Fréttatíminn - 23.08.2013, Síða 22

synt i
eldborg
i horpu
Sýningardagar:
Frumsýning: 19. 10. 2013
2. sýning: 25. 10. 2013
3. sýning: 2. 11. 2013
4. sýning: 10. 11. 2013
5. sýning: 16. 11. 2013
6. sýning: 23. 11. 2013
www.opera.iS
eftir
georgeS bizet
Hanna dóra Sturludóttir · Sesselja Kristjánsdóttir
Kolbeinn Jón Ketilsson · garðar Thór Cortes
Hrólfur Sæmundsson · Kristján Jóhannesson
Hallveig rúnarsdóttir · Þóra einarsdóttir
Bjarni Thor Kristinsson · Viðar gunnarsson
Lilja guðmundsdóttir · Valgerður guðnadóttir
Snorri wium · Ágúst Ólafsson · Jóhann Kristinsson
Kór og hljómsveit Íslensku óperunnar
Hljómsveitarstjóri: guðmundur Óli gunnarsson · Leikstjóri: Jamie Hayes
Leikmynd: will Bowen · Lýsing: Björn Bergsteinn guðmundsson
Búningar: Helga i. Stefánsdóttir
19.
okt.
2013
FRUMSYNING
Haraldur
Jónasson
hari@
frettatiminn.is
Karlmennskan
er ekkert grín
Mjúki maðurinn er dauður og nú skal karl-
mennskan ein ríkja. Þá er hvorki verið að tala
um karlrembur, riddaramennsku eða getuna
til þess að horfa á Armageddon án þess
að gráta. Heldur getuna til þess að opna
krukkur án þess að hleypa lofti undir lokið.
Við erum að tala um líkamlegan styrk.
Karlmennsku!
H ingað til hefur það tíðkast að spyrja menn hvað þeir taka í bekk til að flokka sauðina frá höfrunum en það er ekki alltaf besta leiðin.
Því sú æfing styrkir aðallega brjóstkassann og það
þarf að vera ansi harður til að opna Ora-rauðkál með
kassanum. Nei, við erum að tala um þrjár æfingar sem allar
snúa að því að lyfta eigin líkamsþyngd; upphífingar, dýfur og
armbeygjur eru þær æfingar sem þarf að ná tökum á til að geta
talist karlmaður. Hnébeygjur með þung lóð á öxlunum sitja svo
í fjórða sætinu. En það er önnur saga.
Armbeygjur
Armbeygjur og -réttur eru
náttúrlega elsta og besta æfingin
sem hægt er að gera. Það eru líka
til ótal afbrigði. Það er hægt að
hafa vítt grip, þröngt grip, olnbog-
arnir geta verið samsíða eða vísað
aðeins út. Klapparmbeygjur eru
góðar og Spidermann á meira að
segja sína eigin beygju. Sem sagt
ótal útgáfur. Það þykir þó ekki
karlmannlegt að gera armbeygjur
á hnjánum. Svo það sé á hreinu.
Til þess að vera flokkaður með
mestu karlmennum þarf að geta
tekið góðar 30 armbeygjur í beit.
Þegar þær svo fara yfir 40 er komið
yfir í ofurflokk með þyngdum
dýfum.
Svona er best að gera hefð-
bundna karlmennskubeygju: Byrja
í plankastöðu með líkamann alveg
beinan frá öxlum niður í ökkla.
Hendurnar eru aðeins víðari en
axlir og hálsinn hlutlaus. Maga-
vöðvarnir eru virkir og tærnar
þétt við gólfið. Beygja hendurnar
þangað til þær mynda 45 gráður
um olnbogann. Sprengja svo líkam-
anum frá gólfinu upp í plankastöð-
una. Anda inn á leiðinni niður og
út á leiðinni upp. Endurtaka svo
40 sinnum og krukkurnar fara að
opna sig sjálfar af hræðslu.
Dýfur
Til að teljast karl-
mannlegur þarf að
taka að lágmarki 10
góðar dýfur. Þær
þjálfa þríhöfðann
sem er mjög mikil-
vægur þegar þarf
að opna krukkur
með mjög föstu loki.
Svona á að fara að:
Hífa sig upp þannig
að líkaminn sé beinn upp frá gólfinu. Bannað að
halla fram því þá er verið að æfa brjóstvöðvann
meira en þríhöfðann. Dýfa svo niður hægt og rólega
þangað til axlirnar síga aðeins niður fyrir olnbog-
ana. Hífa svo upp aftur og þá er komin ein dýfa. Gott
að krossa ökklunum fyrir gott jafnvægi. Þegar karl-
mennskulágmarkinu er náð er um að gera að reyna
við ofurkarlmennskuna og hengja lóð í þar til gert
belti og dýfa. Aðrir í salnum munu líta í gaupnir sér
og ganga jafnvel fljótlega til búningsherbergja.
Upphífingar
Þessi æfing er sú allra karlmannleg-
asta. Hún skapar líka gott grip sem
er nauðsynlegt þegar opna á krukk-
ur. Til að byrja með munu margir
ströggla við að gera eina almenni-
lega upphífingu en með æfingu og
réttu tökunum kemur þetta. Aftur er
lágmarkið 10 endurtekningar. Til að
upphífingin sé sem karlmannlegust
þurfa lófarnir að snúa frá líkamanum
á stönginni. Snúi þeir að er um upp-
tog að ræða.
Það mikilvægasta er að nota
bakvöðvana sem heita á latnesku
latissimus dorsi. Á karlmennsku heita
hins vegar latsar og það þarf að virkja
þá í upphífingunum.
Svona á að fara að: Hanga úr stöng
með sæmilega vítt grip. Ekki læsa
olnbogunum alveg en svona eins ná-
lægt því og hægt er. Hífa líkamann svo
upp með fyrrnefndum bakvöðvum.
Kannski með smá hjálp frá tvíhöfða-
num. Sem þekkjast betur undir karl-
mennskuheitinu: byssur.
Hakan á að ná upp fyrir stöngina.
Um leið og það þarf að rykkja líkaman-
um til þess er kominn tími til að hætta
og reyna aftur á morgun.
22 líkamsrækt Helgin 23.-25. ágúst 2013