fram að Berocca®
sé án sykurs, örvandi gerviefna og
rotvarnarefna. Öll vítamínin séu
vatnsuppleysanleg og því engin
hætta á ofskömmtun sé ráðlögð-
um dagsskammti fylgt. Hún segir
Berocca® henta öllu fullorðnu fólki,
en að Berocca® Boost sé ekki ráð-
lagt fyrir þungaðar konur eða konur
með börn á brjósti, sökum koffín-
innihaldsins.
Steinunn starfar hjá Icepharma,
sem skilgreinir sig sem lýðheilsu-
fyrirtæki, og þar er Berocca® í boði
fyrir alla starfsmenn. „Það er óhætt
að segja að Berocca® hafi slegið í
gegn á meðal starfsfólksins. Hér er
um sannkallaða vítamínsprautu
að ræða og fólk tekur orkuskot
með Berocca® Boost fram yfir
kaffibollann, enda hefur kaffi-
neysla starfsmanna fyrirtækis-
ins minnkað umtalsvert eftir að
farið var að bjóða upp á Berocca®,“
segir Steinunn.
Berocca® er framleitt af hinu virta
lyfjafyrirtæki Bayer HealthCare og
hefur verið á markaði í yfir 18 ár. Be-
rocca® fæst í öllum helstu apótekum
og í verslunum Krónunnar.
Bragðgóðar og
hressandi
Berocca® eru freyðitöflur fyrir önnum kafið fólk sem kýs heilbrigðan lífsstíl.
Steinunn segir Berocca® gefa góða orku. „Við fórum að bjóða starfsfólki okkar hjá
Icepharma upp á Berocca® og hefur kaffineysla fyrirtækisins dregist mikið saman í kjölfar
þess. “ MYND/VALLI
Nú þegar nýtt ár er í vændum fara margir af stað í líkamsræktarátak og ætla sér jafnvel um of. Árni Árna-
son, sjúkraþjálfari og dósent við Háskóla Ís-
lands, segir mikilvægt að fara sér hægt í
þeim efnum. „Fyrir 15-20 árum var það aðal-
lega keppnisfólk sem leitaði til sjúkraþjálf-
ara vegna álagsmeiðsla út af íþróttaiðkun.
Núna hefur veruleg aukning orðið á að fólk,
sem ekki endilega stefnir að keppni í ákveð-
inni íþróttagrein, leiti til sjúkraþjálfara í með-
ferð vegna álagseinkenna sem tengjast þjálf-
uninni.“
Hvað er verst?
Spurður um hvort einhver líkamsrækt sé
verri en önnur í þessu efni segir Árni erfitt að
svara nákvæmlega hvaða rækt valdi mestum
meiðslum. „Það vantar rannsóknir á þessu
sviði til að geta svarað þessu með vissu, en
tilfinningin er sú að æfingakerfi sem byggja
á því að fólk keyri sig áfram til hins ítrasta án
nægilegs tillits til þjálfunarlegs undirbúnings
einstaklinga séu varhugaverð hvað meiðsli og
ofþjálfun varðar.“ Algengustu meiðslin sem
Árni sér tengd líkamsrækt eru ýmis álags-
einkenni frá stoðkerfi, til dæmis í vöðvum og
sinum, hnévandamál og bakeinkenni. „Fólk
er oft að lyfta rangt og jafnvel með of miklar
þyngdir sem getur valdið meiðslum.“
Meiðsl í byrjun
Algengt er að fólk fái einkenni álagsmeiðsla
fljótlega eftir að það byrjar að æfa eða þegar
æfingaálag er aukið of hratt. „Ef álagið er
aukið á réttan hátt gengur þetta í flestum til-
fellum vel. Álag þarf að auka skynsamlega
svo ekki fari illa. Einstaklingarnir eru mis-
jafnir, á misjöfnum aldri, í misgóðu formi,
með mismunandi bakgrunn hvað þjálfun og
lífsstíl varðar. Það er mikilvægt að fólk læri
að hlusta á rödd líkamans og stjórna þjálfun
sinni í samræmi við það.“ Það að auka álag
of hratt í þjálfun er ávísun á meiðsli eða of-
þjálfun, sem oft leiðir til þess að fólk þarf að
leita sér aðstoðar eða gefst upp og hættir jafn-
vel reglubundinni þjálfun.“
Hóptímar
Lykillinn að góðri þjálfun fyrir almenning
er fjölbreytni og áhersla á einstaklinginn. „Í
hópþjálfun þarf að passa þetta vel því þar eru
oft einstaklingar á misjöfnu þjálfunarstigi
sem taka þarf tillit til. Sama prógramm hent-
ar því ekki öllum, alveg sama hvað æfinga-
kerfið heitir. Mikilvægt er að þjálfarar geri
sér grein fyrir þessu og hvetji fólk áfram af
ábyrgð og skynsemi. Markmiðssetning, upp-
bygging þjálfunar og hvatning þjálfara þarf að
vera í samræmi við þjálfunarástand einstak-
linga. Of algengt er að einstaklingar með lít-
inn þjálfunarlegan grunn byrji í of stífu pró-
grammi og fái ekki eða gefi sér ekki tíma til að
aðlagast álaginu.“
Endurteknar æfingar
Að sögn Árna er mikill fjöldi endurtekn-
inga til dæmis í hnébeygjum, handstöðum
og armbeygjum ekki æskilegur. „Slíkt getur
auðveldlega valdið álagsmeiðslum og jafnvel
niðurbroti vöðva sem meðal annars geta leitt
til einkenna frá nýrum og jafnvel nýrna-
skemmdum ef ekki er tekið í taumana. Þetta
á jafnt við þá sem eru vanir æfingum og þá
sem eru að byrja og gerist þegar álags aukning
er of hröð og þjálfunin of einhæf.“
Einkaþjálfun
Þekking einkaþjálfara er eins misjöfn og þeir
eru margir en ábyrgðin er sú sama og í hóp-
tímum. „Einkaþjálfarar eru með mismunandi
bakgrunn og þekkingu. Þegar kemur að því að
þjálfa einstaklinga sem eru að hefja þjálfun
skiptir þekking miklu máli. Þar er kannski
pottur brotinn á stöku stað og vert að fólk
kynni sér bakgrunn og menntun þess þjálf-
ara sem það velur sér.“
Gullni meðalvegurinn
„Þjálfun er ætlað að bæta heilsu og líðan ein-
staklinga. Ég mæli eindregið með því að fólk
fari rólega af stað. Enginn nær árangri með
því að fara of geyst og meiða sig. Það þarf að
hugsa þjálfunina sem langhlaup en ekki eitt-
hvað sem gerist á mettíma. Mikilvægt er að
byrja skynsamlega og byggja sig upp.“
Mikilvægt að fara varlega af stað
Dr. Árni Árnason, sjúkraþjálfari hjá Gáska sjúkraþjálfun og dósent við námsbraut í sjúkraþjálfun í Háskóla Íslands, segir að mörgu að
hyggja við líkamsrækt og varasamt að fara of geyst af stað. Einstaklingsbundin þjálfun og fjölbreytni séu lykillinn að góðum árangri.
Árni segir mikilvægt að auka álag hægt og rólega til að koma í veg fyrir meiðsli. MYND/STEFÁN