Fréttatíminn - 04.11.2011, Blaðsíða 10

Óskar Hrafn
Þorvaldsson
oskar@
frettatiminn.is
Nóatúni 4 • Sími 520 3000
www.sminor.is
Sama á hverju gengur
– þú getur alltaf reitt þig á Siemens.
A
T
A
R
N
A

Þvottavél og þurrkari
frá Siemens.
Einstök gæði.
Góð þjónusta.
Láttu sjá þig og
gerðu góð kaup.
Heimilt verði að dreifa ösku látinna
yfir öræfi eða sjó
Skíðagöngubraut opn-
uð í Hlíðarfjalli
Skíðagöngubrautin í Hlíðarfjalli hefur
verið opnuð en troðinn hefur verið 3,5
kílómetra hringur, en nokkuð hefur snjóað
í fjallinu að undanförnu. Frá þessu segir á
vef Akureyrarbæjar. Ljós munu loga yfir
brautinni til klukkan 22 á kvöldin. Haft er
eftir Guðmundi Karli Jónssyni, forstöðu-
manni skíðasvæðisins í Hlíðarfjalli, að
varla sé útlit fyrir að svigbrautirnar verði
opnaðar á næstu dögum en þess sé þó
ekki langt að bíða. - jh
Keltneskt fræðasetur
opnað á Akranesi
Bæjarstjórn Akraness hefur samþykkt
að stofna fræðasetur um keltnesk fræði
í bænum. Bent hefur verið á, segir á
síðu Akranesskaupstaðar, að á Akranesi
og í næsta nágrenni séu keltnesk áhrif
áberandi, meðal annars í örnefnum. Þess
er vænst að hið nýja fræðasetur, sem
verður á Safnasvæðinu á Akranesi, verði
farvegur fyrir frekari rannsóknir: „En vitað
er að fræðimenn greinir nokkuð á um
margt er þetta varðar,“ segir meðal annars
á síðunni. Á næstu vikum verður unnið
að frekari undirbúningi vegna stofnunar
fræðasetursins. - jh
Skuldatryggingarálag
hækkar
Skuldatryggingarálag á ríkissjóð Ís-
lands hefur hækkað nokkuð á síðustu
dögum, eða í 300 punkta, sem nemur
þremur prósentum, samkvæmt gögnum
Bloomberg-gagnaveitunnar sem Greining
Íslandsbanka vísar til. Á árinu hefur
álagið farið hæst í 330 punkta sem var
í byrjun október en lægst niður í 200
punkta, snemma í júní. Að jafnaði hefur
skuldatryggingarálag ríkissjóðs verið 260
punktar á árinu. Álagið á Ísland er á ný
orðið hærra en álagið á Belgíu sem stóð
í 270 punktum. Ísland er hið sjötta hæsta
af 17 ríkjum Vestur-Evrópu. Álagið á Grikk-
land er lang hæst en lægst er það á Noreg
eða 38 punktar. - jh
 Framkvæmdir ÚrskurðarneFnd skipulags- og byggingarmála
Borgin gerð afturreka með
dagsektir á villu Vegvísis
Afturkallað byggingarleyfi Reykjavíkurborgar er óljóst og óframkvæmanlegt og því fellt úr gildi
sem og dagsektir upp á rúmar fjórtán milljónir króna. Ljósmyndir/Hari
Ú rskurðar-nefnd skipu-
lags- og bygg-
ingarmála hefur
ógilt ákvörðun
Reykjavíkurborgar
um að afturkalla
að hluta byggingar-
leyfi vegna breytinga
húss við Laufásveg 68.
Fréttatíminn hefur fjallað
töluvert um málið en húsið
er í eigu eignarhaldsfélags-
ins Vegvísis. Það hús var áður í
eigu Stefáns H. Hilmarssonar sem
seldi það skömmu eftir hrun til Veg-
vísis, sem er í eigu móður hans.
Eins og kom fram í Frétta-
tímanum fyrr á þessu ári
staðfesti Magnús Sædal, byggingafulltrúi
Reykjavíkurborgar, að lagðar hefðu
verið dagsektir á framkvæmdina í mars
2010 þar sem hún taldist ekki að öllu
leyti samræmast gildandi deiliskipulagi
svæðisins. Þetta var jafnvel þó samþykki
og leyfi hafi verið fyrir framkvæmdinni
þegar hafist var handa við hana árið 2007.
