Fréttatíminn - 01.02.2013, Blaðsíða 74

 Dægurmál Frægur á Youtube FYrir opinská mYnDbönD
„Fokk“ hvað ég er týndur
Myndböndin gerði hann til að byrja með aðeins fyrir systkin sín til þess þau gætu fylgst með ferðum hans.
Aralíus Gestur Jósepsson eða Ari eins og hann kallar sig, hefur sérstakt viðmót sem hefur á
örskömmum tíma orðið að ákveðnu vörumerki. Hann virðist vera á allra vörum þessa dagana og
myndböndin hans hafa fengið yfir tíu þúsund áhorf hvert. Myndböndin tekur Ari á ferðum sínum
um heiminn og það má segja með sanni að hann sé atvinnuferðalangur, en sjálfur segir hann
þetta lífsstíl. Fréttatíminn skyggndist inn í veröld Ara og komst að því hvernig venjulegur ungur
maður hefur efni á að ferðast á þennan hátt.
A ri kom á fund blaðakonu beint af setti, en hann er aukaleikari í Ástríði. Hann var íklæddur jakkafötum með skjalatösku og útskýrir að
þetta sé ekki hans eðlilega „ástand“.
„Ég er ekki þessi jakkafatastrákur. Ég er bara bú-
inn að vera í tökum í allan morgun. Ég er sko aðeins
flippaðari í klæðaburði venjulega,“ útskýrir Ari. Hann
vill þó ekki gangast við því að vera leikari. „Ég er ekki
með menntun á því sviði og mér finnst skemmtilegra
að vera hinumegin við vélina.“
Myndbönd Ara hafa ekki farið fram hjá mörgum
á vefnum og miklar umræður hafa spunnist
um tilveru þessa unga manns. Athygli vek-
ur að fyrstu myndbönd Ara eru um 6 ára
gömul en þau byrjaði hann að gera í lengri
ferðum sínum, fyrir systkin sín hér heima.
„Svo fór þetta bara að þróast og boltinn
rúllaði. Ég viðurkenni að ýkja kannski
stundum og búa til nýja „karaktera“ en
ég reyni samt bara að vera sam-
kvæmur sjálfum mér. Mér finnst
mjög gaman að „sjokkera“ og
hrista upp í ólíkum hópum
fólks og það er gaman að sjá
hvað fólk er orðið forvitið um
mig. Ég lendi til að mynda í
því að vera stoppaður þegar
ég fer út í búð og beðinn um
að vera með á myndum.“
Ari segir að fólk sé að-
allega forvitið um hvern-
ig hann hafi efni á að
ferðast á þennan hátt.
En hann líti á ferða-
lögin sem lífsstíl og
jafnvel vinnuna sína.
Hann er nýkominn frá
Ameríku og á döfinni
er ferð til Indlands en
utan við Indland á Ari
aðeins eftir heimsókn
til Ástralíu til að geta
með sanni sagt að hafa
ferðast um allan heim.
„Þetta getur stundum
verið erfitt en ég er bara
að lifa lífinu svona „Eat
prey love“ style. Ég trúi líka mikið á boðskapinn í Sec-
ret og reyni bara að njóta augnabliksins. Ætli ég sé ekki
bara heppinn í lífinu. Nema kannski í ástum,“ bætir
hann við. „Ég hef ekki verið í sambandi með manni
mjög lengi. Enginn á Íslandi heillar mig, ég veit ekki en
kannski er það bara ekki ég að vera á föstu.“
Aðspurður segist Ari hafa ráð á ferðalögunum vegna
þess hve vel hann skipuleggi fjármál sín. „Ég passa upp
á peningana mína og eyði aldrei í vitleysu. Ég á ekki bíl
og tek ekki lán og kem hér heim til þess að safna fyrir
næstu ferð. Ég er öryrki á örorku en reyni samt að
finna mér eitthvað að gera meðfram bótunum.
Ég er athafnamaður.“
Ari, sem er 32 ára, segir örorkuna til-
komna vegna andlegra veikinda sem megi
rekja langt aftur í tímann. „Ég er með geð-
raskanir og er á lyfjum við því og hef verið
það síðustu tíu ár. Ég drakk einu sinni of
mikið og var í mjög miklu rugli og veik-
indin komu svo í kjölfarið,“ segir
Ari en hann hefur verið virkur
í Hugarafli, samtökum sem
vinna gegn einangrun fólks
með geðsjúkdóma með iðju-
þjálfun af ýmsu tagi.
Ari segir að ákveðnir að-
ilar hafi sýnt því áhuga um
að vinna um hann heim-
ildarmynd. „Ég á auðvitað
mjög mikið af efni, marga
harða diska af ferðalög-
um, en ég er samt bara
venjulegur gaur en ég
er stundum alveg „díses
kræsturinn,“ „fokk“ hvað
ég er týndur. En erum við
það ekki öll einhverntím-
ann?“
María Lilja Þrastardóttir
marialilja@frettatiminn.is
„Almenningur virðist
aðallega vera forvitinn
um hvernig ég hef efni á
þessum lífsstíl. Ég lít á þetta
sem vinnuna mína.“ Ljósmynd/Hari
Jóhanna Guðrún Gunnarsdóttir er ástríðu-
fullur ítölskukennari. Hún segist í gríni
eiginlega einoka ítölskukennslu á Íslandi
þar sem hún kennir tungumálið við Há-
skóla Íslands, Menntaskólann í Hamrahlíð
og í Fjölbrautaskólanum í Ármúla. Síðustu
fimm sumur hefur hún farið með Íslendinga
í námsferðir í tungumálaskólann Edulingua
í Castelraimondon í Marche-héraðinu. Hún
ætlar að halda þessu áfram í sumar en býður
sínu fólki nú einnig upp á kennslu í ítalskri
matargerð þannig að mannskapurinn lærir
meðal annars að búa til ítalskar kjötbollur
með tómatósósu og spaghetti alla carbonara
á milli þess sem sagnir eru beygðar.
