Fréttatíminn - 04.11.2011, Blaðsíða 6

Kaþólska kirkjan við Landakot.
 RannsóknaRnefnd kaþólska kiRkjan
Tilbúin að taka við ábendingum
Rannsóknarnefnd kaþólsku kirkjunn-
ar, sem Róbert Spanó, forseti laga-
deildar HÍ, skipaði í 29. ágúst síðast-
liðinn, hefur lokið frumgagnaöflun og
er nú tilbúin að taka við ábendingum
og ræða við alla þá sem telja sig eiga
erindi við hana. Nefndin, sem er skip-
uð þremur einstaklingum og er stýrt
af Hjördísi Hákonardóttur, fyrrum
hæstaréttardómara, var sett á lagg-
irnar í tilefni ásakana sem upp hafa
komið þess efnis að vígðir þjónar og
aðrir starfsmenn kaþólsku kirkjunnar
hafi framið kynferðisbrot og/eða önn-
ur ofbeldisbrot gegn skjólstæðing-
um kirkjunnar eins og Fréttatíminn
greindi frá fyrstur fjölmiðla. Hlutverk
nefndarinnar er að rannsaka viðbrögð
og starfshætti kaþólsku kirkjunnar á
Íslandi í kjölfar ásakana og leggja mat
á hvort mistök, vanræksla eða vísvit-
andi þöggun, eða tilraun til þöggun-
ar, hafi átt sér stað eftir að ábending-
ar um brot komu fram og hver beri
ábyrgð á því. Þá er nefndinni ætlað
að setja fram ábendingar og tillögur
um breytingar á starfsháttum í ljósi
niðurstöðunnar. Rannsóknin tekur
einnig til verklags við Landakotsskóla
allt til ársins 2005. -óhþ
B réf systur konu sem rekin var eftir 25 ára starfsaldur á skrif-stofu Seltjarnarnesbæjar var
ekki lesið upp á bæjarstjórnarfundi,
eins og hún óskaði. Í bréfinu gagnrýndi
hún hvernig staðið var að uppsögninni
og vegið að starfsheiðri systur hennar.
Bærinn sagði konunni upp vegna skipu-
lagsbreytinga. Hún var deildarstjóri
launadeildar. Auglýst hefur verið eftir
mannauðsstjóra í staðinn.
Margrét Lind Ólafsdóttir, fulltrúi
Samfylkingarinnar í minnihluta
bæjarstjórnarinnar, gagnrýnir upp-
sögnina harðlega ásamt fulltrúa Nes-
listans. Hún segir að enn og aftur sé
meirihlutinn uppvís af slælegum
vinnubrögðum í starfsmannamál-
um bæjarins. „Við fengum ekkert
að vita um uppsögnina fyrr en bréf
systurinnar barst á bæjarstjórnarfund.“
Starfsmanninum var tilkynnt í lok
vinnudags að starfskrafta hans væri
ekki lengur óskað. Konan fékk aðeins
að kveðja nánustu samstarfskonur
sínar til áratuga en ekki að ganga frá
skrifborði sínu í ró og næði. Staðið
var yfir henni. Yfirmenn kvöddu ekki.
Aldrei höfðu verið gerðar athuga-
semdir við störf hennar og samkvæmt
heimildum gekk samstarf hennar við
fyrri yfirmenn bæjarins vel.
Titringur meðal starfsmanna
Margrét Lind segir að málið hafi valdið
titringi meðal starfsmanna bæjarins,
sem óttist þetta ófagleg vinnubrögð og
Ingunn Hafdís Þorláksdóttir, formaður
Starfsmannafélags Seltjarnarness, seg-
ir að óskað hafi verið eftir rökstuðningi
fyrir uppsögninni að höfðu samráði
við BSRB. „Allar uppsagnir valda titr-
ingi. Hér á Seltjarnarnesi er mjög hár
starfsaldur. Auðvitað vekur uppsögnin
hræðslu. Fólk er svo persónulega tengt
og margir unnið saman í áratugi,“ segir
Ingunn.
Margrét segir að ekki hafi verið
farið eftir verklagsreglum í starfs-
mannastefnu Seltjarnarnesbæjar. „Þar
stendur að ekki skuli ráðið í nýtt starf
án þess að bæjarstjóri eða viðkomandi
sviðsstjóri skili kostnaðarmati og
greinargerð um þörf fyrir ráðningu í
starfið til fjárhags- og launanefndar. Og
ekki á að auglýsa starfið fyrr en stöðu-
heimild er veitt af nefndinni. Við viss-
um hins vegar fyrst af starfinu þegar
það var auglýst í Morgunblaðinu,“ segir
hún. „Þá á að tilkynna bæjarstjórn
tafarlaust um lausn starfsmanna úr
starfi. Það var ekki gert í þessu tilviki,“
segir hún. „Uppsögnin er bænum ekki
til sóma.“
Samkvæmt heimildum blaðsins hafði
starfsmaðurinn ekki aðeins starfað í
25 ár hjá bænum við launaútreikninga
heldur einnig sótt sér endurmenntun
varðandi mannauðsmál og farið á fleiri
námskeið.
Gunnhildur Arna Gunnarsdóttir
gag@frettatiminn.is
 seltjaRnaRnes Uppsögn veldUR titRingi meðal BæjaRstaRfsmanna
Rekin eftir 25 ára
starf hjá bænum
Ekki höfðu verið gerðar athugasemdir við störf deildarstjóra launadeildar Seltjarnarnesbæjar
þegar honum var sagt upp í lok dags. Hann hafði unnið hjá bænum í 25 ár. Minnihlutinn í bæjar-
stjórn gagnrýnir uppsögnina og segir starfsreglur brotnar. Systir fyrrum deildastjórans finnst
vegið að starfsheiðri hans í bréfi sem hún sendi bæjarstjórninni.
Ásgerður og Gunnar
svara ekki gagnrýninni
Ásgerður Halldórsdóttir, bæjarstjóri Seltjarnarness, vísaði fyrirspurn Fréttatímans
til Gunnars Lúðvíkssonar fjármálastjóra. Hann staðfesti að hafa lagt niður starf
deildarstjóra launadeildar en vildi fátt umfram það segja. „Ég er ekki tilbúinn
að tjá mig um bókun minnihlutans frá þessum fundi,“ segir hann um gagnrýni
minnihlutans á síðasta bæjarstjórnarfundi. „Ég tel mig vinna eftir öllum reglum og
hef ekki meira um málið að segja.“ Gunnar vísar til þess að málið snúi að tilteknum
starfsmanni. - gag
Frá síðasta bæjarstjórnar-
fundi á Seltjarnarnesi,
sem varpað er út á netinu
og á heimasíðu bæjarins.
Ásgerður Halldórsdóttir er
bæjarstjórinn.
6 fréttir Helgin 4.-6. nóvember 2011