Fréttatíminn - 28.06.2013, Page 70
TónlisTarháTíð all Tomorrow’s ParTies á ásbrú um helgina
Nick Cave kemur til
landsins í toppformi
Tónlistarhátíðin All Tomorrow’s Parties verður haldin í fyrsta sinn hérlendis um helgina. Nick
Cave og Botnleðja eru aðalnúmerin og segir Tómas Young, skipuleggjandi hátíðarinnar, að
tónleikagestir megi eiga von á góðu frá Cave. Sjálfur er Cave spenntari fyrir tónleikunum hér á
landi en Glastonbury kvöldið eftir.
Þ að á að vera sól um helgina og mér líst vel á veðurspána. En ef það kemur brjáluð rigning
og rok þá er það bara gott. Þá verður
fólk bara inni að horfa á tónleika,“
segir Tómas Young, skipuleggjandi
tónlistarhátíðarinnar All Tomorrow’s
Parties. Hátíðin er haldin á Ásbrú í
Reykjanesbæ um helgina.
Aðalnúmer hátíðarinnar er Nick
Cave & The Bad Seeds og segir
Tómas að hljómsveitin sé í topp-
formi. „Barry, stofnandi ATP, er
búinn að sjá þá örugglega tuttugu
sinnum. Hann sá þá í Ástralíu um
daginn og aftur á Primavera og hann
segir að þeir hafi aldrei verið betri.
Svo voru þeir að spila á Northside í
Danmörku fyrir tveimur vikum og
fengu fullt hús hjá bæði Gaffa og
Politiken, sex stjörnur. Ég er búinn
að fara á Hróarskeldu örugglega 13
sinnum og það er kannski ein hljóm-
sveit á ári sem fær fullt hús bæði hjá
Politiken og Gaffa. Ég held að það
undirstriki formið sem þetta band
er í.“
Hann segir að Cave virðist ekki
síður hlakka til Íslandsfararinnar en
aðdáendur hans á Íslandi. „Hann var
í viðtali hjá Óla Palla og sagðist þar
hlakka meira til að spila á laugar-
daginn en að loka Glastonbury á
sunnudaginn.“
Hljómsveitirnar sem spila í kvöld,
föstudagskvöld, komu til landsins
í gær og þær sem spila á morgun
eru væntanlegar í dag. Í gær bættist
svo feitur biti við dagskrána þegar
tilkynnt var að Botnleðja yrði aðal-
númerið í kvöld. Botnleðjumenn
koma ferskir til leiks eftir að hafa
haldið tónleika með öllum sínum
bestu lögum í Austurbæ í gærkvöldi.
„Það er frábært að fá Botnleðju.
Þeir spiluðu á All Tomorrow’s Par-
ties fyrir næstum tíu árum þegar
hljómsveitin Shellac valdi þá til að
spila. Þá held ég að við séum búin að
ná til okkar næstum öllum íslensku
sveitunum sem hafa spilað á há-
tíðinni – nema Sigur Rós.“
Miðar með gistingu eru uppseldir
en enn er hægt að fá dagpassa og
helgarpassa á Miða.is. Tómas segir
að dagpassar á laugardaginn séu
alveg að klárast en enn sé eitthvað
til fyrir föstudag. Rútuferðir eru til
og frá Reykjavík á hátíðina.
Höskuldur Daði Magnússon
hdm@frettatiminn.is
Dagskráin á
all ToMorrow’s ParTies
Föstudagur
Æla
Apparat Organ Quartet
The Notwist
múm
The Fall
Botnleðja
Mugison
Thee Oh Sees
Ghostigital
Snorri Helgason
Kimono
Laugardagur
Mono Town
SQÜrl
Nick Cave & The Bad Seeds
Hjaltalín
Deerhoof
Chelsea Light Moving
Dead Skeletons
Amiina
Valgeir Sigurðsson
Þá verða sýndar kvikmyndir sem
Tilda Swinton og Jim Jarmusch
velja og Dr. Gunni stjórnar Popp-
punkti. Ítarlega dagskrá má finna
á heimasíðu hátíðarinnar.
nick Cave er aðalnúm-
erið á ATP í Keflavík
um helgina. Hann
mætir með hljómsveit
sína, The Bad Seeds,
og verður í banastuði
eins og jafnan á
tónleikum. Ljósmynd/
Nordicphotos/Getty
Áhöfnin á Húna er við það að leggja úr höfn. Frá vinstri eru Guðni Finns, Jónas
Sig, Lára Rúnars, Mugision, Ómar Guðjóns og Arnar Gísla.
