Fréttatíminn - 28.06.2013, Qupperneq 50

50 heilsa Helgin 28.-30. júní 2013
 Heilsuverslun systrasamlagið vill stuðla að jafnvægi
Fólk þarf að taka
á stressinu
 Heilsa jóga og ljúfir tónar utandyra næsta laugardag
Fjölskyldujóga í Viðey
Þú getur nálgast Fréttatímann frítt á
þjónustustöðvum N1 um land allt
HELGARBLAÐ
Öflugt gegn
blöðrubólgu
ROSEBERRY
Virkar innan 24 tíma
2-3 töflur fyrir svefn
Fæst í apótekum, heilsubúðum og
í heilsuhillum stórmarkaðanna
www.gengurvel.is
einungis unnið
úr safa ungra
grænna
kókoshneta
himneskt.is
Fjölskyldujógatími verður á túninu við
Viðeyjarstofu næsta laugardag frá klukk­
an 13:00 til 14:00. „Í Viðey ætlum við að
gera jógaæfingar, fara í leiki, syngja,
hugleiða og slaka vel á í lokin við tóna
gongsins. Markmiðið er að þátttakendur
tengjist í kærleika og hlæi saman,“ segir
Arnbjörg Kristín Konráðsdóttir, jóga­
kennari. „Gong er risastórt hljóðfæri og
tónar þess framkalla aukna slökun líkam­
ans og hvíla hugann. Fyrr í sumar lék ég
á gong á hugleiðslu námskeiði í Viðey og
þar var lítil stúlka sem sofnaði við gongið
sem var mjög fallegt," segir Arnbjörg.
Fólk á öllum aldri er velkomið í jógatím­
ann í Viðey og eru æfingarnar skipulagð­
ar þannig að börn fimm ára og eldri geti
tekið fullan þátt. Yngri börn eru einnig
velkomin en gætu þurft á aðstoð foreldra
að halda við jógaæfingarnar.
Jógatíminn kostar 500 krónur og er
nauðsynlegt að þátttakendur skrái sig
fyrirfram en hægt er að senda skrán­
ingar á netfangið akk@graenilotusinn.is.
Nánari upplýsingar má nálgast á heima­
síðunum www.graenilotusinn.is og www.
videy.com
Í lok fjölskyldu jógatímans munu þátt-
takendur slaka á við ljúfa tóna hljóðfærisins
gong. Mynd/Arnbjörg Kristín Konráðsdóttir.
Þ að sem við erum mikið að hugsa um er að fólk taki á stressinu,“ segja systurnar Guðrún og Jó­
hanna Kristjánsdætur en þær stofnuðu
nýverið Systrasamlagið á einum fall eg­
asta stað á Seltjarnarnesinu. Systr­
unum hefur tekist að tryggja frábært
vöruframboð í lítilli heilsuvörubúð
og kaffihús til að næra líkama og sál.
Í Systrasamlaginu er hægt að versla
dýrindis heilsudrykki, hollustusnarl,
heilsuvörur, alvöru kaffi, nýbakað
bakkelsi og það sem er nýtt á Íslandi,
jógafatnað sem hægt er að nota við
ýmis tækifæri fyrir fólk sem vill gera
jóga hluta af sínu lífi.
Guðrún og Jóhanna ákváðu að opna
búðina á æskuslóðum en þær ólust
upp sem börn á þessu svæði þar sem
amma og afi þeirra bjuggu og störfuðu.
Þreyttir jóga­, líkamsræktar­ og sund­
garpar geta nú svalað þorsta sínum
með heilsudrykk og fengið sér hollan
bita í stað skyndibita.
„Margir eru hissa á því að upplifa
eitthvað nýtt, okkur hefur verið vel
tekið og kaffið spyrst vel út, við erum
með baunir frá Mið­Ameríku sem eru
lífrænt vottaðar hér á landi en eru ekki
komnar á markað,“ segir Guðrún og er
þakklát fyrir þær góðu viðtökur sem
Systrasamlagið hefur nú þegar fengið
frá því það hóf starfsemi þann 15. júní.
Jóhanna hefur mikla reynslu af
heilsueflingu, heilsuvörum og jóga
og telja systurnar að jóga eigi að vera
hluti af lífi fólks. Taka þurfi á stress­
inu og til þess þurfi að róa hugann og
vera í núinu. Telja þær að ekki sé nóg
að stunda líkamsrækt heldur geti jóga
verið mikil heilsubót fyrir sálina.
Í Systrasamlaginu er til dæmis til
sölu nýjung í jógafatnaði. Um er að
ræða nýjan fatnað sem passar vel við
hælaskó og konur geta notað til að
mæta endurnærður í vinnuna eða í
veisluna eftir jógatímann. Systurnar
hafa einnig til sölu íslenska hönnun í
vörum til jógaiðkunar, eins og hug­
leiðslupúða og flothettur ásamt ýmsum
öðrum vörum eins og jógadýnur, te og
jurtir.
Systurnar eru ánægðar með þá
þróun sem er að eiga sér stað. Áhugi
á jóga, sem og hollu líferni, sé að
aukast hjá ungu fólki. „Heilsuvörur
eru vinsælli hjá stelpum en strákarnir
eru að taka við sér og margir farnir að
stunda jóga,“ segir Guðrún og bætir við
að mikil vitundarvakning sé hjá karl­
mönnum varðandi heilsuna sem sé góð
þróun.
„Tvítugt fók hugsar mun meira um
heilsuna í dag heldur en foreldrar
gerðu á þeirra aldri,“ segir Guðrún og
hlakkar til að vera í Systrasamlaginu í
sumar.
María Elísabet Pallé
maria@frettatiminn.is
Systur tvær
umbyltu gamalli
sjoppu og breyttu í
sannkallað heilsu-
hof. Systrasamlagið
nefnist heilsuversl-
unin og kaffihúsið
sem þær reka af
mikilli ástríðu. Þær
segja mikilvægt að
róa hugann og vera
í núinu til þess að
ná jafnvægi.
Guðrún og Jóhanna Kristjánsdætur bjóða upp á nýjungar í vörum fyrir jógaiðkendur auk heilsuvarnings hvers konar og holl-
ustuskyndibita. Mynd/Hari