Prentarinn - 01.04.1987, Qupperneq 3

Að lokinni kjarakönnun
Gífur-
legur
launamunur

Þá hefur fyrri kjarakönnunin sem samiö var um í
síðustu samningum verið framkvæmd. Niðurstaða
hennar kom ekki á óvart, en hún staðfestir hins
vegar þær fullyrðingar sem FBM hefur haldið fram
lengi í viðræðum við atvinnurekendur um fyrir-
komulag launagreiðslna í bókagerðarfyrirtækjun-
um. Samkvæmt könnuninni er nú jafnframt stað-
fest að launamunur er mikill á milli manna í félaginu,
alltof mikill. Það er í hæsta máta óeðlilegt að launa-
munur á milli manna með samsvarandi menntun að
baki og áþekka ábyrgð í starfi skuli velta á tugum
prósenta. Þessu verður að breyta.
Annar blettur sem er staðfestur með þessari könn-
un er hinn gífurlegi launamunur á milli iðnlærðra og
óiðnlærðra þeim síðarnefndu í óhag. Það nær ekki
nokkurri átt að reynsla fólks skili sér ekki í mann-
sæmandi launum. Bókbandsrekendur eru hér í
mestri sök og ættu þeir hreinlega að skammast sín.
Reisn eða stolt virðast þeir ekki þekkja, lágkúruna
hafa þeirað leiðarljósi. Megi forsjónin veita þeim þó
ekki væri nema ögn af réttlætiskennd og það fljótt.
Kjarakönnunin leiðir í Ijós að í okkar greinum við-
gengst jafnframt landlægur skepnuskapur í garð
kvenna, þær sitja við skertan hlut.
Eftirvinnukaupið er kapítuli útaf fyrir sig. Það er
grátlegt til þess að vita að félagsmenn hafa kastað
fyrir róða vitneskjunni um verðmæti frístundanna
og selja nú atvinnurekendum þær á tombóluprís.
Að öllu samanlögðu er Ijóst að það þarf að taka til
hendinni. Við verðum að nýta til fulls þá vitneskju
sem könnunin leiðir í Ijós. Nú þarf að semja um
kauptaxta, raunhæfa kauptaxta út frá kjarakönnun-
inni. ( því sambandi verður að leggja sérstaka
áherslu á að leiðrétta það misrétti sem könnunin
sýnir framá að viðgengst.
Alþýðuf lokkur gegn alþýðu
Hvers má verkafólk vænta af núverandi ríkisstjórn,
þegar formaður Alþýðuflokksins og fjármálaráð-
herra landsins sér þá leið vænsta að auka álögur á
þá verst settu í þjóðfélaginu og nýtur í útfærslunni
aðstoðarfyrrverandi hagfræðings AS(. Þessir „vinir
fólksins" í Alþýðuflokknum segjast vera að stokka
upp skattakerfið og nú spyrja menn hvorn annan:
Átti að gera það í þágu þeirra ríku?
PRENTARINN - málgagn Félags bókagerðarmanna • Útgefandi FBM,
Hverfisgötu 21 • Ritstjóri: Magnús Einar Sigurðsson • Setning, filmu-
vinnsla, prentun og bókband: Prentsmiðjan ODDI hf. • Letur: Times og
Helvetica • Hönnuður blaðhauss: Þórleifur Valgarður Friðriksson.
PRENTARINN 4.7.’87
3