Fréttatíminn - 28.06.2013, Síða 6

Verið velkomin í eina glæsilegustu gleraugnaverlsun landins
Ný verslun í göngugötu
Splunkuný sending
LÍFRÆNT
DÚNDUR
Ný kynslóð
sólarkrema
Lækjargötu 34 • Hafnarfirði • Opið þriðjudaga kl 14 - 18
Sími 565 0500 • 897-1923
Swiss Nature fást á vefsíðunni www.scincare.is eða í
Gjaldþrotum
fyrirtækja fækkar
Færri fyrirtæki voru tekin til gjaldþrotaskipta í
maí á þessu ári en á sama tíma í fyrra, eða 105
miðað við 112, samkvæmt vef Hagstofu Íslands.
Flest voru fyrirtækin í byggingastarfsemi og
mannvirkjagerð. Fyrstu fimm mánuði ársins
urðu 459 fyrirtæki gjaldþrota sem er tæplega
tólf prósentum minna en á fyrstu fimm mán-
uðum síðasta árs þegar 521 fyrirtæki var tekið
til gjaldþrotaskipta.
Nýskráð einkahlutafélög í maí voru 189 sem
er töluverð aukning frá maí í fyrra þegar 151
hlutafélag var nýskráð. Fyrstu fimm mánuði
ársins var fjöldi nýskráninga 853 sem er tæp-
lega sextán prósenta aukning frá sama tíma í
fyrra þegar 737 fyrirtæki voru nýskráð. dhe
Það spila um 40.000 manns á Ís-
landi golf og af þeim eru 17.000
skráðir í klúbba á vegum Golf-
sambands Íslands. Það er fjölgun
upp á 75% á síðustu tíu árum. Með
svo stóran hluta þjóðarinnar virka
á völlunum er næsta skref, að
sögn Harðar Þorsteinssonar fram-
kvæmdarstjóra GSÍ, að Íslending-
ar nái inn á stóru atvinnumanna-
mótaraðirnar utan landsteinanna.
Auk þess sem hundrað ára bið
eftir golfi á ólympíuleikunum
verður á enda í Brasilíu eftir þrjú
ár og aldrei að vita nema Íslend-
ingur nái að tía boltann sinn upp
á þessum stærsta íþróttaviðburði
í heimi.
GSÍ hefur því í samstarfi við
Eimskip, Íslandsbanka, Valitor og
Icelandair Group stofnað Forskot,
Afrekssjóð kylfinga sem mun
styðja við bakið á atvinnukylf-
ingum jafnt áhugamönnum sem
stefna á fremstu röð. Um 15 millj-
ónum verður úthlutað hvert ár til
að gera tveimur til fimm kylfing-
um auðveldara fyrir að helga sig
sportinu og ná árangri utan land-
steinanna. -hj
Allt að fimm kylfingar hljóta Forskot ár
hvert og að þessu sinni voru það Axel
Bogason, Birgir Leifur Hafþórsson, Ólaf-
ur Björn Loftsson, Ólafía Þórunn Krist-
insdóttir og Þórður Rafn Gissurarson.
Auk þeirra var Einar Haukur Óskarsson
styrktur til góðra verka á sænsku
Nordea mótaröðinni. Ljósmynd/Hari
 golf 15 milljónum úthlutað til kylfinga ár hvert
Stofna afrekssjóð fyrir kylfinga
É g hef mikla ástríðu fyrir salti og saltframleiðslu, og er búinn að eyða löngum
tíma í að kynna mér saltvinnslu.
Ég bara elska salt,“ segir Garðar
Stefánsson sem í næsta mánuði
opnar saltverksmiðju á Reykhólum.
Verksmiðjan heitir Norður & Co. en
saltið verður nefnt Norðursalt. „Við
viljum með nafninu leggja áherslu á
að við erum norðarlega í heiminum
og auðvitað á norðvesturlandi,“
segir Garðar en reiknað er með að
stærstur hluti framleiðslunnar fari
á erlendan markað og eru þegar
hafnar þreifingar í þá veru.
