Fréttatíminn - 14.12.2012, Page 92

88 matur Helgin 14.-16. desember 2012
 Matur Þriðja bók ingu Elsu og gísla Egils
o kkur hefur þótt mjög vænt um að þegar við höfum kynnt þessa bók hafa margir komið til okkar sem þekkja fyrri bókina. Fólk hefur
lýst yfir mikilli ánægju með bókina og sagt að hún
hafi reynst þeim mjög notadrjúg. Það eru bestu með-
mælin með svona bókum,“ segir Gísli Egill Hrafns-
son, ljósmyndari og matgæðingur.
Á dögunum sendu Gísli og eiginkona hans, Inga
Elsa Bergþórsdóttir, frá sér bókina Eldað og bak-
að í ofninum heima en hún er sjálfstætt framhald
bókarinnar Góður matur - gott líf í takt við árstíðirnar
sem kom út í fyrra. Sú bók sló í gegn, seldist einstak-
lega vel og var tilefnd til Íslensku bókmenntaverð-
launanna.
„Hún fékk mjög góðar viðtökur,“ segir Gísli Egill
um fyrri bókina. Í nýju bókinni róa þau hjón á svipuð
mið og áður með því að hvetja fólk til að nýta það sem
er í kringum það í náttúrunni og vinna skapandi með
hráefni. Að þessu sinni er ofninn í eldhúsinu heima
í forgrunni. „Okkur hefur stundum fundist ofninn
vera aukaatriði í eldamennskunni, hann er oft bara
notaður til að hita upp. Við viljum hvetja fólk til að
nýta hann betur. Í bókinni leggjum við bæði til góðar
uppskriftir og hugmyndir um hvernig hægt er að nota
ofninn á fjölbreyttan hátt,“ segir Gísli en meðal þess
sem er að finna í bókinni eru uppskriftir að brauðum,
allskonar kökum, smáréttum og ýmsum aðalréttum,
meðlæti og grænmetisréttum.
Inga Elsa og Gísli hlutu á dögunum þrjár tilnefn-
ingar til hinna virtu Gourmand-verðlauna sem veitt
verða í Frakklandi í febrúar. Þar keppa matreiðslu-
bækur víða að úr heiminum um að hljóta viðurkenn-
ingu. Eldað og bakað í ofninum heima keppir fyrir
Íslands hönd í flokki bestu matreiðslubóka en hún var
auk þess tilnefnd í flokknum einfaldar uppskriftir. Þá
fengu hjónin tilnefningu í flokki þýddra matreiðslu-
bóka fyrir Into the North sem þau gáfu út í haust.
Gísli Egill kannast vel við að hugarfarsbreyting
hafi orðið hjá mörgum undanfarið þegar kemur að
mat og matargerð. „Það er mikill áhugi hjá fólki að til-
einka sér bæði nýjungar og læra grunnaðferðir í elda-
mennsku. Það er mjög jákvætt. Draumur matvælaiðn-
aðarins er auðvitað að selja okkur allt tilbúið en nú er
eins og fólk vilji aftur ná völdum í heimiliseldhúsinu
eftir að margir hafa misst fótanna. Það er kannski að
renna upp fyrir þessari kynslóð að það er ekki bara
ánægjuefni að útbúa góða máltíð heldur líka að safna
saman fjölskyldunni til að borða hana. Við höfum lagt
áherslu á að leyfa börnunum að fylgjast með og hjálpa
til í eldhúsinu svo þau læri að borða góðan mat. Við
reynum að hafa fjölskyldumáltíð á hverju kvöldi.“
Hvað með framhaldið, má búast við fleiri bókum frá
ykkur?
„Við vinnum mjög mikið með mat og höfum gert
það alveg frá því við komum heim frá námi. Inga
hefur rekið auglýsingastofu og haft mikið af við-
skiptavinum úr þessum geira og ég hef myndað hátt
í þrjátíu matarbækur og starfað á tímaritum. Þannig
að við verðum áfram viðloðandi þennan matarbransa
enda brennum við af ástríðu fyrir að vinna svona efni.
Bækurnar okkar eru enda mjög persónulegar og
verða að megninu til inni á heimili okkar. Það á við
um uppskriftirnar, eldamennskuna, stíliseringuna,
myndatökuna og síðan hönnunina og textagerðina.“
Höskuldur Daði Magnússon
hdm@frettatiminn.is
Ástríða í eldhúsinu
Hjónin Inga Elsa Bergþórsdóttir og Gísli Egill Hrafnsson hafa sent frá sér þrjár matreiðslubækur á
einu ári. Þau hvetja lesendur sína til að nýta það sem er í kringum þá í náttúrunni og vinna skap-
andi með hráefnið. Fréttatíminn ræddi við hjónin og gefur hér nasasjón af uppskriftum í bókinni.
Gísli Egill og Inga Elsa hafa sent frá sér þrjár matarbækur á
einu ári. Þau hvetja fólk til að hafa börnin með í eldhúsinu.
