Fréttatíminn - 31.05.2013, Qupperneq 74

2 veiði Helgin 31. maí-2. júní 2012
KYNNING
V orið er komið þó að heita megi að vetur ríki enn víða norðan heiða. Vonandi fer nú sumarið að láta sjá sig á landinu okkar
fagra.
Spennan fyrir laxveiðitímabilið er
óvenju mikil. Því veldur að síðasta sumar
var um margt erfitt þar sem lítið gekk
af laxi í árnar og það hefur haft gríðar-
leg áhrif á verðlag og markaðssetningu
veiðileyfa. Verð veiðileyfa hefur farið
stighækkandi í mörg undanfarin ár og
hefur hækkað langt umfram verðlag og
vísitölur. Svo þegar segja má að hrun hafi
orðið í veiðinni síðastliðið sumar þá gáf-
ust margir upp og snéru sér að annarri
afþreyingu í stað þess að eyða peningum
í að veiða lax og silung.
Mikið í húfi í sumar
Það ríkir því sérstaklega mikil spenna
á meðal áreigenda og veiðileyfasala um
það hvort laxinn mæti og hvort göng-
urnar verði góðar – mikið er í húfi því
þessi grein sér mörgum landeigendum
fyrir þeim tekjum sem gera þeim í raun
kleift að stunda sinn hefðbundna búskap
á jörðunum. Þá gæti góð veiði í sumar
snúið einhverjum af villu síns vegar aftur
í dýrðarheim veiðimannsins.
Nú munu laxveiðiárnar opna hver af
annarri og ég get vottað það sem forfall-
inn veiðimaður, að ekkert í veiðiskapnum
jafnast á við þá spennu sem fylgir því að
opna góða laxveiðiá!
Ég varð þeirrar gæfu aðnjótandi að
fá tækifæri til þess að opna Norðurá í
Borgarfirði um margra ára skeið og það
brást ekki að á hverju vori var maður
gagntekinn af tilhlökkun og spennu svo
lá við heilsuleysi að ekki sé talað um
svefnlausu næturnar. Það var eins og að
maður væri að ganga inn í nýtt himna-
ríki á hverju vori. Himnasæla og heilög
stund. Þó var það ekki bara veiðmanns-
hjartað sem réði för – ekki síður hitt að
komast út í náttúruna svona ferska og
fagra með ilmandi birki og fuglasöng.
Ég hef lagt það í vana minn í gegnum
tíðina að skrifa veiðidagbók og ætla að
rifja upp með ykkur opnun sem átti sér
stað snemma á „veiðimannsferlinum“
sem er mér sérlega minnisstæð.
Í góðum gír við Laxfoss
Vorið hafði verið kalt og gróður var seinn
til. Ég hef haldið því blákalt fram að lax-
inn komi ekki í ána sína fyrr en skógur-
inn er byrjaður að grænka og lítið var
um grænan gróður þegar við mættum
á staðinn tveim dögum áður en veiðin
skyldi hefjast. Við gátum þó ekki á okkur
setið og röltum upp að fossi að kíkja. Áin
var talsvert vatnsmikil og örlítið lituð svo
erfitt var að sjá og ekkert kvikt sást. Við
þessa uppgötvun róaðist mannskapur-
inn og snéri sér að fundahöldum með
bændum og öðru sem gera þurfti.
Kvöldið fyrir opnun röltum við tveir
félagar upp að fossi svona til að róa okkur
fyrir nætursvefninn. Áin hafði hreinsað
sig en var enn einungis 6 gráður svo
við vorum ekki bjartsýnir. En viti menn
þegar við vorum búnir að telja yfir 50
laxa á Brotinu og Eyrinni var ekki um að
villast – áin var orðin blá af laxi!
Lítið varð um svefn þessa nótt. Á
slaginu sjö vorum við mætt fullgölluð í
 LaxVeiðitímabiLið ekkert í Veiðiskapnum jafnast á Við þá spennu að opna góða LaxVeiðiá
Áin var orðin blá af laxi
Góð veiði í sumar getur snúið einhverjum aftur í dýrðarheim veiðimannsins.
góðum gír við Laxfoss. Áin var köld og vatns-
mikil svo við notuðum sökklínur og stórar
flugur og um hádegið voru komnir 16 laxar
á land – öllum að óvörum – því áin var ekki
árennileg.
Það sýnir bara best að maður veit aldrei
hverju má búast við þegar á er opnuð – stund-
um veiðist ekkert og stundum – já stundum
gerist það.
Eftir tvo og hálfan veiðidag voru komnir
hvorki meira né minna en 57 laxar á land sem
var talið met og það við þessi „erfiðu skilyrði“.
Já nú styttist í opnanir og ég óska þeim
lánsömu sem opna „ána sína“ velfarnaðar og
góðrar viðveru.
Munum svo að sleppa öllum stórlaxi. Við
þurfum að hjálpa honum – hann hjálpar jú
okkur að halda geðheilsunni á þessum síð-
ustu og verstu......
Með veiðmannskveðju.
Jón G. Baldvinsson – vinur villta laxins!
Munum svo að
sleppa öllum
stórlaxi.
Jón G. Baldvinsson með
fallegan nýveiddan lax.
