Fréttatíminn - 23.08.2013, Blaðsíða 19

Næstu brottfarir
frá Seyðisfirði
22. ágúst: UPPSELT
28. ágúst: nokkur pláss laus
September og október: laust
Norræna siglir vikulega frá Seyðisfirði
til og með 23. október
Danmörk
með bílinn. . . . . frá kr. 55.200 netverð
Færeyjar
með bílinn. . . . . frá kr. 27.990 netverð
Innifalið í verði: 1 fullorðinn ásamt fólksbíl, gist um borð
í fjögurra manna kynjaskiptum klefa án glugga. Með
Norrænu fram og til baka frá Íslandi.
Pakkatilboð til Færeyja með
bílinn og hóteli í 4 nætur
18. september
Gistihúsið Gjógv. . . kr. 59.900 á mann
25. september
Hótel Færeyjar. . . . . kr. 69.900 á mann
Miðað við 2 fullorðna. Ferð með Norrænu fram og til baka
með bílinn (hefðbundinn fólksbíl), gist um borð í tveggja
manna klefa án glugga. Gisting í 4 nætur á Gjógv eða
Hótel Færeyjum með morgunmat.
Bókaðu núna á www.smyrilline.is
570-8600 / 472-1111
Stangarhyl 1 · 110 Reykjavík
Sími: 570-8600 · info@smyril-line.is
Fjarðargötu 8 · 710 Seyðisfjörður
Sími: 472-1111 · austfar@smyril-line.is
Norræna
Þakkar frá bærar
viðtökur í sumar
við þurftum rigningu kom
rigning og þegar við þurftum
storm fengum við storm.“ Í lok
tökutímabilsins, síðasta haust,
var ætlunin að taka upp í Skaga-
firði og sundríða í firðinum.
„Þá skall á þetta fræga óveður á
Norðurlandi og við áttum fjóra
mikilvæga daga eftir. Þá kom
akkúrat gott veður í þrjá daga
og við nýttum þá vel og klár-
uðum tökur á hádegi síðasta
daginn og eftir það var vont
veður það sem eftir lifði ársins,“
segir Benedikt.
Algjört skilyrði var að leik-
arar myndarinnar væru vel
reiðfærir og réði það öllu við
val þeirra. „Það vill svo til að
reiðfærir íslenskir leikarar
eru einnig góðir leikarar. Það
er auðvitað hesturinn sem
jarðbindur þá og ég held að ég
geti sagt um þennan hóp að
þetta séu vinir mínir. Æsku-
vinur minn, hann Hilmir Snær,
er reyndar ekki í myndinni og
hann er samt einn af þeim reið-
færustu á Íslandi. Mér finnst
eins og ég þurfi að afsaka það
en ástæðan er auðvitað sú að
hann var upptekinn á þessum
tíma og ég var bara ekki nógu
fljótur að negla hann.“
Að sögn Benedikts hafði
Baltasar Kormákur meira að
segja samþykkt leika í mynd-
inni á tímabili en svo var hann
upptekinn við annað eins og
þeir reyndar vissu báðir að yrði
líklegt en Benedikt fékk að
flagga nafninu hans á Cannes
og var það honum mikill stuðn-
ingur.
„Það er ekki átakalaust að
koma kvikmynd á koppinn og
sérstaklega fyrstu mynd leik-
stjóra. Það eru allir hræddir
í þessum bransa sem öðrum.
Það þarf því hugrakkan fram-
leiðanda sem eitthvað undir
sér og hann fann ég í Friðriki
Þór. Þetta hefur verið ákaflega
lærdómsrík vegferð og Friðrik
hefur verið mér svona eins og
prófessor Dumbledore, svo ég
vísi nú í heimsbókmenntirnar.“
Benedikt segir myndina ekki
verið mögulega nema vegna
fjárfestanna. ,,Fólk lagði fé sitt
í myndina og hafði trú á henni
og er því ljósmæður hennar.”