Valhnetu- og beikonskonsur
Það er erfitt að finna einfalda lýsingu á þessum skonsum
aðra en þá að þær eru alveg einstaklega góðar. Þar sem
talsverður ostur er í deiginu verður það nokkuð klesst.
Gott er að skera örlítinn bita úr einni skonsunni, sem næst
miðjunni, til að athuga hvort nokkurt hrátt hveitibragð sé
af skonsunni. Ef svo er þarf að baka þetta góðgæti nokkrar
mínútur í viðbót. Skonsurnar eru góðar sem nasl á milli
mála, með salati, súpu eða í morgunmat.
Um 8–10 skonsur
400 g hveiti
1 msk. lyftiduft
1 tsk. salt
2½ tsk. svartur pipar, gróf-
malaður
100 g smjör, kalt, rifið niður
með rifjárni
150 g bragðmikill ostur, rifinn
5 vorlaukar, skornir í þunnar
sneiðar
150 g beikonsneiðar, steiktar
og fínsaxaðar
100 g valhnetur, grófsaxaðar
400 ml súrmjólk
1 stórt egg
2 msk. vatn
Hitið ofninn í 210°C. Blandið
þurrefnunum saman í skál
og nuddið köldu smjörinu
saman við. Bætið osti,
vorlauk, beikoni, valhnetum
og súrmjólk út í. Hrærið laus-
lega saman.
Fletjið deigið út á hveiti-
stráðum bökunarpappír í
um 12–13 mm þykkt. Skerið
það í 8–10 sneiðar og losið
þær varlega í sundur á papp-
írnum. Dragið pappírinn yfir
á bökunarplötu og penslið
skonsurnar með blöndu af
léttþeyttu eggi og vatni.
Bakið þær í miðjum ofninum
í 18–20 mínútur eða þar til
þær eru fullbakaðar.
Síðusteik með eplasósu
Þetta er ekki bara fallegur réttur, hann er líka góður. Mjúk og safarík
svínasteikin með eplasósu – er hægt að biðja um eitthvað betra? Jú,
kannski gott vín og góðan félagsskap á meðan steikin er snædd.
Handa 4–6
1,2 kg svínasíða án beina
3 hvítlauksrif, kramin
salt og svartur pipar
5 greinar rósmarín,
20 einiber
3 msk. ólífuolía
3 lárviðarlauf
6 salvíublöð
4 rauðlaukar, skornir í fernt
200 ml kjúklingasoð
200 ml hreinn eplasafi
5 lítil græn epli eða 3 stór skorin
í tvennt
Skerið með 0,5 –1 cm millibili
ofan í skinnið á svína-síðunni,
gætið þess að skera ekki í gegn-
um fituna. Merjið saman í skál
hvítlauk, salt, pipar, nálarnar af
2 rósmarín greinum, sem búið er
að fínsaxa, einber og ólífuolíu.
Leggið svínasíðuna í eldfast mót
með skinnið niður. Stingið með
beittum hníf göt á víð og dreif í
kjötið. Nuddið maukinu á kjötið.
Snúið síðunni við svo að skinnið
snúi upp. Stingið lárviðar- og
salvíublöðum undir stykkið.
Þurrkið skinnið vel með pappír.
Nuddið um 1 tsk. af fínu salti
ofan í skinnið og síðan smávegis
af ólífuolíu.
Leyfið kjötinu að standa í
stofuhita í 1 klukkutíma. Hitið
ofninn í 240°C. Setjið kjötið í
ofninn og bakið í 25 mínútur.
Lækkið hitann í 180°C og bakið
áfram í 30 mínútur.
Takið kjötið úr ofninum og
setjið rauðlauk og rósmarín-
greinar undir kjötið. Hellið soði
og eplasafa í mótið. Stingið
nokkur göt með gaffli í eplin
svo að þau springi síður. Raðið
eplunum í kringum kjötið. Bakið
áfram í 1 klukkutíma.
Þegar puran hefur poppast
er kjötið tekið úr ofninum og
sett á fat með eplunum og
rauðlauknum. Leggið álpappír
yfir. Hellið soðinu í pott og sjóðið
niður í 10 mínútur. Þykkið soðið
ef þess þarf.
Gott er að bera fram með
steikinni kartöfluskífuturna með
kryddjurtum eða kartöflugratín.
E
N
N
E
M
M
/
S
ÍA
/
N
M
5
5
7
9
2
Kaffipúðarnir passa í venjulegar skeiðar Senseo vélanna
NÝTT
MEIRI FYLLING
& MEIRImunaður
UPPGÖTVAÐU NÝJAN BRAGÐHEIM SENSEO
„Kaffipúðarnir
passa í allar
tvöfaldar skeiðar
sem fylgja með
Senseo vélum“
69% ... kvenna á höfuðborgarsvæðinu lesa Fréttatímann*
*konur 25 – 80 ára
á höfuðborgarsvæðinu.
Capacent júlí-sept. 2012