 Veiðihornið formLegu upphafi Veiðisumarsins fagnað
Sumardagar haldnir hátíðlegir
V
ið fögnum upphafi veiðisumarsins
með þessum hætti,“ segir Ólafur
Vigfússon, annar eigandi Veiði-
hornsins. „Af þessu tilefni höfum
við boðið fulltrúum nokkurra stórra
bandarískra fluguveiðimerkja til landsins til þess
að fagna með okkur. Þeir sem koma og verða með
okkur um helgina eru Marc Bale, einn æðsti yfir-
maður Far Bank fyrirtækisins sem á Sage, Rio og
Redington veiðimerkin í Bandaríkjunum.
Sérstaka athygli viljum við vekja á komu tveggja
gríðarlega stórra nafna í veiðiheiminum. Þeir eru
Jerry Siem sem er yfirhönnuður hjá Sage en Jerry
hefur áratuga langa reynslu í flugustangahönnun
og þróun. Þá er Jerry Siem einn besti flugukastari
samtímans og er nánast goðsögn í bandarískum
fluguveiðiheimi. Hitt stóra nafnið er Simon Gawes-
worth en Simon er að okkar mati besti „spey“ kast-
ari í heiminum í dag. Simon er yfirhönnuður hjá
Rio flugulínuframleiðandanum í Idaho í Bandaríkj-
unum en það er framleiðandi sem framleiðir bæði
undir Rio merkinu en einnig fyrir önnur merki og
eru líklega flestar flugulínur á landinu framleiddar
af Rio.
Simon hefur gefið út kennsluefni um fluguköst
á bókum og DVD. Simon mun árita bækur sínar
í Veiðihorninu um helgina. Það er okkur mikill
heiður að hafa tekist að fá þessi stóru nöfn til
landsins og hvetjum við alla áhugamenn um flugu-
veiði til þess að heilsa upp á þá nú um helgina í
Veiðihorninu Síðumúla 8.
Af tilefni heimsóknar þeirra munum við bjóða
sérstakan kynningarafslátt á Sage flugustöngum,
Rio línum og Redington veiðivörum um helgina.“
Happdrætti og uppákomur alla helgina.
Margt fleira verður í boði á Sumarhátíð Veiði-
hornsins. Happdrætti verður í gangi alla helgina
og verða vinningar ekki af lakari endanum. Auk
veiðigræja og veiðileyfa verður stærsti vinningur-
inn Sage ONE flugustöng að verðmæti 119.900
króna.
Fjöldi annarra kynninga verður einnig í boði.
Steingrímur Einarsson frá Fossadal ehf ætlar að
kynna íslenska Einarsson fluguhjólið. Ingimundur
Bergsson kynnir veiðimöguleika Veiðikortsins,
Einar Guðnason segir frá námskeiðum Veiðiheims
í sumar. Úlfar Finnbjörnsson matreiðslumeistari
býður upp á heitreyktan silung og lax. Engilbert
Jensen ætlar að hnýta leynivopnin. Simon Gawes-
worth gefur einum viðstöddum Rio flugulínu á
heila tímanum alla helgina. Allir helstu veiðileyfa-
salar landsins kynna veiðileyfi sumarsins og fleira
og fleira.
„Þá fýrum við upp í grillinu af og til og bjóðum
kaffi og svalandi drykki. Umfram allt hvetjum við
veiðimenn til að fjölmenna og njóta helgarinnar við
upphaf veiðisumarsins.“
Þá er vert að geta þess að Veiði 2013 kemur út í
lok vikunnar og verður dreift til allra gesta helgar-
innar. Veiði 2013 er nýjasta blað Veiðihornsins,
smekkfullt af vönduðum búnaði á 72 blaðsíðum.
Stærst á landinu
Ólafur, ásamt Maríu Önnu Clausen, stofnaði
Veiðihornið árið 1998 og er verslunin því 15 ára í
ár. Veiðihornið er á tveim stöðum. Annars vegar
í Síðumúla 8 Reykjavík og hins vegar Strandgötu
49 Hafnarfirði. Veiðihornið er stærsta sérvöru-
verslun landsins í veiði og sinnir jafnt stangveiði-
sem skotveiðimönnum.
Veiðihornið er umboðsaðili fyrir mörg af
stærstu vörumerkjum veiðiheimsins í dag. Veiði-
hornið er opið alla daga vikunnar yfir sumar-
tímann og með 24 klukkustunda þjónustunúmer
svo hægt sé að bjarga veiðimönnum á neyðar-
stundu.
Eigendur og allir starfsmenn Veiðihornsins
eru með áratuga reynslu af hvers kyns veiði.
Nú um
helgina, 1. og
2. júní, heldur
Veiðihornið
árlega Sumar-
daga og
fagnar með
því form-
legu upphafi
veiðisumar-
sins 2013.
Mikið verður
um að vera í
Veiðihorninu
af þessu til-
efni og koma
meðal annars
til landsins
stór nöfn í
fluguveiði-
heiminum.
Sumardagar Veiðihornins verður haldnir hátíðlega í Síðumúla 8. Verslunin verður opin frá klukkan 10 til 16 á laugar-
dag og frá klukkan 12 til 16 á sunnudag.