Fréttatíminn - 06.12.2013, Blaðsíða 106

Kletthálsi Reykjavík
Reykjanesbæ
Akureyri
Vestmannaeyjum Sími 412 2500 - sala@murbudin.is - www.murbudin.is
Fyrir baðherbergið
Burstað stál og króm
3.190,-
3.790,-
1.290,-
3.190,-
1.590,-
1.490,-
2.690,-
Gæðavara
!
Gott úrval
!
1.990,-
2.490,-
1.590,-
2.990,-
5 lítrar
Olga Einarsdóttir bjó um árabil í Bretlandi þar sem maður hennar, Brynjar Björn Gunn-
arsson, var atvinnumaður í knattspyrnu. Olga rak fyrirtæki þar sem hún aðstoðaði meðal
annars eiginkonur frægra fótboltamanna við að kaupa föt á sig. Nú kennir hún íslenskum
konum að klæða sig smekklega og leggur mikla áherslu á að nýta það sem þegar er í
fataskáp þeirra – í stað þess að rjúka beint út í búð.
Olga Einarsdóttir
lærði margt á því
að umgangast
breskar WAGS,
eiginkonur
fótboltamanna.
Eftir að hún flutti
heim hefur hún
þróast mikið í
starfi sem stílisti,
enda veruleikinn
allt annar.
É g er yngst átta systkina og þurfti iðulega að breyta og laga fötin sem ég fékk frá þeim eldri. Ég hef því alltaf verið góð að bjarga
mér. Það kemur konunum sem leita til mín einmitt
mest á óvart, hvað hægt er að bjarga sér með það
sem til er,“ segir Olga Einarsdóttir stílisti.
Olga er ekki hefðbundinn stílisti. Sérsvið hennar
er að fara heim til fólks, aðallega kvenna, og fara í
gegnum fataskáp þess. „Ég reyni að vinna með þig
og skápinn þinn. Ég er flink að sjá hverju er hægt
að breyta og hvað er hægt að laga. Þegar ég fer frá
konum kemur það þeim yfirleitt á óvart hvað þær
eiga mikið af fötum. En ef eitthvað vantar upp á
býð ég líka upp á að aðstoða þær við að versla. Þá
tökum við jafnvel með okkur kjóla og pils í bæinn
til að para við og reynum að vera flinkar með pen-
inginn,“ segir Olga.
Hún er menntuð í útlitsráðgjöf frá Image House
og British College of Professional Styling í Bret-
landi. Þar bjó hún um árabil þegar eiginmaður
hennar, Brynjar Björn Gunnarsson, var atvinnu-
maður í knattspyrnu hjá Reading, Stoke og fleiri
liðum. Olga rak eigið fyrirtæki í sjö ár í Bretlandi,
Personal Image Design, þar sem hún bauð upp á
persónulega ráðgjöf, uppsetningu tískusýninga og
tískukynningu fyrir hin ýmsu fyrirtæki.
Þar kynntist hún af eigin raun WAG-menn-
ingunni alræmdu; eiginkonum fótboltamanna og
menningu þeirra. „Ég sagði aldrei frá því hverjum
ég væri gift þegar ég var að vinna, ég vildi alls
ekki tengjast þessu. En það var ótrúlega gott að
hafa stigið inn í þennan heim og nú þekki ég öll
fínu merkin ef þannig kúnnar setja sig í samband,“
segir hún.
Hér heima er veruleikinn annar. „Hérna er þetta
meiri áskorun. Ég held að ég hafi þróast mikið
í starfi síðan ég flutti heim fyrir tveimur árum.
Maður þarf að vinna virkilega með það sem maður
hefur og kúnnahópurinn er líka mjög fjölbreyttur.
Þetta eru allskonar konur, allt frá 15 ára og upp
í sjötugt og ungar stúlkur með lítið sjálfstraust
svo dæmi sé tekið,“ segir Olga sem býður bæði
þjónustu sína fyrir einstaklinga og hópa. Hún
býður til að mynda upp á gjafakort sem kostar 15
þúsund krónur en fyrir það fæst tveggja tíma nám-
skeið þar sem farið er yfir fataskáp viðkomandi.
„Þetta er örnámskeið um þig og skápinn þinn og
við reynum að finna þinn stíl,“ segir Olga en nánari
upplýsingar má finna á heimasíðu hennar, Olga.
is. Ráðalausir karlmenn gætu sjálfsagt gert margt
vitlausara en að lauma slíku námskeiði í jólapakka
frúarinnar.
Hefur þér verið vel tekið?
„Já, mjög vel. Suma kúnna er ég að hitta í fjórða
og fimmta skiptið. Það virðist vera þörf á þessari
þjónustu enda vinna allar íslenskar konur mikið og
það gefst ekki alltaf tími til að hugsa um sjálfa sig.
