Fréttatíminn - 31.05.2013, Qupperneq 15

Segjum sögur á stærsta farsímaneti landsins
Tímalaus klassík
fer aldrei úr tísku
Ég var að landa samningi við verslunareiganda, ótrúlegan spaða.
Eftir fundinn gerði hann mér tilboð í gamla farsímahlunkinn minn
sem var svo retró að menn höfðu ekki séð svoleiðis í langan tíma,
enginn litaskjár, bara pláss fyrir tíu SMS og eini leikurinn var Snake.
Kaupmannahöfn 2011, Steinunn Vala segir sögu af flottum síma
E
N
N
E
M
M
/
S
ÍA
/
N
M
5
8
0
7
7
Sjáðu
Steinunni Völu
segja frá
Vertu í sterkara sambandi
með Snjallpakka!
Snjallpakkinn er frábær áskriftarleið þar sem þú
færð SMS, gagna magn og innifaldar mínútur sem
gilda í farsíma og heimasíma óháð kerfi.
Með Snjallpakka og Núllinu talar fjölskyldan
saman fyrir 0 kr. þótt mínúturnar séu búnar.
300 mín. | 300 SMS | 300 MB
SNJALLPAKKI SNJALLPAKKI
3.490 kr./mán.
300
500 mín. | 500 SMS | 500 MB
4.990 kr./mán.
500
7.990 kr./mán.
1000 1500
10.990 kr./mán.
SNJALLPAKKI SNJALLPAKKI
1000 mín. | 1000 SMS | 1000 MB
3G aukakort innifalið
1500 mín. | 1500 SMS | 1500 MB
3G aukakort innifalið
Kynntu þér Snjallpakka nánar á siminn.is
SUMARGLAÐNINGUR!
3 GB og 3000 SMS á mánuði fylgja
öllum Snjallpökkum til 31. ágúst.
Á dögunum lagði verkefnahópur Samráðsvettvangs um aukna hagsæld á Íslandi fram tillögur
til að bæta íslenska menntakerfið. Vinna
hópsins byggðist á niðurstöðum skýrslu
McKinsley um Ísland og vaxtarmöguleika
í framtíðinni. Hugmyndum hópsins var
mis vel tekið og gerði Kennarasamband Ís-
lands athugasemd við að hafa ekki átt full-
trúa í verkefnahópnum en sambandið hafði
óskað eftir þátttöku.
Magnús Þorkelsson, aðstoðarskóla-
meistari Flensborgarskólans, hefur ýmis-
legt við tillögur verkefnahópsins að athuga
og skrifaði pistil þess efnis á bloggsíðu
sína 15. maí síðastliðinn og á sólarhring
lásu yfir þrjú þúsund manns pistil Magn-
úsar. Á örfáum dögum fékk hann hátt í tíu
þúsund heimsóknir.
Stytting náms þegar möguleg
Meðal þeirra tillagna sem fram komu
hjá verkefnahópi Samráðsvettvangsins
voru stytting grunn- og framhaldsskóla
um tvö ár. Að sögn Magnúsar eru lög um
skóla þannig á Íslandi að hvort skólastig
geti útskrifað nemendur ári fyrr en þau
gera nú. „Nemendur eiga að útskrifast úr
framhaldsskóla þegar þeir hafa lokið 140
einingum en hvort það gerist á tveimur
og hálfu eða fimm og hálfu ári er eitthvað
sem framhaldsskólar verða að meta með
sínum nemendum. Ég vek athygli á því
að það verður að hætta að horfa á þennan
árafjölda og líta heldur á hvenær nemendur
hafa uppfyllt skilyrði til að flytjast á milli
skólastiga. Innan grunnskólanna getur
það þýtt að nemendur flytjist eftir níunda
eða tíunda bekk og svo þyrfti að vera til
nokkurs konar ellefti bekkur. Í þessu sam-
hengi þurfa þroski og áhugi nemandans að
ráða ferðinni. Það að nemandi sé endilega
fjögur ár að ljúka framhaldsskóla þarf ekki
að vera neitt lögmál,“ segir Magnús.
Í Flensborgarskólann koma margir
mjög öflugir og duglegir nemendur sem
hafa tekið fjarnám með níunda og tíunda
bekk og jafnvel sumarskóla. „Þá hentar
þeim ekki að fara í formföstu fjögurra ára
skólana. Slíkir skólar eru reyndar bara
sex af þeim þrjátíu og tveimur framhalds-
skólum sem eru á Íslandi. Þeir taka þrjátíu
til þrjátíu og fimm prósent nýnemanna og
líklega þá nemendur sem gætu auðveld-
lega útskrifast á styttri tíma. Þar er, að
mínu mati, stíflan í kerfinu. Þessir skólar
eru í sjálfu sér góðir og menn hafa staðið
vörð um skipulag þeirra. Gæðin liggja þó
ekki í árafjöldanum þannig að ef við gæt-
um losað þessa stíflu þá værum við ekkert
að ræða þetta þriggja, fjögurra ára nám.
Samkvæmt rannsóknum HÍ frá í fyrra er
ekki greinanlegur munur á nemendum
eftir skólum, ef tekið er tillit til einkunna á
samræmdum prófum,“ segir Magnús.
Að mati Magnúsar er ekki skynsam-
legt viðmið að halda fólki í skóla í fjórtán
ár, heldur eigi að leyfa nemendum að fara
í gegnum skólakerfið á grundvelli þroska
og getu. „Við eigum að sjá til þess að allir
komist áfram, hvort sem þeir fara hratt eða
hægt. Þetta á ekki að vera eins og afplán-
un,“ segir Magnús.
