Fréttatíminn - 26.07.2013, Síða 26

Saman í þarabaði
M
Margt hefur breyst í tæknimálum frá því
að pistilskrifarinn byrjaði að hamra á óraf-
knúna skólaritvél á ritstjórnarskrifstofu
Dagblaðsins fyrir löngu. Það var ekki
hraðasti ásláttur sögunnar, það verður að
viðurkennast, en mér fór smám saman
fram. Síminn var að sönnu til staðar á
borðshorninu og búið var að finna upp
segulbandið en það notaði ég ekki. Hrip-
aði heldur á blað það sem viðmælendur
sögðu. Aðrar upplýsingar þurfti að sækja
í bækur eða blöð – og það tók dágóða
stund. Allt gekk þetta þó upp og útkoman
var eftirsótt blað sem samstæður og
skemmtilegur hópur stóð að. Eitt blað á
dag kom út þrátt fyrir frumstæðar græjur.
Mér verður stundum hugsað til þessa
tíma. Borðsíminn er enn á sínum stað og
segulband fyrir þá sem það vilja, hvort
heldur er í tölvunni sjálfri, farsímanum
eða diktafóni en mestur munur er á
samskiptum öllum og auðveldari upp-
lýsingaöflun umfram það sem þá var, með
stórkostlegum möguleikum netsins – og
þægindunum sem fylgja tölvupóstinum.
Samskipti með tölvupósti eru afar þægi-
leg og gríðarlega mikið notuð hjá öllum
almenningi, hvort heldur er til einkabrúks
eða í atvinnuskyni.
En þar fylgir böggull skammrifi. Flestir
eru svo hrekklausir að þeir telja að þau
skilaboð sem þeir senda með tölvupósti
séu aðeins á milli tveggja einstaklinga og
efni póstsins verði ekki notað nema með
leyfi viðkomandi. Svo er þó alls ekki. Það
sýna dæmin. Hið nýjasta eru uppljóstr-
anir Edward Snowden en hann greindi frá
víðtækum persónunjósnum bandarískra
yfirvalda. Umtalsverður hluti mannkyns
er nettengdur og nýtir sér þjónustu stór-
fyrirtækja á borð við Microsoft, Apple,
Facebook og Google. Kannski hefði það
ekki átt að koma okkur á óvart en margir
hrukku í kút þegar Snowden sýndi fram á
hve greiðan aðgang bandaríska leyniþjón-
ustan hafði að netþjónum þessara fyrir-
tækja.
Nær okkur þekkjum við mörg dæmi
um tölvupósta sem einum voru ætlaðir en
rötuðu fyrir almenningssjónir. Umtalað
dæmi þar um voru samskipti Jónínu
Benediktsdóttur sem stolið var úr tölvu
hennar og tengdust frægu, eða alræmdu,
Baugsmáli á sínum tíma. Þeir póstar
birtust á síðum Fréttablaðsins. Nýlegt
dæmi höfum við um það að aðstoðar-
maður sjávarútvegsráðherra sendi í ógáti
tölvupóst á netfang yfirmanns þess er
fór fyrir í undirskriftasöfnun um óbreytt
veiðigjald. Frægari af endemum urðu þó
skilaboð sem Bjarni Harðarson bóksali,
þáverandi alþingismaður, hugðist senda
aðstoðarmanni sínum í tölvupósti síðla
hausts árið 2008. Þar var þingmaðurinn
svolítið að skrattast í varaformanni flokks
síns, Valgerði Sverrisdóttur, fyrrum
ráðherra. Bjarni þingmaður sendi
aðstoðarmanni sínum
bréf, fráleitt hliðhollt
flokksysturinni, bað
hann í fæstum orð-
um að búa til „ano-
nymous“ netfang
og senda á alla
fjölmiðla.
Bréf Bjarna til aðstoðarmannsins fór hins
vegar óvart á hópsendingarlista fjölmiðla.
Laumusendingin fór því út um víðan völl –
sem varð til þess að þingmaðurinn neydd-
ist til að segja af sér.
Samskipti flestra í tölvupósti eru þó
sárasaklaus. Fjölmiðlar hefðu því engan
áhuga á þeim þótt þau ræki fyrir slysni
á fjörur þeirra, svo ekki sé talað um
kílómetra langar skjalaraðir bandarísku
leyniþjónustunnar – eða leyniþjónustur
annarra ríkja, ef því er að skipta.