Ég held að það hafi meira að segja að hafa fata-
skápinn í lagi en fólk vill oft láta uppi.“
Höskuldur Daði Magnússon
hdm@frettatiminn.is
Kennir konum að nýta
það sem er í fataskápnum
 Tíska Olga EinarsdóTTir sTílisTi hjálpar íslEnskum kOnum
 TónlisT hallur ingólfssOn hEldur úTgáfuTónlEika
Öræfi Halls flutt á leiksviði
„Þetta hefur gengið eins og við var að búast og mér
hefur verið tekið vel. Það er náttúrlega á brattann að
sækja með svona tónlist sem er ekki sungin, þetta
tekur sinn tíma,“ segir Hallur Ingólfsson tónlistar-
maður.
Hallur gaf út sólóplötuna Öræfi í haust og hefur
hún mælst afar vel fyrir hjá tónlistargrúskurum og
-sérfræðingum. Platan hefur þó ekki vakið mikla
athygli. „Maður er svolítið að sigla upp í vindinn þó
þetta sé ekki flókin tónlist eða aggressíf. En þetta er
það sem maður fílar, mín er ánægjan,“ segir Hallur.
Útgáfu plötunnar verður fagnað með veglegum
tónleikum á miðvikudagskvöldið næsta. Athygli
vekur að útgáfutónleikarnir fara fram á Nýja sviði
Borgarleikhússins. „Mig hefur lengi langað til að
halda tónleika þarna. Þetta er flottur salur og mér
finnst hljómurinn frábær. Fyrir utan að það er gott
að sitja þarna og auðvelt að njóta þess sem ber fyrir
augu og eyru.“
Borgarleikhúsið er viðeigandi staður fyrir tón-
leikana því sum laganna á plötunni eiga upptök
sín að rekja til þeirrar tónlistar sem Hallur hefur
samið fyrir leikhús og kvikmyndir undanfarin ár.
Á tónleikunum leikur Hallur á gítar og kemur fram
með hljómsveit, „miklum öðlingum“, þeim Halldóri
Lárussyni trommuleikara, Herði Inga Stefánssyni
bassaleikara og Jóhanni Ingvasyni píanóleikara.
Tónleikarnir hefjast klukkan 20.30 á miðviku-
dagskvöld á Nýja sviði Borgarleikhússins. Miðaverð
er 2.500 krónur og miðasala fer fram á Miði.is. -hdm
Hallur Ingólfsson
heldur útgáfu-
tónleika með
hljómsveit í
Borgarleikhúsinu
á miðvikudag.
Mikið um að vera í Víkinni
Mikið líf verður í Víkinni úti á Granda um
helgina. Kristján Jónsson myndlistarmaður
opnar þar málverkasýningu, sína þrettándu
einkasýningu og sýnir 15 verk, bæði stór og
smá. Kristján ríður á vaðið með sýningarhald í
þessum rúmgóða sal sem tengist veitingastofu
Víkurinnar. Sýning Kristjáns verður opin um
helgina frá klukkan 15 til 19 og fram til 15.
desember á opnunartíma sjóminjasafnsins,
frá 11-17. Auk þessa mun Jón Gauti Jónsson,
sem nýverið fékk tilnefningu til hinna Íslensku
bókmenntaverðlauna, árita Fjallabókina sína
og bjóða upp á myndasýningu í tengslum við
útgáfuna og Anna Kristín Ásbjörnsdóttir kynnir
nýútkomnu bók sína, Álfa- og tröllasögur úr
Þjóðsögum Jóns Árnasonar. Þá munu Einar
Sigurðsson bassaleikari og Kristján Guðmunds-
son píanisti leika ljúfan jóladjass fyrir gesti.
Helgi Pé á RÚV
Mikill styr hefur staðið um Ríkisútvarpið eftir að upp-
sagnir starfsfólks og niðurskurður var kynntur þar í
síðustu viku. Sitt sýnist hverjum um ágæti þessara
ákvarðana en innan stofnunarinnar virðast flestir á
því að allt hafi þetta borið frekar bratt að og fram-
kvæmdin hafi verið eftir því. Þetta megi til dæmis
sjá á því að afleysingafólk hafi verið kallað til
starfa eftir uppsagnirnar, til að mynda gamla
brýnið Helgi Pétursson sem nú er þulur á
Rás 1. Helgi mun hafa verið kallaður inn
með afar skömmum fyrirvara en þó er eins
og hann hafi aldrei gert annað.
Amiina með
jóladagatal
Hið árlega jóladagatal hljóm-
sveitarinnar amiinu hefur nú hafið
hafið göngu sína á ný. Þetta er fjórða
árið í röð sem þau Edda Rún, Hildur,
María Huld, Magnús, Sólrún og
Vignir reyna að fanga anda jólanna
og gleðja aðdáendur og vini nær og
fjær. Á hverjum degi til jóla opnast
nýr gluggi á jóladagatalinu sem er að
finna á heimasíðu sveitarinnar, www.
amiina.com og þar kennir vissulega
ýmissa grasa. Búast má við að þarna
birtist splunkuný lög eða eldri óút-
gefin tónlist ásamt sýnishornum úr
ýmsu sem amiina og meðlimir hafa
verið að gera yfir árið. Á heimasíðu
sveitarinnar má nú einnig hlaða
niður ábreiðu af hinu sígilda jólalagi
I’d Like to Teach the World to Sing í
meðförum sveitarinnar.
106 dægurmál Helgin 6.-8. desember 2013