Fréttatíminn - 26.07.2013, Qupperneq 54

 Borð fyrir fimm Vínþjónn og nörd þiggur heimBoð í nýjum þáttum
Vín er bóklegt fyrirbæri
Vínþjóninn Alba E.H. Hough verður í
dómnefnd raunveruleikasjónvarpsþátt-
anna Borð fyrir fimm ásamt þeim Svavari
Erni tískuvita og Sigga Hall ofurkokki.
Þættirnir hefja göngu sína á Skjá einum í
haust en í þeim verða átta pör valin til þess
að halda þriggja rétta matarboð heima hjá
sér, þangað sem Alba og félagar mæta og
gera úttekt á herlegheitunum.
„Ég hef alltaf gaman af því að vera
boðið í mat og kann vel að meta mat, vín,
góð samtöl og skemmtilegt fólk,“ segir
Alba full tilhlökkunar. „Ég held að þetta
verði bara mjög gott partí og fallegt af
þessu fólki að vilja bjóða okkur heim. Ég
held við munum verða mjög skrautleg.
„Ég er líka búin að þekkja Sigga í mörg ár
og kann mjög vel við hann Svavar og held
að við verðum geðveikt fyndin saman.“
Alba hefur hampað titlinum vínþjónn
ársins og starfar nú á Slippbarnum. Þá
stundar hún nám í enskum bókmenntum
við HÍ og er heltekin af vísindaskáld-
skap og gotneskum hryllingi. „Maður er
náttúrlega bara nörd sem er ágætt vegna
þess að nördar stjórna heiminum.“
Þegar Alba er ekki í vinnunni eða skól-
anum segist hún annaðhvort vera í sof-
andi eða í myndasöguversluninni Nexus,
varnarþingi íslenskra nörda.
„Bókmenntir eru bara stór hluti af lífi
mínu og vínið kemur líka inn á nördis-
mann. Það er ofboðslega mikill lestur í
kringum þetta og vín er bóklegt fyrir-
bæri þótt smakkið sé að sjálfsögðu stór
partur af þessu. En ef þú ert ekki með
staðreyndirnar þínar á hreinu er nú
erfitt að vinna í þessu. Þetta eru ákveðin
fræði.“
Skráning er hafin á bordfyrirfimm.
is fyrir pör sem vilja sýna hvað í þeim
býr þegar kemur að veisluhöldum og fá
um leið þetta skrautlega tríó, sem Alba,
Svavar Örn og Siggi Hall óneitanlega
eru, í heimsókn. -þþ
Vínþjóninn
Alba E.H.
Hough er
nörd af lífi
og sál og
þegar hún
er ekki að
skenkja
veigum eða
læra liggur
hún í góðum
bókum eða
tölvuleikj-
um. „Þetta
er það sem
gleður mig.“
Mynd/Hari
 Snæfríður ingadóttir Skoðar íSlenSku konuna
Gengur með börn og
bækur á sama tíma
Fréttakonan Snæfríður Ingadóttir og ljósmyndarinn Þorvaldur Örn Kristmundsson eiga að baki
farsælt samstarf í bókagerð þar sem Þorvaldur leggur til myndefnið og Snæfríður textann.
Fimmta samstarfsverkefni þeirra, ljósmyndabók um íslensku konuna, er komin í búðir. Þar
skoða þau íslensku konuna frá öllum sjónarhornum í máli og myndum en Snæfríður segir ís-
lenskar konur sérstakar að mörgu leyti.
t he Icelandic woman - powerful, unique, independent er fimmta bókin sem ljósmyndarinn
Þorvaldur Örn Kristmundsson og fjöl-
miðlakonan Snæfríður Ingadóttir gera
í sameiningu. Bókin fjallar um íslensku
konuna í máli og myndum. Bókin er
fyrst og fremst hugsuð fyrir erlenda
ferðamenn þótt allir ættu að geta haft
bæði gagn og gaman af henni.
„Þarna er bara allt um íslensku
konuna,“ segir Snæfríður. „Skemmti-
legar staðreyndir og alls konar fróð-
leikur. Þetta er fimmta bókin sem við
Þorvaldur vinnum saman þannig að
við erum nú orðin nokkuð sjóuð í sam-
starfi. En bókin er búin að vera nokkuð
lengi í fæðingu,“ segir Snæfríður sem
einmitt eignaðist sína þriðju dóttur
fyrir sjö vikum og bendir hlæjandi á að
bókagerð hennar hefur verið í takti við
barneignir hennar.
„Þetta hangir svolítið þannig saman
að þegar ég verð ófrísk verð ég ein-
hvern veginn ófrísk af bókum í leið-
inni,“ segir hún og hlær. „En nú þykist
ég ekki ætla að eignast fleiri börn
þannig að það er spurning hvað gerist
með bækurnar og hvort þessu sam-
starfi okkar Þorvaldar sé bara lokið.“
Snæfríður segir íslenskar konur
mjög áhugavert viðfangsefni enda séu
þær sérstakar að mörgu leyti. „Við
vinnum til dæmis meira en aðrar kon-
ur í Evrópu en við eignumst samt sem
áður fleiri börn og erum mjög langlífar.