Samt er betra að gæta sín þegar ýtt er
á „send“ takkann. Að því komst ég fyrir
nokkru þótt fráleitt hafi í þeim tölvupósti
verið fjallað um hernaðarleyndarmál
eða þjóðaröryggi. Mín ágæta eiginkona
sá fyrir nokkrum misserum fjallað um
þaraböð sem í boði voru á Reykhólum
vestra þar sem hugvitsamar konur blönd-
uðu saman gæðavottuðu þarahráefni frá
Þörungaverksmiðjunni og hveravatninu
á Reykhólum. Þar kom fram að þarabað
í heitum potti væri nánast allra meina
bót, einkar hollt fyrir húðina og stuðlaði
almennt að vellíðan gesta meðan þeir
slökuðu á og virtu fyrir sér rómaða nátt-
úru á Reykhólum.
Um þetta ræddum við hjónakornin svo
sem ekkert frekar en fyrir kemur að við
eigum erindi vestur á firði. Skömmu fyrir
ferð þangað var ég að vafra á vestfirskum
netmiðlum og rak þá augun í kynningu
á fyrrnefndu þarabaði. Þá datt mér í hug,
sem eiginmanni í senn hugulsömum og
ástríkum, að bjóða eiginkonu minni í
langþráð þarabaðið. Því skrifaði ég henni
heldur elskulegan tölvupóst milli verk-
efna í vinnunni. Að vanda hafði ég upp-
hafsstaf nafns hennar á undan erindinu,
án sérstaks formála. Bréfinu lauk ég
ástúðlega – og sendi frúnni – eða taldi
mig gera það. Nútíma tölvupóstkerfi flýta
nefnilega fyrir manni og um leið og fyrsti
stafur nafns er sleginn inn koma önnur
upp, til dæmis þau sem nærri standa í
stafrófinu. Um leið og tölvubréfið um
þarabaðið hvarf af skjánum sá ég að það
hafði alls ekki farið til konunnar minnar
elskulegrar heldur samstarfsmanns míns
af karlkyni, með sama upphafsstaf í nafni
sínu og eiginkonan.
Ég segi ekki að hann hafi skipt litum
þegar hann fékk kveðjuna en augnatillitið
sem hann sendi mér var óneitanlega sér-
stakt. Sá góði maður fékk sem sagt svo-
hljóðandi tölvupóst, en tekið skal fram að
hann situr skáhalt á móti mér í vinnunni:
(Upphafsstafur móttakanda)
„Nú látum við verða af því, elskan, og
skellum við okkur saman í þarabaðið
á Reykhólum, látum fara vel um okkur
hönd í hönd í heitum pottinum og njótum
saman dásemda Breiðafjarðar. Kannski
fáum við okkur drykk til að fullkomna
stundina. Ef við, í flýtinum fyrir vesturför-
ina, gleymum að taka með okkur sundföt
skiptir það engu því þau er hægt að
leigja á staðnum.
Eftir á getum við keypt
okkur þarabaðsölt og
fleira fínt.
Hvernig líst þér á,
krúttið mitt?“
Jónas
Haraldsson
jonas@
frettatiminn.is
HELGARPISTILL
Te
ik
ni
ng
/H
ar
i
Einstök
Ævintýraferð
Verð á mann í tveggja manna herbergi .
Kr. 464.329,-
Innifalið: Flug, hótel, allar
ferðir, skattar og íslenskur
fararstjóri
www.transatlantic.is
Við kynnumst stórkostlegri náttúru, dýralí og
hinum forna menningarheimi Maya indíána.
Skoðum m.a. hin þekkta píramída Tulum,
gamlar menningaborgir, syndum í sjónum við
næst stærsta kóralrif heims og upplifum
regnskóginn. Við tökum svo nokkra daga á
lúxus hóteli við Karabíska hað þar
sem allt er innifalið
Þú getur nálgast Fréttatímann frítt á
þjónustustöðvum N1 um land allt
HELGARBLAÐ
Ertu búinn að fá þér
Veiðikortið!
www.veidikortid.is
Veiðitímabilið er byrjað. Kr. 6.900.-
00000
26 viðhorf Helgin 26.-28. júlí 2013