Þá var byggt anddyri við húsið, svalir
stækkaðar og komið fyrir heitum potti
á stækkuðum svölum. Eftir kæru frá
nágranna var byggingarleyfið að endingu
afturkallað að hluta og húseiganda til-
kynnt í mars 2010 að lagðar yrðu á hann
25 þúsund króna dagsektir þar til hann
hefði fjarlægt sumar framkvæmdirnar og
komið öðrum í það horf sem samræmdist
aðaluppdráttum.
Húseigandinn kærði úrskurðinn til úr-
skurðarnefndar skipulags- og byggingar-
mála sem felldi úrskurð fyrir stuttu. Þar
var Reykjavíkurborg gerð afturreka með
bæði afturkallað byggingarleyfi og dag-
sektir en áður hafði borgin gert fjárnám
að upphæð 2,5 milljónir í húseigninni að
Laufásvegi vegna dagsektanna.
Um er að ræða tvo úrskurði sem báðir
féllu kæranda í hag. „Verður að gera
þá kröfu að íþyngjandi ákvarðanir um
beitingu þvingunarúrræða séu skýrar og
framkvæmanlegar og studdar málefna-
legum rökum. Þykir mikið á skorta að
hin kærða ákvörðun fullnægi þessum
skilyrðum og verður hún því felld úr
gildi,“ segir úrskurðarnefndin í öðrum af
úrskurðum sínum.
Óskar Hrafn Þorvaldsson
oskar@frettatiminn.is
Stefán H. Hilmarsson hefur leigt Laufásveg 68 af Vegvísi ehf frá því að hann
seldi húsið til félagsins síðla árs 2008.
Mikill styrr
hefur staðið um
framkvæmdir
á Laufásvegi
68. Nú er búið
að úrskurða
að réttur hús-
eigenda til
breytinga
var fyrir hendi.
Lagt er til að sýslumaður veiti leyfi
til þess að ösku látins manns verði
dreift yfir öræfi eða sjó, enda liggi fyrir
ótvíræð ósk hins látna þar að lútandi.
Svo segir meðal annars í drögum að
lagafrumvarpi til breytinga á lögum um
kirkjugarða, greftrun og líkbrennslu,
sem eru nú til umsagnar hjá innanríkis-
ráðuneyrinu. Í drögunum er lagt til að
flytja skuli lík í líkhús eftir að læknir
hefur úrskurðað mann látinn og að
tilgreina skuli hámarksdagafjölda sem
megi líða frá andláti til útfarar. Í nýjum
kirkjugörðum verði skylt að gera ráð
fyrir óvígðum reit og sérstökum reitum
fyrir önnur trúarbrögð en kristin. Auk
þess verði bætt við ákvæði um sér-
stakan minningarreit við kirkju vegna
horfinna eða drukknaðra er skuli njóta
sömu helgi og legstaður. - jh
 bókamessa Íslenski skálinn
Of dýrt að flytja skálann heim
Íslendingar munu ekki fá að njóta skálans
á heimavelli þess sem hýsti íslenska hluta
bókamessunnar í Frankfurt í síðasta mán-
uði hvar landið skipaði heiðursess. Ástæðan
er sú að það ekki er til fjarmagn til að flytja
skálann heim. Jónína Michaelsdóttir rit-
höfundur sló þeirri hugmynd fram í grein í
Fréttablaðinu í síðustu viku hvort ekki væri
upplagt að flytja skálann heim og leyfa Ís-
lendingum að njóta hans í bókamánuðinum
mikla desember. Halldór Guðmundsson,
framkvæmdastjóri Sögueyjunnar, segir í
samtali við Fréttatímann að margir hafi
komið að máli við sig og nefnt þessa hug-
mynd. „Þetta er frábær hugmynd en skál-
inn er 2500 fermetrar og ansi mikið fyrir-
tæki að flytja hann. Ég myndi gera allt sem
í mínu valdi stendur til að láta þetta verða
að veruleika ef fjármagn myndi finnast. En
það er enginn til að fjármagna þetta,“ segir
Halldór. Aðspurður um kostnað við flutning
á skálanum til Íslands segir Halldór hann
hlaupa á milljónum.
„Skálinn heppnaðist frábærlega og sú
hugmynd okkar að tengja saman bækur,
lesendur og náttúru virkaði. Þjóðverjar
voru í hugleiðslu þarna inni en því miður er
þetta ógerlegt.“
Halldór Guðmundsson
í viðtali í skálanum góða. Ljósmynd/Þorsteinn Joð
10 fréttir Helgin 4.-6. nóvember 2011