Þeir eru tveir félagarnir á bak
við fyrirtækið, Garðar og Daninn
Sören Rosenkilde. Þeir voru saman
í námi í Árósum þar sem Garðar
var í meistaranámi í markaðs- og
nýsköpunarfræðum með áherslu
á skapandi upplifun, og lokaverk-
efnið hans fjallaði um saltvinnslu
á Íslandi. Fyrst eftir að hann kom
heim stofnaði hann saltvinnslunna
Saltverk Reykjaness ásamt öðrum
félaga sínum leiðir skildu í haust og
ákvað Garðar að fara í framleiðslu á
Reykhólum.
„Ég fékk fyrst áhuga á salti
þegar ég flutti frá foreldrum mínum
og fór sjálfur að elda meira. Það
heillaði mig hvað salt skiptir miklu
máli í matargerð og ég fór að lesa
mér til og horfa á sjónvarpsþætti
um eldamennsku. Það er líka
merkilegt hvað mismunandi salt
gefur ólíkt bragð af matnum. Venju-
legt borðsalt hreinlega eyðileggur
matinn. Ég man þegar ég smakk-
aði fyrst Maldonsalt. Mér fannst
áferðin á því alveg æðisleg. Maldon
er núna heimsmeistari í flögusalti.
Mér finnst flögusalt best og er viss
um að ég geti gert betur en Mal-
don. Það er okkar markmið,“ segir
Garðar kokhraustur. Hann bendir
á að Maldon noti gas til að sjóða sjó
við vinnsluna en Norðursalt verður
unnið á umhverfisvænan hátt, sjó
verður dælt upp úr Breiðafirði og
hann eimaður með jarðhita. Bæði
nýtir verksmiðjan heitt affallsvatn
frá Þörungavinnslunni á Reykhól-
um og enn heitara vatn beint frá
borholu. „Þetta verður flögusalt,
svipað og Maldon nema að við
höfum enn betra hráefni. Saltið
verður með bragði af Breiðafirði
sem í raun er sjávarfrumskógur
norðursins.
Sören er alinn upp á bóndabæ og
hefur mikil tengsl við náttúruna.
Hann er giftur íslenskri konu og
þegar þau bjuggu út í Árósum borð-
uðu þau oft með Garðari og hans
konu. „Við erum hrifin af góðum
mat og finnst gaman að prófa eitt-
hvað nýtt,“ segir Sören. Þeir Garðar
urðu miklir vinir, gerðust hlaupa-
félagar og komu til Íslands eftir
nám með háleit markmið: „Okkur
langar að breyta matarmenning-
unni á Íslandi. Við notum hráefni
sem náttúran gefur okkur. Ég er
alinn upp við að nýta það besta úr
umhverfinu, hvort sem það er úr
jörðu eða sjó. Þá getum við verið
örugg um að gæðin eru í lagi,“
segir Sören og er ástríðan
Garðar hefur engar áhyggjur af
því að það sé ekki pláss fyrir fleiri
en eina saltverksmiðju á Íslandi.
„Hér eru um hundrað þúsund
heimili. Síðan eru það öll veit-
ingahúsin sem elda bæði ofan í
Íslendinga og ferðamenn. Okkur
finnst þetta gott salt og vonandi
elskar fólk það líka,“ segir Garðar
en hann reiknar með að Norður-
salt verið komið á markað í júlí eða
ágúst.
Erla Hlynsdóttir
erla@frettatiminn.is
 nýsköpun vinna salt úr Breiðafirði
„Ég bara elska salt”
Félagarnir Garðar Stefáns-
son og Sören Rosenkilde
eru miklir áhugamenn
um góðan mat. Þeir hefja
brátt framleiðslu á salti á
Reykhólum við Breiðafjörð
undir heitinu Norðursalt.
Markmiðið þeirra er að
steypa heimsmethafanum
Maldon af stóli og gera
besta flögusalt í heimi.
Garðar
Stefánsson
og Sören
Rosenkilde
eru afar
metnaðarfullir
og vilja breyta
matarmenn-
ingu Íslend-
inga.
Saltið mun einnig heita „Norður-
salt“ á erlendum markaði.
Saltverksmiðjan á Reykhólum verður
brátt tilbúin. Mynd/Hlynur Þór Magnússon
6 fréttir Helgin 28.-30. júní 2013