Fréttablaðið - 29.12.2012, Blaðsíða 28

29. desember 2012 LAUGARDAGUR| HELGIN | 28
➜ „Laddi, Jóhann Sigurðarson og Magnús Ólafsson
hafa allir tekið hann. Davíð finnst ég samt bestur,“
segir Örn hlæjandi og tekur undir með forsætis-
ráðherranum fyrrverandi. „Þeir eru alveg skelfilegir.“
Haukur Viðar Alfreðsson
haukur@frettabladid.is
Þetta er fyndn-asta skaup sem ég hef gert,“ segir Gunnar Björn Guðmunds-son, leikstjóri
Áramóta skaupsins 2012.
Gunnar hefur leikstýrt
fjórum skaupum í röð og
segir stressið í kringum
þennan vinsæla skemmti-
þátt minnka með hverju
árinu. Hann tekur þó ekki
í mál að upplýsa hvort
Gangnam Style-atriði sé að
finna í skaupinu, en miklar vangaveltur hafa verið um
það undanfarið.
Eins og svo margir á Gunnar sín uppáhalds
áramóta skaup. „Spaugstofuskaupið frá 1985 er helvíti
gott. Og skaupið þar á eftir líka. Ég held mikið upp á
þessi tvö. Svo voru skaupin hans Óskars Jónassonar
alveg frábær.“
Leikstjórinn geðþekki er ekki með neinar sérstakar
venjur þegar kemur að sýningu skaupsins á gamlárs-
kvöld. „Ég reyni bara að sýna þjónustulund við þá
sem eru að horfa. Sæki konfekt og svona, svo þeir geti
horft án þess að vera truflaðir.“
En hvað segja íslenskir spéfuglar um áramótaskaup
fortíðar?
Þátturinn sem allir horfa á
Einn af hátindum íslenska sjónvarpsársins er Áramótaskaup Sjónvarpsins, en þar er gert grín að fréttnæmum atburðum líð-
andi árs. Skaupið er sýnt klukkan 22.30 á gamlárskvöld og eftirvæntingin er mikil, enda horfa um 80% þjóðarinnar á þáttinn.
Það er erfi tt að festa fi ngur á það nákvæmlega hvenær áramótaskaupið
varð til í þeirri mynd sem við þekkjum það í dag. Löng hefð er fyrir
áramótaannálum í léttum dúr hjá Ríkisútvarpinu, og hafa þeir borið hin
ýmsu nöfn. Hér eru nokkur þeirra.
Undanfarar
áramótaskaupsins
➜ Steindi Jr.
„Besta skaup sem hefur verið gert er
Áramótaskaupið 2006,“ segir Steindi Jr.,
en amma hans tók hvert einasta áramóta-
skaup upp á myndband og horfði Steindi á
þau ítrekað á sínum yngri árum.
„Skaupið 2006 var bara þrælfyndið og
lokaatriðið, sem var tónlistaratriði með
Þorsteini Guðmundssyni, var svo sturlað að
maður skokkaði í partíið brosandi.“
➜ Helga Braga Jónsdóttir
„Skaupin 1984 og 1994 voru rosa fyndin.
Ég man annars ekki neitt. Ég sé þetta einu
sinni og svo rennur allt saman í graut,“
segir Helga Braga, en hún hefur ekki tölu á
því hversu oft hún hefur leikið í Áramóta-
skaupinu. „Ég hef reyndar oft verið erlendis
á áramótum og misst af skaupinu, en ef ég
er á landinu horfi ég að sjálfsögðu alltaf.“
➜ Örn Árnason
„Ég á erfitt með að velja uppáhaldsskaup,
en atriðið sem mér þykir vænst um er
atriðið þegar Magnús og Eyjólfur urðu til,“
segir Örn Árnason, en hann hefur komið að
skaupinu með ýmsum hætti í fjöldamörg
skipti. „Það var árið 1985, í fyrsta skaupinu
sem við í Spaugstofunni gerðum.“
Oftast hefur það komið í hlut Arnar að
leika Davíð Oddsson í skaupinu, og það
er nær óhugsandi að ímynda sér annan
leikara í hlutverkinu, en þó hefur það gerst
nokkrum sinnum.
„Laddi, Jóhann Sigurðarson og Magnús
Ólafsson hafa allir tekið hann. Davíð finnst
ég samt bestur,“ segir Örn hlæjandi og
tekur undir með forsætisráðherranum fyrr-
verandi. „Þeir eru alveg skelfilegir.“
➜ Ari Eldjárn
„Mitt uppáhald er skaupið 1985. Það er svo
fjölbreytt og hratt og þarna eru þeir Spaug-
stofumenn alveg upp á sitt besta,“ segir Ari
Eldjárn, en hann hefur verið meðhöfundur
skaupsins í þrígang.
„Þetta skaup var á fyrstu vídeóspólunni
sem til var á heimilinu og því horfði ég
mjög oft á þetta sem barn. Ég skildi auð-
vitað ekki pólitísku brandarana en það
er eitthvað fyrir alla í þessu skaupi. Laddi
er þarna líka og hann er alveg ótrúlega
góður, Edda Heiðrún Backman, Tinna
Gunnlaugs og fullt af liði. Þau eru svo ung
og fersk þarna og að springa úr hugmynd-
um.“
1961
Í þungbæru gamni
og glensfullri alvöru
1957
Glens á gamlárs-
kveldi
1954
Missýnir og ofh eyrnir
á gamla árinu
1964
Enn eitt árið í
hundana
1960
Tunnan valt
Skemmtiþátturinn „Áramótaskaup“ frá árinu 1966 var sá fyrsti til að
bera nafnið langlífa, en þátturinn var sýndur á fyrsta gamlárskvöldi Sjón-
varpsins, árið 1966. Upptaka af þættinum er glötuð.