Ég er kannski bara svona þessi týpíska
íslenska kona sem vinnur of mikið og
hrúgar niður börnum.“
Snæfríður og Þorvaldur gera bækur
sínar ekki síst með erlenda lesendur í
huga. „Enn á ný erum við kannski að
gera bók fyrir erlenda ferðamenn sem
fjallar ekki um náttúruperlur landsins.
Það er víst nóg af slíkum bókum. Mér
finnst jafnvel frekar vanta fleiri bækur
um þjóðina sjálfa.“ Og í The Icelandic
woman gefa þau helmingi þjóðarinnar
alla athyglina. „Myndirnar eru alls kon-
ar og eins og í öðrum bókum okkar eru
sumar teknar sérstaklega fyrir bókina
en Þorvaldur hefur náttúrlega starfað
svo lengi sem ljósmyndari þannig að
hann átti mikið af myndum af konum
fyrir.“
Snæfríður og Þorvaldur leita fanga
víða og margar konur koma við sögu
í bókinni. „Þetta er alls konar. Tölur
frá Hagstofunni, listi yfir algengustu
konunöfnin, upptalning á hlutum sem
íslenskar konur hafa hannað og svo er
fjallað um hræðilegustu konu Íslands,
Grýlu.“
Snæfríður segir að þótt efnisatriði
bókarinnar séu ef til vill valin sérstak-
lega með það í huga að höfða til útlend-
inga þá „ættu allir og ekki síst venjuleg-
ar íslenskar konur örugglega að rekast
á eitthvað sem þær vissu ekki.“
Snæfríður er að velta fyrir sér að láta
ekki hinn helming þjóðarinnar liggja
óbættan hjá garði. „Svo er náttúrlega
spurning hvort maður setji ekki saman
í kjölfarið bók um hinn helming þjóðar-
innar. Það gæti vel orðið.“
Þórarinn Þórarinsson
toti@frettatiminn.is
The Icelandic
woman
The Icelandic woman er bók
fyrir erlenda ferðamenn
sem er full af fróðleik og
upplýsingum um íslensku
konuna jafnt í máli sem
myndum. Tæpt er á sögu-
legum atriðum, athygli
vakin á konum sem allir
verða að kannast við, fjallað
um staði á Íslandi sem eru
eingöngu fyrir konur, íslensk
fegrunarráð tíunduð, farið
yfir kjör og stöðu íslenskra
kvenna og svo framvegis.
Efnisatriði bókarinnar eru
valin með það í huga að úr
verði áhugaverð lesning
fyrir erlenda ferðamenn
sem veitir þeim innsýn í hver
hin íslenska kona er í raun
og veru.
icelandic
woman
Snæfríður IngadóttirÞorvaldur Örn Kristmundsson
U
S
t powerful, unique, independent s
o
Snæfríður Ingadóttir ásamt dætrum sínum þremur Ragnheiði Ingu, Margréti Sóleyju og þeirri yngstu, Bryndísi.
„Hljómsveitin spilar rafpopptónlist og hefur
undanfarna þrjá mánuði unnið að sex laga
smáskífu þar sem sungið er bæði á íslensku
og ensku,“ segir Árni Guðjónsson sem er í for-
svari fyrir splunkunýja hljómsveit sem kallar
sig Blóðberg. Árni Guðjónsson er fyrrum
hljómborðsleikari í sveitinni Of
Monsters and Men og hætti hann
í sveitinni í nóvember síðast-
liðnum til þess að einbeita sér að
námi og öðrum hlutum. Meðlimir
hljómsveitarinnar eru Valborg
Ólafsdóttir (söngur), Árni Guðjóns-
son (hljómborð, synthar), Helgi
Kristjánsson (slagverk, rafgítar og
synthar), Hjörvar Hans Bragason
(synthabassi, rafbassi) og Orri
Guðmundsson (raftrommur).
Hljómsveitin sendir nú frá sér sitt
fyrsta smáskífulag sem nefnist
„Óskir“ en á upptöku lagsins
leikur Hrafnkell Gauti Sigurðsson
á rafgítar en hann er þekktastur
fyrir leik sinn í hljómsveitum á
borð við Ojbarasta og Berndsen. Hinir með-
limir hljómsveitarinnar hafa komið víða við
og leikið með hljómsveitum á borð við Lovely
Lion, Ásgeir Trausta, Ylju, Orphic Oxtra,
Fjallabræður, Vicky og Of Monsters and Men.
einungis unnið
úr safa ungra
grænna
kókoshneta
himneskt.is
Ný rafpopptónlist á íslensku
Hljómsveitin Blóðberg.
Árni Guðjónsson.
54 dægurmál Helgin 26.-28. júlí 2013