Fréttablaðið - 27.03.2013, Page 44

Brúðkaup MIÐVIKUDAGUR 27. MARS 201318
„Hún bar upp bónorðið yfir kakóbolla á Þorláksmessu fyrir sex
árum, á kaffihúsi hér nyrðra. Ég þurfti ekki að hugsa mig um,“
segir Orri Harðarson tónlistarmaður, þegar hann er beðinn um
að rifja upp brúðkaupsdaginn, en þau Inga Elísabet Vésteins-
dóttir höfðu byrjað saman í lok sumars, það sama ár. Þau ákváðu
svo að gifta sig innan árs, líka fyrir norðan, í bakgarðinum hjá
foreldrum Ingu. Giftingin fór fram 4. október 2008 að ásatrúarsið.
„Við teljumst sjálfsagt seint til trúaðra og hefðum því jafnvel
gift okkur hjá sýslumanni, nema hvað Hilmar Örn allsherjargoði
er góður vinur minn og við erum bæði skráð í félagið. Hilmar
kom norður og helgaði stað og stund og svo hétumst við hvort
öðru. Sumir fara með heitin upphátt en við fórum með okkar í
huganum og horfðumst í augu á meðan,“ rifjar Orri upp. „Þetta
var hugljúf stund og falleg athöfn.
Hvorugt okkar er mikið fyrir tilstand, svo það voru bara
okkar allra nánustu með okkur þennan dag. Vinir okkar, Pálmi
Gunnars son og Kristján Edelstein, fluttu fyrir okkur tvö lög úti
á pallinum og svo var boðið upp á grillað lamb á eftir. Við eigum
enn eftir að fara í brúðkaupsferð, en það er bara gaman að eiga
hana inni.“
Fékk bónorð
með kakóbollanum
Inga Elísabet Vésteinsdóttir og Orri Harðarson giftu sig þann 4. október árið 2008.
Inga bar fram bónorðið yfir rjúkandi kakóbolla á Þorláksmessu. MYND/ÚR EINKASAFNI
Gegnum aldirnar hafa hjónavígslur að nær öllu leyti farið fram í kirkjum landsins. Það færist þó sífellt meir í vöxt að verð-
andi brúðarhjón velji frumlegan og skemmti-
legan stað fyrir hjónavígsluna utan kirkjunnar.
Þeir sem eru að skipuleggja giftingu og vilja
notast við óhefðbundinn giftingarstað hafa úr
mörgum skemmtilegum stöðum að velja um allt
land.
Perlur á höfuðborgarsvæðinu
Ýmis útivistarsvæði á höfuðborgarsvæðinu hafa
verið nýtt til útigiftinga undanfarin ár. Þar má
meðal annars nefna Grasagarðinn í Laugardal,
Elliðaárdal og Heiðmörk. Klambratún og Kjar-
valsstaðir hafa einnig orðið fyrir valinu og það
sama má segja um Ásmundarsafn og Árbæjar-
safn. Giftingar í Nauthólsvík hafa einnig færst í
vöxt og þá sérstaklega eftir að ylströndin varð að
veruleika. Síðan tekur bara örfáar mínútur að
sigla frá Reykjavík út í Viðey og þar hafa brúð-
kaup verið haldin af og til í mörg ár.
Sumarbústaðir eru einnig skemmti legir
brúðkaupsstaðir. Þá er upplagt að skella upp
stóru veislutjaldi í garðinum og ekki er verra ef
brúðkaupsgestir geta tjaldað við bústaðinn.
Þrastaskógur, Þjórsársalur og Þórsmörk hafa
einnig hýst brúðkaup ásamt öðrum náttúru-
perlum landsins.
Gifting á Þjóðhátíð
Íbúar Vestmannaeyja og Suðurlands hafa nýtt
Herjólfsdal til giftinga og einu sinni fór þar fram
brúðkaup við setningu Þjóðhátíðar. Bjarnarey,
sem er ein úteyja Vestmannaeyja, hefur einnig
verið nýtt til brúðkaups. Hún verður að teljast
með ævintýralegri stöðum hérlendis til giftinga
enda útsýnið ægifagurt og aðkoman að eyjunni
stórbrotin.
Akureyri og nágrenni bjóða upp á marga
fallega staði til útibrúðkaupa. Kjarna skógur
er ekki bara vinsælt útivistarsvæði heldur er
hann einnig nýttur undir brúðkaup, til dæmis
við svokallaðan Kirkjustein. Lysti garðurinn
á Akur eyri er ekki síður fallegur staður undir
brúðkaup. Norðlendingar geta einnig skroppið
í Dimmuborgir í Mývatnssveit sem er mjög
fallegur staður fyrir útibrúðkaup. Laxár-
virkjun og Vestmannavatn eru einnig vinsælir
giftingar staðir í nágrenni Akureyrar.
Selskógur á Suðurnesjum er lítill skógur við
afleggjarann til Grindavíkur. Þar er frábært úti-
vistarsvæði sem hentar vel fyrir giftingar. Einn-
ig má nefna svæðið við Reykjanes- og Garð-
skagavita sem skemmtileg svæði á Suðurnesjum
auk Bláa lónsins.
Austurland býr yfir mörgum náttúruperlum
og ein þeirra, Hallormsstaðaskógur, er stundum
nýtt undir útibrúðkaup. - sfj
Gifting undir berum himni
Sífellt fleiri velja nú þann kost að gifta sig undir berum himni. Fjölmargir fallegir staðir um allt land henta vel til útibrúðkaupa.
Hvort sem skógur er valinn, falleg fjara eða útivistarsvæði þá eru möguleikarnir óþrjótandi.
Veistu hver
ég var?
Siggi Hlö
Laugardaga
kl. 16 – 18.30