Fréttatíminn - 28.06.2013, Qupperneq 32

Að fasta eða ekki fasta
É
Ég er matmaður og mikill sem slíkur.
Ef ég er ekki að borða mat, er ég að elda
mat, horfa á einhvern búa til mat í sjón-
varpinu eða lesa um mat. Stundum les
ég um það hvernig snúa má við þeirri
óheppilegu þróun sem matur hefur á útlit
og heilsu en yfirleitt er ég samt að borða.
Í slíku heilsuriti las ég nýlega að nú
þyki það þjóðráð að fasta einn dag í
viku. Eftir nokkuð sukk dagana fyrir
um og eftir þjóðhátíðardaginn ákvað ég
að prófa. Sleppa því að borða einn dag,
– nú skyldi aldeilis fastað. Þetta hef ég
reyndar prófað einu sinni áður, ekki með
mjög góðum árangri. Það var stór pítsa
á matseðlinum það kvöldið. En nú er ég
eldri, orðinn staðfastur, bæði faðir og eig-
inmaður. Ég leit á greinina í blaðinu sem
áskorun. Má enda vel við því að missa úr
máltíð eða tvær. Föstudagurinn varð að
sjálfsögðu fyrir valinu og það reyndist
mér furðu auðvelt að borða ekkert. Frúin
á bænum bauð reyndar systrum sínum í
mat heim til okkar þá um kvöldið. Á boð-
stólum voru pítsur! Staðráðinn í því að
falla ekkií freistni eins og þarna um árið
ákvað ég að fá mér kvöldgöngu um Hlíð-
arnar á meðan pítsunni voru gerð skil.
Fastan gekk því eins og í sögu. Ég reyndi
að drekka vatn og eitthvert tesull. Fannst
ég vera á pari við Sollu á grænum, þetta
gekk svo vel.
Morguninn eftir var byrjað á hrærðu
eggi og ég svona frekar stoltur af afrek-
inu þótt ekki verði meira sagt. Hafði lifað
af heilan sólarhring og gott betur án þess
að borða svo mikið sem munnbita. Ég,
mathákurinn mikli. Þetta var sko sigur
andans yfir efninu hugsaði ég og var
strax farinn að velta því fyrir mér hvort
ég hefði það í mér að gerast grænmet-
isæta.
Seinna um daginn bauð litla systir í
pönsur með rjóma eftir útskrift úr Há-
skólanum. Ja, sei, sei litla barnið bara út-
skrifað með háskólapróf, hugsa ég þegar
fjórða eða fimmta rjómapönnsan rann
ljúflega niður matargatið. Ég segi nokkuð
stoltur frá föstunni milli munnbita, fæ þó
oftast bágt fyrir. Fjölskyldan keppist við
að segja mér að hóf sé best í öllu. Þessar
venjulegu línur fólks sem ekki hefur vilja-
styrk til að fasta heilu og hálfu dagana
eins og ég.
Eftir veisluna, þegar allir er komir út í
bíl finn ég að ekki er allt með felldu. Mag-
inn er byrjaður að mótmæla rjómapönns-
unum. Ég reyni að hugsa ekki til þessa
þegar við skutlum betri helmingum niður
í bæ til að hitta fyrrnefndar systur sínar í
meiri pítsu. Eftir skutlið sátum við fjögur
eftir í bílnum ég, börnin mín tvö og ein
auka frænka. Við vorum boðin í kvöldmat
í Kópavoginn. Á leiðinni þangað er Foss-
vogurinn, uppeldisstöðvar mínar. Þar
þekki ég hvert strá og nokkurn veginn
einmitt þar sem ég, sem stráklingur, datt
í kúamykjuhaug fyrir margt löngu finn ég
að maginn er nú hættur að mótmæla og
er kominn í stríð. Ég veit ekki hvort það
voru minnningarnar um volga kúadelluna
sem stigmögnuðu ástandið en nú voru
góð ráð dýr. Ansans vesen, hugsaði ég, nú
á ég eftir að gera í buxurnar – hérna í For-
dinum. Með börnin mín og litlu frænku
í aftursætinu. Það á ekki eftir að líta vel
úr á ferilskránni. Bensínið var því stigið í
botn og við rétt náðum á áfangastað. Hús-
ráðendum bauð ég ekki svo mikið sem
góða kvöldið áður en strikið var tekið
á náðhúsið. Þetta er nýbygging og ég
þakka æðri máttarvöldum fyrir að fyrsta
innihurðin þar á bæ var sett á þetta sama
náðhús fyrr í vikunni.
Eftir þessa reynslu hef ég ákveðið að
leggja allar föstuhugsanir á hilluna í bili
en mér hefur í stöku sinni síðan verið
hugsað til þeirra sem þetta reglulega
stunda og ég vona innilega að þeir sömu
komist í það minnsta í nágrenni við sæmi-
legan blómapott daginn eftir. Þó ekki sé
nema barnanna vegna.
Te
ik
ni
ng
/H
ar
i
Haraldur
Jónasson
hari@
frettatiminn.is
HELGARPISTILL
– fyrst og fre
mst
ódýr!
í pk.
16
1498kr.kg
Verð áður 2999 kr. kg
Zewa eldhúsrúllur,
16 rúllur ú pakka
2 pakka á mann me
ðan birgðir endast
50%
afsláttur
32 viðhorf Helgin 28.-30. júní 2013