Fréttatíminn - 31.05.2013, Qupperneq 42

Aðstoðarmaður sendiherra
S
Sendiherraembætti eru eftirsótt og af
þeim fer orðspor bílífis. Jafnan fylgir það
frásögnum af sendiherrum að þeir séu
í eilífum kokteilboðum hver hjá öðrum.
Áður fyrr voru sendiráð gjarnan eins
konar dvalarheimili aldraðra stjórnmála­
manna en í seinni tíð hefur dregið úr
því. Nú vinna menn sig frekar upp innan
utanríkisþjónustunnar.
Vafalaust eru veislusögur af sendiherr­
um orðum auknar þótt þeir hafi vissulega
þær skyldur, embættisins vegna, að fara
á fund fulltrúa annarra þjóða. Trúlegt er
að yfirleitt mæti þeir, rétt eins og annar
vinnulýður, á skrifstofu sína að morgni,
blaði í pappírum, svari tölvupóstum og
tali í síma – sem sagt reki erindi ríkis,
fyrirtækja og einstaklinga.
Ég á engan rétt á því að verða sendi­
herra, þótt ég sé smám saman að nálgast
þann aldur að það hæfði að bjóða mér
slíkt embætti. Hvorki á ég stjórnmálaferil
að baki né starfsreynslu úr utanríkis­
þjónustunni. Þó nefndi ég það fyrir margt
löngu við stjórnmálamann á framabraut
að hann ætti, þegar hann fengi til þess
völd, að koma mér fyrir í sendiráði til
þess að létta af mér streitu blaðamennsk­
unnar. Það var þó með þeim formerkjum
að sá góði maður skipaði eiginkonu mína
sendiherra en ég færi með sem aðstoðar­
maður hennar. Þar sá ég fyrir mér að
ég gæti blandað drykki ofan í fínar frúr
og borðalagða karla og borið þá fram á
meðan ábyrgðin á rekstri sendiráðsins
hvíldi að öðru leyti á konu minni. Henni
treysti ég fullkomlega til starfans enda
skipulögð, röggsöm og vön stjórn á stóru
heimili og fyrirtækjarekstri.
Þetta var á þeim árum sem við Össur
Skarphéðinsson unnum saman á DV. Þar
var pistilskrifarinn fréttastjóri en Össur
ritstjóri um hríð, 1997 til 1998. Össur
var þá, líkt og nú, á kafi í pólitík. Hann
var kjörinn á þing 1991 og hafði verið
umhverfisráðherra í ríkisstjórn Davíðs
Oddssonar árin 1993 til 1995.
Össur er skemmtilegur samstarfs­
maður, ævinlega hress og segir sögur.
Með honum kom ferskur andi inn á rit­
stjórnina sem fyrir var
skipuð hörkuliði
og fagnaði
framlagi hins
þjóðkunna
manns.
Össur fékk
rúmgóða
skrifstofu,
sat þar við
skriftir, hitti
fólk –
og tók í nefið. Eina starfsfólkið sem hugs­
anlega kann að hafa amast við honum var
hreingerningafólkið því kringum stólinn
var gjarnan dreif af tóbaki. Össur er
blaðamaður góður, þjálfaður úr ritstjóra­
stóli Þjóðviljans þar sem hann hefur
eflaust atast meira pólitískt en á ritstjóra­
stóli DV. Þá er þessi mæti þingmaður,
fyrrum ráðherra og ritstjóri áhugasamur
um fleiri skepnur en mannskepnuna enda
doktor í kynlífi laxfiska. Á samverutíma
okkar fylgdist hann grannt með rauð­
höfðaönd sem átti sér hreiður í barði við
sumarbústað okkar hjóna. Fréttastjórinn
gætti þess enda vel að uppfræða ritstjóra
sinn um gang varpsins.
Blaðamennska togar í þá sem hana
hafa reynt en pólitík jafnvel enn meira.
Því yfirgaf Össur ritstjórastólinn og ein­
beitti sér að þinginu, þar sem hann hefur
setið síðan. Áður en hann fór nefndi ég
þetta með sendiherraembætti konunnar,
kæmist hann í þá aðstöðu að geta vélað
um slíkt. Þetta var á hápunkti valda­
tíma Davíðs Oddssonar sem skipt hafði
út krataflokki Össurar fyrir mýkt og
brjóstastærð framsóknarmaddömunnar.
