Prentarinn - 01.04.1987, Side 5

til sín starfsfólk afallt öðru saudahúsi en það
er sjálft. Verkafólk getur hvorki né má treysta
öðrum til þjónustu fyrir sig en fólki úr sínum
eigin röðum. “
Þó nokkrar umræður urðu undir þessum dag-
skrárlið og hélt einn ræðumanna nærri
klukkustundarlanga ræðu og kom víða við
eins og við mátti búast á svo löngum tíma, en
mest bar þó á harðri gagnrýni í garð stjórnar.
Ámælisvert taldi ræðumaður vera allt það
sem stjómin hafði framkvæmt, hvort heldur
um var að ræða kjaramál eða viðhald fast-
eigna og allt þar á milli. Verst þótti honum þó
það sem stjórnin hafði ekki gert, svo sem að
koma á „bridge“ keppni milli FBM og Tré-
smiðafélags Reykjavíkur og skákkeppni á
milli FBM og Verkamannafélagsins Dags-
brúnar. Margt fleira athyglisvert kom fram í
máli þessa félaga og vildu ugglaust margir fá
meira að heyra.
í lok þessa dagskrárliðar var samþykkt eftir-
farandi ályktun:
„íIjósi þeirra breytinga sem orðið hafa í efna-
hagslífinu síðan síðustu kjarasamningar voru
undirritaðir, er óhjákvœmilegt annað en að
endurskoða launalið kjarasamnings félagsins.
Nýgerðir samningar við opinbera starfsmenn
eru allt öðruvísi en þeir samningar sem FBM
gerði síðast og tryggja þeir opinberum starfs-
mönnum mun meiri hœkkanir á launum.
Ástœða er til að fagna þessum samningum
með opinberum starfsmönnum. Það breytir
þó ekki því að óhjákvœmilegt er annað en að
endurskoða launaliði samninga FBM í Ijósi
þeirra samninga.
Þeir „fastlaunasamningar" sem VSÍ er nú að
gera við verkalýðsfélög eru á margan veg at-
hyglisverðir. Nauðsynlegt er i Ijósi þeirra að
endurskoða launalið samninga FBM og at-
huga vel hvort ekki sé eðlilegt að taka upp
, starfsaldurshækkanir nú þegar.
Niðurstaða síðustu kjarakönnunar og þeirrar
fyrstu sem FBM og FÍP sömdu um í síðustu
samningum er þess eðlis að mikilvœgt hlýtur
að teljast að samningsaðilar setjist niður og
endurskoði launaliði samninga og leiðrétti þá
til samræmis við niðurstöðu kjarakönnunar-
innar.
í framhaldi af framansögðu fer aðalfundur
FBM1987fram á að teknar verði upp viðræð-
ur strax á milli aðila og þess freistað að leið-
rétta launaliði samninga og það jafnframt at-
hugað nákvæmlega hvort ekki sé eðlilegt í Ijósi
fenginna upplýsinga að semja um starfsaldurs-
hækkanir. “
Reikningar
Gjaldkeri fór yfir reikninga félagsins og kom
fram í þeim að staða félagsins er nokkuð góð
ekki síst ef tekið er tillit til þeirra miklu út-
gjalda sem áttu sér stað á liðnu ári í tengslum
við viðhald fasteigna.
Nokkrar umræður og fyrirspurnir komu fram
undir þessum lið. Umræður spunnust m.a um
það hvort ekki væri eðlilegt að koma á fót sér-
stökum vinnudeilusjóði og sýndist öllum sem
tjáðu sig um það mál það vera þjóðráð. Þegar
gjaldkeri hafði svarað fyrirspurnum fundar-
manna voru reikningarnir bornir undir at-
kvæði og voru þeir samþykktir athugasemda-
laust með öllum greiddum atkvæðum.
Undir þessum dagskrárlið voru samþykktar
tvær tillögur frá fundarmönnum. Fyrri tillag-
an var um fjárhagsstuðning við kvennaat-
hvarfið í Reykjavík og hin um fjárhagsstuðn-
ing við D-sveit Blásarasveitar Akureyrar. Þá
var tillaga stjórnar um 200 þúsund króna
framlag til Bókasafns bókagerðarmanna sam-
þykkt í einu hljóði.
Lagabreytingar og stjórnar-
skipti
Þrjár breytingartillögur lágu fyrir fundinum
og náði einungis ein þeirra fram að ganga, en
til þess þurfa 2/3 fundarmanna að greiða at-
kvæði með viðkomandi tillögu. Fyrir lá tillaga
um að hætta að kjósa eftir iðnsviðum til
trúnaðarmannaráðs og var hún felld þó hún
fengi meirihluta greiddra atkvæða. Eins fór
fyrir tillögu um breytingu á fundarsköpum.
Hinsvegar náði orðalagsbreytingartillaga við
reglugerð Sjúkrasjóðs FBM fram að ganga.
Stjómarskipti áttu sér stað að vanda á þessum
aðalfundi, en breytingin var einungis sú að
Elísabet Skúladóttir tók sæti Ásdísar
Jóhannesdóttur í stjórninni. Fundarmenn
fögnuðu nýkjörinni stjórn og þökkuðu Ásdísi
vel unnin störf i þágu félagsins með dynjandi
lófataki.
PRENTARINN 4.7.'87
5