Brotthvarfstölur ekki samanburðar-
hæfar
Að sögn Magnúsar er brotthvarf nemenda
úr íslenskum framhaldsskólum vissulega
mikið. Hann hefur þó efasemdir um þann
samanburð sem verkefnahópur Samráðs-
vettvangsins styðst við og sýnir það vera
meira á Íslandi en í samanburðarlöndun-
um. Ástæðan er sú að námskráin á Íslandi
miðast við að allir fari í framhaldsskóla eft-
ir tíunda bekk. „Það er ekki þannig í öllum
þeim löndum sem við berum okkur saman
við. Í sumum þeirra eru tíu til fimmtán pró-
sent nemendanna ekki metin hæf til að inn-
ritast í framhaldsskóla. Sá hópur telst þá
ekki brotthvarf. Ef það væri eins hjá okkur
myndum við minnka brotthvarf um fimm-
tán prósent í einni sviphendingu,“ segir
Magnús og bendir jafnframt á að í sumum
Evrópulöndum séu nemendur útskrifaðir
þó þeir hafi ekki náð tilskildum prófum og
er sá hópur þá ekki talinn brotthvarf. „Ef
við bætum þessum hópi inn í gætum við
minnkað brotthvarfið um tíu prósent til
viðbótar. Þetta er flóknara mál en svo að
slá megi upp dramatískum myndum sem
ekki eru skýrðar frekar,“ segir Magnús.
Að mati Magnúsar þarf það ekki endi-
lega að vera neikvætt að nemendur hætti
í framhaldsskóla. „Sumt af þessu fólki fer
og gerir aðra spennandi hluti, til dæmis
í tónlist eða öðrum skapandi greinum. Í
forritunargeiranum er líka mikið af fólki
sem aldrei hefur lokið framhaldsskóla en
stendur sig mjög vel,“ segir Magnús.
Magnús segir það reynslu sína að það
séu ekki endilega „lélegir“ eða getulitlir
nemendur sem hætti í framhaldsskóla,
heldur sé allur gangur á því. „Það gerist
að nemendur sem komnir eru langleiðina
með að ljúka stúdentsprófi hætti af ýmsum
ástæðum. Það er þá eitthvað sem veldur
því að fólk sér ekki ástæðu til að klára þó
það hafi alla burði til þess. Það er eitthvað
í baklandi þeirra, skuldbindingum þeirra
við skóla eða kannski löngun í annað sem
veldur því að þeir hætta.
Hærra hlutfall kennslu
Niðurstöður McKinsley skýrslunnar sýndu
að hlutfall kennslu af vinnutíma kennara á
Íslandi er lægra en annars staðar og telur
Magnús að margir kennarar myndu gjarna
vilja láta létta af sér mörgum þeim verk-
efnum sem þeir sinna eins og til dæmis
skýrslugerð og fundum með sálfræðing-
um. Slíkt myndi gera kennurum kleift að
kenna meira. „Ég er þó ekki viss um að það
yrði gott fyrir skólakerfið,“ segir Magnús.
Niðurskurður bitnar á menntakerfinu
Eftir að tillögur verkefnahóps Samráðs-
vettvangsins voru birtar skrifaði Magnús
pistil á heimasíðu sína sem þrjú þúsund
manns lásu fyrsta sólarhringinn svo mál-
efnið er mörgum hugleikið. „Ég held að
fólki í kennarastétt, eins og öðru opinberu
starfsfólki, finnist það vera búið að taka
á sig stóran hluta af þessari svokölluðu
kreppu. Það er búið að færa til verkefni
og stækka hópa, fækka starfsfólki og hag-
ræða eins og hægt er. Núna finnst þessum
stéttum að það megi taka tillit til þess sem
þær hafa lagt fram til að reyna að koma
til móts við vandræðin í ríkisrekstrinum.
Þegar ýmsir embættismenn, til dæmis hjá
sveitarfélögunum, segja að það þurfi að
fjölga kennslutímum og stækka hópana
og að kennarar þurfi að vinna meira þá
er verið að gefa í skyn að fólk sé ekki að
vinna vinnuna sína. Það er sama hvaða
stétt myndi verða fyrir því, hún myndi
bregðast við á sama hátt. Það eru nokkrir
áratugir síðan alþingismenn sátu undir
slíkum ákúrum og Guðrún Helgadóttir,
sem þá var þingforseti snérist til varnar.
Það hefur stundum verið talað um fjöl-
miðlafólk á þennan hátt. Það eru ekki allir
sem gera sér grein fyrir því til dæmis að
þegar frétt er birt þá er heilmikil vinna
sem býr að baki sem enginn sér,“ segir
Magnús.
Kröfur um menntun kennara eru þær
sömu og til lögfræðinga og verkfræðinga,
fimm ára háskólanám hið minnsta, og er
það skoðun Magnúsar að laun kennara hafi
setið eftir og séu lægri en almennt gerist
hjá opinberum starfsmönnum. Mikilvægt
sé að leiðrétta launin til langframa. Magn-
ús telur það mat margra þeirra sem starfa
innan skólakerfisins að taka megi það til
endurskoðunar en að slíkt þurfi að gera
af sanngirni. Það þurfi að finna samhljóm
um það hver markmið skólakerfisins eigi
að vera. „Það gengur ekki að aðilar sem
ekki búa yfir sérþekkingu á menntakerf-
inu slengi fram hverju sem er. Það verður
að taka á laununum og skilgreina verkefni
skólakerfisins í takt við fjármálin. Skóla-
starfið á að snúast um nemendurna en ekki
launaátök,“ segir Magnús.
Dagný Hulda Erlendsdóttir
dagnyhulda@frettatiminn.is
viðtal 15 Helgin 31. maí-2. júní 2012