Því var það hlutskipti gamla ritstjórans
að sitja nær áratug í stjórnarandstöðu.
Það er ekki víst að honum hafi alltaf
leiðst það hlutskipti enda orðheppinn –
og svolítið stríðinn. Ríkisstjórn á hverjum
tíma liggur oft vel við höggi. En minn
gamli samstarfsmaður hafði á þessum
tíma enga möguleika á að hlutast til um
eftirsóttar stöður í útlöndum.
Metnaðargjarnir þingmenn vilja
komast að kjötkötlunum. Það á við Össur
eins og aðra enda gegndi hann flokksfor­
mennsku drjúgan tíma þessara stjórnar­
andstöðuára. Mál skipuðust honum og
flokki hans í hag árið 2007. Ég gerði
mér vonir um að hann fengi utanríkis­
málin í samstjórn Samfylkingarinnar og
Sjálfstæðisflokksins en svo varð ekki.
Iðnaðar ráðuneytið kom í hlut Össurar.
Það breytti því þó ekki að ég sendi
honum tölvupóst og minnti hann á sendi­
herrastöðu konunnar, um leið og ég ósk­
aði honum velfarnaðar við landstjórnina.
Þessi ríkisstjórn varð ekki langlíf. Hún
lenti í hruninu – en Össur stóð það af
sér og tók að sér nýtt ráðherraembætti í
ríkisstjórn Samfylkingarinnar og Vinstri
grænna sem tók við völdum snemma árs
2009. Þá kom enginn annar til greina
í embætti utanríkisráðherra en Össur,
enda maður vel heima í útlensku.
Þá loksins var minn gamli ritstjóri
kominn í aðstöðu til að hræra í sendi­
herrum. Ég kunni ekki við að ítreka þetta
með konuna og sendiherraembættið – og
aðstoðarhlutverk mannsins hennar –
þegar Össur tók við utanríkisráðherra­
embættinu enda voru bara tvö ár liðin frá
því að ég nefndi þetta í tölvupóstinum.
Þolinmóður hef ég beðið eftir skipuna­
bréfi hennar allt kjörtímabilið, hafði
fullan skilning á því að í mörg horn
væri að líta en batt vonir við að
Össur myndi drífa í þessu síðustu
dagana í embætti. Mörg dæmi
eru þess að sendiherrahringiða
fari í gang rétt áður en utanríkis­
ráðherra lætur af störfum. Því
kættist mín lund þegar ég sá
frétt í liðinni viku með fyrir­
sögninni: „Össur skipar sendi­
herra“. Nú var ég viss um að
komið væri að eiginkonu minni
og var þess albúinn að pakka
og fylgja henni á nýjar slóðir –
til þjónustu við þjóðina.
Því var það áfall þegar ég
las fréttina. Í stað nafns konu
minnar stóð að Össur hefði
skipað Pétur Ásgeirsson,
rekstrarstjóra utanríkisráðu­
neytisins, í stöðu sendiherra.
Örlítið lyftist á mér brúnin þegar
ég sá að Pétur ætti að taka við emb­
ætti ræðismanns á Grænlandi.
Með fullri virðingu fyrir því fallega
nágrannalandi okkar er frúin meira fyrir
suðlægari lönd.
Jónas
Haraldsson
jonas@
frettatiminn.is
HELGARPISTILL
Te
ik
ni
ng
/H
ar
i
Einstök
Ævintýraferð
Verð á mann í tveggja manna herbergi .
Kr. 464.329,-
Innifalið: Flug, hótel, allar
ferðir, skattar og íslenskur
fararstjóri
www.transatlantic.is
Við kynnumst stórkostlegri náttúru, dýralí og
hinum forna menningarheimi Maya indíána.
Skoðum m.a. hin þekkta píramída Tulum,
gamlar menningaborgir, syndum í sjónum við
næst stærsta kóralrif heims og upplifum
regnskóginn. Við tökum svo nokkra daga á
lúxus hóteli við Karabíska hað þar
sem allt er innifalið
– fyrst og fre
mst
ódýr!
2598kr./kg
Flotti grillarinn
2298kr./kg
StEiKargrillarinn
1698kr./pk.
Snöggi grillarinn
grillþrEnn
a
Krónunnargrillmatur
Fyrir 3 til 4
42 viðhorf Helgin 31. maí-2. júní 2012