Fréttablaðið - 27.03.2013, Síða 70

27. mars 2013 MIÐVIKUDAGUR| MENNING | 46
„Ég man ekki alveg hvenær mér
datt í hug að fara þessa leið,
kannski hef ég orðið fyrir áhrifum
frá Vesalingunum sem ég sá í leik-
húsi í fyrra,“ segir myndlistar-
konan Ólöf Dómhildur Jóhanns-
dóttir en hún hefur sett hár sitt á
uppboð á vefsíðunni bland.is.
Tilgangurinn með hársölunni
er að fjármagna næstu sýningu
Ólafar en hún vonast til að fá
hátt í 100 þúsund krónur fyrir 50
sentímetra af hári sínu. Ólöf hefur
verið með þykkt og mikið hár
niður á mjóbak síðan hún var níu
ára gömul og það verða því mikil
viðbrigði fyrir hana að stytta hárið
við hnakka eins og markmiðið er.
„Ég er hvergi bangin núna en hver
veit. Kannski á ég eftir að grenja
mig í svefn þegar ég læt verða
af þessu,“ segir Ólöf hlæjandi en
auk þess að vera myndlistarkona
starfar hún sem verkefnastýra
hjá Edinborg, menningarmiðstöð
á Ísafirði, þar sem hún er búsett.
„Ég hef alltaf verið með sítt
hár, tók meðal annars þátt í Ung-
frú Íslandi árið 2002 og var þekkt
þar sem stelpan með síða hárið.
En maður hefur gott af því að
breyta til,“ segir Ólöf, en hún hlaut
titilinn Ljósmyndafyrirsæta ársins
í téðri keppni.
Ólöf er að vinna ljósmyndaverk
í tengslum við hárið en hún hefur
löngum viljað nýta það í listsköpun
sinni. Það er því gott að geta nýtt
hárið í listina og við fjármögnun
hennar. Hún hefur fengið til liðs
við sig hárgreiðslukonu og ljós-
myndara og saman ætla þau að
festa ferlið við að klippa hárið á
filmu sem lið í listgjörningnum.
Fimm dagar eru eftir af uppboðinu
og eins og fyrr segir vonast Ólöf til
að safna hátt í 100 þúsund krónum.
„Þetta kostar það að setja upp sýn-
ingu en ég er að vona að einhver
félagasamtök taki sig saman, bjóði
í hárið og gefi það svo til góðgerða-
mála. Eins og hárkollugerð fyrir
krabbameinssjúka. Það væri frá-
bært.“ alfrun@frettabladid.is
Selur hár sitt til að
fj ármagna sýningu
Myndlistarkonan Ólöf Dómhildur fer óvenjulegar leiðir til að fj ármagna næstu
sýningu sína, en hún stendur fyrir uppboði á 50 sentímetrum af hári sínu og
selur hæstbjóðanda. Hún hefur verið með hár niður á mjóbak frá níu ára aldri.
HVERGI BANGIN Myndlistakonan Ólöf Dómhildur Jóhannsdóttir ætlar að selja 50
sentímetra af hári sínu til að fjármagna næstu sýningu en hún hefur verið með hár
niður á mjóbak frá því hún var níu ára gömul. MYND/ÁGÚST ATLASON
„Ég hef upplifað gífurlega hneyksl-
un innan sjávarútvegsins vegna
þessa myndbands. Þetta koll varpar
öllu því sem við þekkjum,“ segir
stýrimaðurinn Aríel Pétursson um
Eurovision-myndbandið Ég á líf.
Í myndbandinu sést vel að Eyþór
Ingi Gunnlaugsson er ekki alvöru
sjómaður, að sögn Aríels. „Hinn
almenni Evrópubúi tekur kannski
ekki eftir því en fyrir sjóperverta
eins og mig er þetta alveg hræði-
legt,“ segir hann og bætir við að
stærsta synd Eyþórs í myndband-
inu sé að slægja karfa. „Slæging
karfa er jafn mikil fásinna og að
skræla bláber eða flysja SS-pylsu,“
segir Aríel og vísar í bók Valdi-
mars Inga Gunnarssonar, Með-
höndlun á fiski um borð í fiski-
skipum, þar sem segir: „Karfi
er ekki slægður, m.a. vegna þess
að lítið er um fæðu í maga hans.
Þegar karfi er dreginn upp af
miklu dýpi þrýstist fæða upp úr
maga hans á leiðinni upp að sjávar-
yfirborði vegna þrýstingsmunar“.
„Svo stingur karfinn líka og því
óvænlegur til slægingar. Enda
kemur nú skýrt fram í myndband-
inu að Eyþór stingur sig á karf-
anum, eða hnífnum. Ég get ekki
verið viss enda er þetta myndband
óskiljanlegt með öllu,“ segir Aríel.