Leikararnir lögðu sig margir
hverjir í hættu við tökur á
myndinni og reyndi mjög á
reiðkunnáttu þeirra. Charlotte
var einu sinni kastað af baki og
segist hún einfaldlega hafa von-
ast til þess á hverjum degi og
komast á lífi heim til barnanna
sinna. „Myndin gerist árið 1985
þegar ekki var riðið út með
hjálma,“ segir hún. Benedikt
bætir við að fleiri hafi verið í
lífshættu og að Steinn Ármann
hafi riðið á hesti þrjú hundruð
metra út í sjó. „Alltaf þegar við
tókum upp atriði með hestun-
um vorum við með dýralækni
á staðnum því við vildum ekki
meiða dýrin en engum datt í
hug að vera með lækni fyrir
leikarana,“ segir Benedikt.
Líkt því að fá áheyrn Noregs-
konungs
Nýlega var tilkynnt að Hross í oss
hefði verið valin til sýninga á al-
þjóðlegu kvikmyndahátíðinni í
San Sebastian í lok september og
keppir myndin í flokki verka nýrra
leikstjóra um Kutxa-New Directors
verðlaunin að upphæð 50.000 evrur
eða tæplega átta milljónir íslenskra
króna. Aðstandendum myndar-
innar var einnig boðin þátttaka á
alþjóðlegu kvikmyndahátíðinni í
Feneyjum en þurftu að taka þá erf-
iðu ákvörðun að hafna boðinu því
báðar hátíðirnar gera þá kröfu að
kvikmyndir séu heimsfrumsýndar
hjá þeim. Benedikt tekur áhug-
anum að utan með rósemi og segir
Íslendinga eiga það sameiginlegt
með öðrum þjóðum að mikilvægt
sé að upphefðin komi að utan. „Það
er gömul saga á Íslandi frá land-
námi til okkar daga. Við þurfum
að skreyta okkur með upphefð að
utan. Í þessu samhengi má segja að
ég hafi fengið áheyrn hjá Noregs-
konungi en hvort ég verði gerður að
hirðmanni verður tíminn að leiða í
ljós.“ Benedikt telur að Íslendingar
ættu að hugsa meira um að segja
hver öðrum sögur. „Það er menn-
ingin, að mennska hvort annað með
því að segja sögur.“
Að mati Charlotte er kvikmyndin
Hross í oss bæði „lókal og glóbal“ í
senn og með skírskotun til mann-
eskjunnar og gæti því höfðað til
áhorfenda víða um heim. Þó mynd-
inni hafi verið boðið á kvikmyndahá-
tíðir erlendis eru þau hjónin spennt-
ust að sjá viðtökur Íslendinga. „Ég
er populisti og vil vera vinsæll og að
fólk sjái verkin mín og hafi gaman
að þeim. Ef mér tekst það ekki hefur
mér mistekist. Það er alveg sama
hvaða dóma verkin fá frá hinum út-
völdu. Ég er hluti af þessum ættbálk
og á sæti hérna við þetta bál. Hross
í oss er fyrst og fremst gerð fyrir
fólkið mitt, þennan ættbálk sem við
köllum Íslendinga. Heimurinn er
auðvitað velkominn og má gjarnan
fá sér sæti.“
Dagný Hulda Erlendsdóttir
dagnyhulda@frettatiminn.is
Leikararnir og leikstjórarnir Benedikt og
Charlotte búa í Vesturbæ Reykjavíkur og eiga
þrjár dætur, Önnu Róshildi fjórtán ára og
tvíburana Brynju Maju og Freyju Mariönnu,
fimm ára. Þau eiga hesta þótt minna hafi
farið fyrir hestamennskunni eftir að tvíbur-
arnir komu í heiminn. Í gegnum tíðina hafa
þau bæði búið í Danmörku og á Íslandi en
hafa nú átt langt tímabil á Íslandi og segir
Benedikt mikilvægt að festa rætur og ákveða
hvar skuli búa og að Charlotte hafi verið
ótrúlega dugleg og fest margar djúpar rætur
á Íslandi og sé orðin stór á sínu sviði.
viðtal 19 Helgin 23.-25. ágúst 2013