„Héraðið er alger matarkista og þar er
mikil ólívurækt og víngerð. Verklegi hlut-
inn felst í því að elda og nemendur fá mikla
fræðslu um ítalska matargerð og hráefni,“
segir Jóhanna. „Þetta er mjög spennandi.
Skólinn er með aðstöðu á litlu en glæsilegu
sveitasetri í nágrenninu og skólastjórinn
sjálfur er hafsjór af fróðleik þar sem faðir
hans er kokkur og hann ólst upp í eldhúsinu
hjá honum. Hann er því mjög vel að sér og
hefur gefið út flotta kennslubók í ítölsku
sem fjallar einnig um sögu ítalskrar matar-
gerðar.“
Jóhanna segir það heilmikið ævintýri að
eyða mánuði í Marche-héraðinu við ítölsk-
unám og matargerð enda sé nægur tími til
þess að njóta lífsins, fara í skoðunarferðir
og smakka eðalvín. „Konur hafa sýnt þessu
miklu meiri áhuga og ég sakna karlanna
svolítið,“ segir Jóhanna sem vonast til þess
að karlpeningurinn taki við sér nú þegar
hægt er að freista með matarveislum.
Jóhanna stefnir á að bjóða upp á þrjú
námskeið í júní og fyrstu tvær vikurnar í
júlí. Allar frekari upplýsingar er að finna á
Facebook-síðu námskeiðsins facebook.com/
namsfriItalia. -þþ
 JóhAnnA guðrún tungumálAkennAri og sælkeri
Ítölskukennsla sem bragð er af
Jóhanna Guðrún segir tungumálaskólann í Marche-
héraðinu vera í sérflokki og þar klikki aldrei neitt,
síst af öllu eldamennskan.
Helgi í flottum jakka
Sá magnaði stórsöngvari og leikari Helgi
Björnsson bregður á leik á laugardaginn
þegar hann mætir sem gestaleikari hjá
Spaugstofunni. Helgi hefur ekki áður sprellað
með þeim Spaugstofufélögum sem greinilega
hafa lag á að espa hann
upp í fjörinu þar sem
Helgi ætlar að draga
gamlar syndir úr
fataskápnum og
skartar meðal
annars forláta,
bláum „eitís“
jakka sem var
með því
flottara sem
hægt var að
spóka sig í,
í þá gömlu
góðu
daga
þegar
Grafík
var og
hét með
Helga
í broddi
fylkingar.
Herbert á næsta
Mánudagsklúbbi
Mánudagsklúbburinn er félagskapur
hipstera og drykkjuglaðra sem hafa
fyrir löngu fengið nóg af meginstraums
djammi miðborgarinnar um helgar. Þau
tóku sig því nokkur til og sköpuðu sinn
eigin vettvang fyrir djamm. Klúbburinn
fundar annað hvert mánudagskvöld á
Prikinu Laugavegi. Fljótlega spurðist
tilvist klúbbsins út og áður en hópurinn
vissi af var orðið troðfullt í hvert skipti
og heljarinnar partí myndaðist, þessi
tvö mánudagskvöld í mánuði.
Fjöldi þekktra listamanna lætur sjá
sig í hvert sinn og troða jafnvel upp
ef svo ber undir. Það sem einkennir
kvöldin eru sífelld köll og söngtilburðir
meðlima í opinn hljóðnema, tilboð á
Fernet Branca á barnum og þekktir
hiphop slagarar sem óma um allt á
hæsta styrk.
Ársafmæli Mánudagsklúbbsins er
þann 11. febrúar næstkomandi og
ætla meðlimir að sjálfsögðu að halda
tímamótin hátíðleg. Þar mun enginn
annar en goðsögnin Herbert Guð-
mundsson mæta og taka lagið ásamt
klúbbmeðlimum og eftirvæntingin er
að sögn aðstandenda mikil.
Sölvi útundan í
vinsældakosningu
Sölvi Tryggvason er áberandi sjónvarpsmaður og hefur verið
mikið í umræðunni vegna fréttaskýringaþátta sinna,
Málið, á Skjá einum. Það vakti því víða furðu að Sölvi
skuli ekki vera í hópi þeirra tuttugu sem tilnefnd eru
sem Sjónvarpsmaður ársins á Eddunni. Almenningur
kýs sjónvarpsmann ársins í netkosningu á Vísi.is og
í athugasemdum við frétt um kosninguna á vefnum
undrast margir að þeir geti ekki kosið Sölva. Sjálfur
segir Sölvi á Facebook-síðu að hann hefði ekki
„grátið það að vera að minnsta kosti í topp 20 yfir
sjónvarpsmenn ársins.“ Sölvi verður þó að eiga
þessi vandræði við vinnuveitendur sína á Skjá einum
þar sem sjónvarpsstöðin sagði sig frá akademíunni í
fyrra og Sölvi er því ekki gjaldgengur.
74 dægurmál Helgin 1.-3. febrúar 2013
Fjö
ölbreytt
Fjölskyldublað