Aríel segir fleira koma upp um
Eyþór. „Þessi designer-frakki er
auðvitað alveg út í hött. Svo leggur
hann líka hnífinn snyrtilega frá
sér áður en hann tosar innyflin
út. Alvöru sjómaður á að geta gert
það í einu handtaki með hnífinn
í hendinni. Hann yrði sennilega
kjöldreginn fyrir þessar aðferðir
sínar ef til hans sæist meðal vanra
manna,“ segir hann. - trs
Segir Eyþór Inga hneyksla sjómenn
Stýrimaðurinn Aríel Pétursson segir Eurovision-myndbandið Ég á líf kollvarpa öllu sem sjómenn þekkja.
SJÓPERVERT Aríel segir Evrópubúa
ekki líklega til að taka eftir syndinni en
sjópervertar eins og hann geri það svo
sannarlega. MYND/ÞORGEIR BALDURSSON
„Uppáhaldsborgin mín er New York.
Ég bjó þar í fimm ár þegar ég var
lítil. Ég hef reyndar bara einu sinni
heimsótt borgina frá því ég bjó þar,
en ég sakna hennar mikið og það
var mjög gaman að vera þar.“
Hrefna Björg Gylfadóttir, nemandi við
Menntaskólann við Hamrahlíð. Hún söng
lagið Hann kenndi mér að jóðla í úrslitum
Gettu betur á laugardagskvöld.
BORGIN
Í þessari fallegu og rómantísku
vorferð sem hefst um hvítasunnuna
er dvalið á undurfögrum stöðum
í Austurríki og Þýskalandi og ferðast,
fræðst og rölt um í mestu makindum.
Fararstjóri: Ása María Valdimarsdóttir.
Um ferðina:
LÁGMÚLI 4 108 RVK | S. 585 4000 | URVALUTSYN.IS
Vorferð til Mið-Evrópu
á mann miðað við 2 fullorðna í tvíbýli.
Gist er í Tírol frá 18.-21.maí,
við Bodenvatn 21.-24.maí og í
München 24.-26.maí.
228.300 KR.-
18. - 26. maí
Mjög mikið innifalið
Hrollvekjandi
og kröftug
STEINÞÓR GUÐBJART SSON / MORGUNBL AÐIÐ
„Bók sem rígheldur og maður
verður skelfingu lostinn.“
KOLBRÚN BERGÞÓRSD ÓT TIR / KILJAN
KOMIN
Í STÓRA
KILJU!
„Þetta verður skemmtilegt og ég hlakka til að takast
á við þetta nýja verkefni,“ segir margmiðlunar-
hönnuðurinn Rósa Stefánsdóttir, en síðastliðinn
fimmtudag var hún kosin nýr formaður SVEF, Sam-
taka vefiðnaðarins.
Rósa er önnur konan sem gegnir þessu embætti
en hátt í 300 félagsmenn eru skráðir í félagið. Sam-
tök vefiðnaðarins eru fagsamtök þeirra er starfa
að vefmálum á Íslandi og hafa það að markmiði að
efla fagleg vinnubrögð í greininni. „Ég var kosin
á aðalfundi félagsins á fimmtudaginn en ég ákvað
að bjóða mig fram eftir að hafa fengið áskoranir á
Facebook. Ég er umvafin góðu fólki í stjórn svo það
eru spennandi tímar fram undan,“ segir Rósa, sem
starfar sem markaðsstjóri rafrænna viðskipta hjá
Iceland Travel.
Helsta hlutverk SVEF er að skipuleggja íslensku
vefverðlaunin og halda utan um árlegu ráðstefnuna
IceWeb. „Vefgeirinn hér á landi fer ört stækkandi
og vefmál eru orðin veigamikill partur af starfsemi
fyrirtækja. Það er okkar hlutverk til dæmis að fá
til okkar erlenda fyrirlesara og halda utan um eins
konar endurmenntun fyrir bransann,“ segir Rósa
sem sjálf hlaut Vefverðlaunin árið 2012 fyrir nýjan
vef Bláa lónsins. Þess má geta að IceWeb-ráðstefnan
fer fram þann 27. apríl næstkomandi en nánari upp-
lýsingar er að finna síðunni Svef.is. - áp
Önnur konan í embættinu
Hönnuðurinn Rósa Stefánsdóttir er nýr formaður SVEF, samtaka vefi ðnaðarins.
NÝTT HLUTVERK Rósa Stefánsdóttir var á dögunum kosin
nýr formaður SVEF, samtaka vefiðnaðarins. FRÉTTABLAÐIÐ/ STEFÁN