TónlisT áhöfnin á húna leggur úr höfn
Popparar syngja fyrir hvalaskoðunarskip
„Það er mikill spenningur í loftinu,“
segir Jón Þór Þorleifsson sem skipu-
leggur hringferð Áhafnarinnar á
Húna um landið.
Eins og Fréttatíminn hefur greint
frá munu nokkrir þekktir popparar
sigla hringinn kringum landið í júlí
og halda tónleika á sextán stöðum.
Poppararnir eru Mugison, Ómar
Guðjónsson, Lára Rúnarsdóttir,
Guðni Finnsson, Arnar Freyr Gísla-
son og Jónas Sigurðsson. Fyrstu
tónleikarnir eru á Húsavík næsta
miðvikudag, 3. júlí.
„Allra fyrsta giggið verður reynd-
ar mjög frumlegt. Við ætlum að
hita upp fyrir tónleikana með því
að halda tónleika fyrir hvalaskoð-
unarskipin fyrir utan Húsavík. Þetta
verða fyrstu tónleikarnir sem haldn-
ir verða úti á ballarhafi,“ segir Jón
Þór léttur í bragði.
Ýmislegt fleira skemmtilegt er
í farvatninu fyrir utan hina hefð-
bundnu tónleika sem verða um
borð í Húna II, en aðgangseyrir-
inn rennur til Slysavarnarfélags-
ins Landsbjargar. Á Reyðarfirði
er leikskólakórinn í æfingabúðum
að læra sjómannalög til að syngja
fyrir Áhöfnina þegar hún leggst að
bryggju á föstudag. Og á Borgar-
firði eystri ætlar sextán ára stelpa,
Bergrún Sóla, að frumflytja lag sem
hún samdi í tilefni heimsóknarinnar.
Fyrsti þátturinn um ferðalagið fer
í loftið í Sjónvarpinu á laugardags-
kvöld klukkan 19.45. Myndband
Áhafnarinnar við lagið Sumargest-
ur nýtur mikilla vinsælda og fékk
16.296 áhorf fyrsta sólarhringinn á
netinu.
Höskuldur Daði Magnússon
hdm@frettatiminn.is
Baltasar Kormákur kvikmyndaleikstjóri var í
skemmtilegu viðtali í Virkum morgnun á Rás
2 í byrjun vikunnar. Þar fór hann yfir ferilinn
og stöðu mála og geislaði af honum sem
fyrr. Athygli vakti þegar Baltasar vakti máls
á því að leikhópurinn í næstu mynd hans,
stórmyndinni Everest, myndi samanstanda
af ungum og upprennandi leikurum. Ekki er
nefnilega langt síðan stórleikarinn Christian
Bale var orðaður við aðal-
hlutverkið í myndinni í
erlendum fjölmiðlum.
Það er því allt útlit fyrir
að Bale hafi beilað á
Baltasar.
Veglegur þáttur um Hemma
Minning um mann kallast
þáttur um Hemma Gunn
sem Sjónvarpið sýnir í kvöld,
föstudagskvöld. Þátturinn er
tæpir tveir klukkutímar að
lengd að meðtöldum svip-
myndum frá útför Hemma
sem fer fram í dag. Þar stigu
margir af ástsælustu tón-
listarmönnum þjóðarinnar
og vinir Hemma á stokk,
svo sem Björgvin Halldórs-
son, Diddú, Egill Ólafsson,
Kristján Jóhannsson og
karlakórinn Fóstbræður. Egill
Eðvarsson hefur haft veg og
vanda af gerð þáttarins en
þeir Hemmi voru stórvinir í
áratugi en Egill stýrði meðal
annars lengst af Á tali þátt-
unum. Þórhallur Gunnarsson
sá um dagskrárgerðina
með honum og er kynnir í
þættinum. Þar fara þeir yfir
ferilinn og ræða við 50 vini,
samferðar- og samstarfs-
menn, þar sem jöfnum
höndum flugu sprenghlægi-
legar gamansögur og tilfinn-
ingaþrungnar lýsingar á því
hversu mikill og traustur
vinur karlinn var. Þá tók
Þórhallur hús á dætrum
Hemma sem ræða opinskátt
um föður sinn og sambandið
við hann.
Beilaði Bale á Balta?
70 dægurmál Helgin 28.-30. júní 2013