Fréttablaðið - 30.01.2013, Blaðsíða 22

KYNNING − AUGLÝSINGÚtfarir MIÐVIKUDAGUR 30. JANÚAR 20132
Útgefandi: 365 miðlar ehf., Skaftahlíð 24, s. 512 5000
Umsjónarmenn auglýsinga: Elsa Jensdóttir, elsaj@365.is, s. 512-5427
Ábyrgðarmaður: Jón Laufdal.
LITIR BLÓMANNA
Hvítar rósir tákna
sakleysi og hreinleika,
hvítar nellikur tákna minn-
ingu, bleikar nellikur tákna
þakklæti og bleikir túlípanar
umhyggju. Hvítar og rauðar rósir
saman eru einingartákn og ljós-
bleikar rósir geta táknað samúð.
Heimild: www.byflugan.is
Guðrún ólst upp á þokkalega kirkjuræknu heimili. Afi hennar var prestur svo það
kom fyrir að farið var í kirkju. „Ég
fór síðar í guðfræði í Háskóla Ís-
lands á heimspekilegum forsend-
um og ætlaði mér alls ekki að verða
prestur. Fljótlega skipti ég þó um
skoðun og fannst guðfræðin eitt
það skemmtilegasta sem ég hafði
fengist við,“ segir Guðrún um upp-
haf prestsferilsins.
Flutti til Svíþjóðar
Guðrún fór til Svíþjóðar í nokkur ár
eftir útskrift. „Ég elti ástina þang-
að og vígðist inn í sænsku kirkjuna
og starfaði þar í fjögur og hálft ár.“
Guðrún man vel eftir fyrstu útför-
inni sem hún hafði umsjón með
og segir það hafa verið ákveðna
eldraun. „Ég var skíthrædd um að
gera allt vitlaust en ég fékk góða
þjálfun í Svíþjóð og það var annar
prestur með mér. Það skipti miklu
máli að vita af honum.“
Undirbúningur útfarar
Undirbúningur útfara er mjög
misjafn og ratar á borð Guðrún-
ar eftir mismunandi leiðum. „Al-
gengast er að fjölskyldumeðlim-
ur biðji um útför. Ég byrja á því að
hitta viðkomandi aðila og fara yfir
það sem gerst hefur. Það er gott að
eyða smá tíma með aðstandendum
hins látna áður en útförin sjálf er
undirbúin. Stundum er allt slétt og
fellt og ekki mjög flókið en stund-
um eru hlutirnir flóknari, vanda-
samari og viðkvæmari að eiga við.
Fólki finnst skipta miklu máli að
athöfnin endurspegli persónu og
líf hins látna. Þess vegna skiptir
máli fyrir prestinn sem talar við
jarðarför að gefa sér góðan tíma
með ættingjum til að setja sig inn
í líf hins látna. Útförin verður oft
persónulegri ef ættingjarnir hafa
gefið prestinum mikið til að vinna
úr.“
Útförin sjálf
Kirkjan er með handbók með
föstu ritúali sem prestar fylgja í
útförum. „Þó er það ansi frjálst og
nokkuð svigrúm til að gera hlut-
ina öðruvísi. Það er bara gaman
og gott ef fólk vill gera eitthvað
annað og persónulegt.“
Bréf frá hinum látna
Sumir vilja skipuleggja eigin útför
áður en þeir deyja. „Ég hef feng-
ið afhent bréf frá látnu fólki með
ákveðnar óskir um eigin útför.
Eins hef ég farið að hitta fólk sem
er dauðvona og vill skipuleggja
sína eigin jarðaför. Það getur
verið hluti af sorgar- og sáttarferli
deyjandi manneskju. Bæði getur
það verið erfitt en er alltaf mjög
gefandi stund.“
Andlátstilkynningar erfiðar
Þegar kemur að andlátum og út-
förum segir Guðrún það vera erf-
iðasta og vandasamasta hluta
starfsins. „Oft eru prestar beðn-
ir um að koma með lögreglu til að
tilkynna andlát. Það er alltaf erfitt
að vera boðberi slæmra tíðinda.
Ég reyni ávallt að hafa mann-
gæskuna og mennskuna að leið-
arljósi í öllu sem ég geri og þykj-
ast ekki að vera neitt annað en ég
er. Með það að leiðarljósi tel ég að
mér farnist best að sinna þessum
erfiðu verkum.“
Dauðinn er hluti af lífinu
Í nútímasamfélagi er búið að
flytja margt sem dauðanum fylgir
út úr samfélaginu og inn á stofn-
anir; sjúkrahús, líkhús, útfarar-
stofur og kirkjur taka við hinum
látna og svo mætir fólk í jarðar-
för. „Dauðinn er jafn sjálfsagð-
ur og fæðing og hluti af lífinu. Ég
ráðlegg fólki oftar en ekki að taka
börn með í jarðarfarir og jafnvel
kistulagningar, eftir atvikum.
Því meira sem fólk er nálægt og
tekur þátt því betra. Með því að
gera það verður dauðinn minna
ógnvekjandi og eðlilegri part-
ur af lífinu. Áður fyrr stóð kistan
með hinum látna inni á heimilum
fólks svo það hefur mikið breyst
síðan þá.“
Aðkoma prests
Guðrún Karls Helgudóttir starfar sem prestur í
Grafarvogskirkju. Hluti starfsins snýr að andláti og
útförum. Allt frá því að tilkynna andlát, styðja
aðstandendur í sorginni í að jarðsetja hinn látna.
„Það er gott að eyða smá tíma með aðstandendum hins látna til að setja sig inn í líf hans
áður en útförin sjálf er undirbúin,“segir Guðrún um undirbúning útfara. MYND/VALLI
Inger Steinsson
Inger Rós Ólafsdóttir
ÚTFARARÞJÓNUSTA
athofn@athofn.is - Akralandi 1 - 108 Reykjavík
VEITA HUGGUN OG LÍKN
Útfararsálmar losa margir
hverjir um sorg og grát og veita
syrgjendum huggun og líkn.
Allt eins og blómstrið eina eftir
Hallgrím Pétursson er algengur
útfararsálmur. Hér eru birt fjögur
erindi af þrettán.
Allt eins og blómstrið eina
Allt eins og blómstrið eina
upp vex á sléttri grund
fagurt með frjóvgun hreina
fyrst um dags morgunstund,
á snöggu augabragði
af skorið verður fljótt,
lit og blöð niður lagði,
líf mannlegt endar skjótt.
Svo hleypur æskan unga
óvissa dauðans leið
sem aldur og ellin þunga,
allt rennur sama skeið.
Innsigli engir fengu
upp á lífsstunda bið,
en þann kost undir gengu
allir að skilja við.
Dauðinn má svo með sanni
samlíkjast, þykir mér,
slyngum þeim sláttumanni,
er slær allt, hvað fyrir er:
grösin og jurtir grænar,
glóandi blómstrið frítt,
reyr, stör sem rósir vænar
reiknar hann jafnfánýtt.
---
Ég lifi‘ í Jesú nafni,
í Jesú nafni‘ eg dey,
þó heilsa‘ og líf mér hafni,
hræðist ég dauðann ei.
Dauði, ég óttast eigi
afl þitt né valdið gilt,
í Kristí krafti‘ eg segi:
Kom þú sæll, þá þú vilt.
Hallgrímur Pétursson