Fréttatíminn - 23.11.2012, Qupperneq 2

 Heilbrigðismál Hjúkrunarfræðingar segja upp vegna bágra kjara
Hjúkrunarfræðingar hafa fengið nóg
„Hjúkrunarfræðingar hafa fengið nóg, segir Elsa B. Frið-
finnsdóttir, formaður Félags íslenskra hjúkrunarfræðinga,
um nýlegar uppsagnir hjúkrunarfræðinga á Landspítal-
anum sem sagt hefur verið frá í fjölmiðlum. „Kjörin hafa
rýrnað á þessum hrunsárum en vinnuálagið aukist, meðal
annars vegna þess að ekki er leyfilegt að ráða í afleysingar í
staðinn fyrir þá sem veikjast,“ segir Elsa.
Harpa Þöll Gísladóttir, hjúkrunarfræðingur á Landspítal-
anum, skilaði inn uppsagnarbréfi sínu á miðvikudaginn.
Hún er ekki sú eina. „Ástæðan er sú að kjör hjúkrunarfræð-
inga og laun eru svívirðilega lág,“ segir hún. „Það er ekki
hægt að hlaupa endalaust hraðar og vinna meira. Mér býðst
vinna í Noregi og Svíþjóð og er að skoða það,“ segir hún.
Elsa fór á fund fjármálaráðherra og velferðarráðherra
á dögunum þar sem rædd voru kjör hjúkrunarfræðinga í
tengslum við fyrirhugaða stofnanasamninga. „Ég er ekki
bjartsýn eftir þá fundi,“ segir Elsa.
Björn Zoëga forstjóri kannast ekki við að fleiri hjúkrun-
arfræðingar hafi sagt upp en venjulega. Hann segir ómögu-
legt að nýta svokallaða stofnanasamninga til að bæta kjör
hjúkrunarfræðinga, ekkert fjármagn hafi fylgt þeim frá
ríkinu. „Hér er mikil velta á starfsfólki enda erum við með
1200 hjúkrunarfræðinga starfandi á Landspítalanum. Ég
væri búinn að heyra af því ef óvenju margir hefðu sagt upp
að undanförnu. Ég veit hins vegar af óánægju starfsfólks
með kjör sín og það er erfitt að eiga við það,“ segir Björn.
Hann bendir jafnframt á að fjöldauppsagnir séu ólöglegar
enda yrði tekið á þeim.
Sigríður Dögg
Auðunsdóttir
sigridur@
frettatiminn.is
Starfsfólk Landspítalans er óánægt með kjör sín
og aukið vinnuálag, að sögn hjúkrunarfræðinga.
Reykjavík kaupi Perluna
Borgarráð samþykkti á fundi sínum í gær að
Reykjavíkurborg gangi til samninga við Orkuveitu
Reykjavíkur um kaup á Perlunni í Öskjuhlíð. Ef
samningar nást ætlar borgin að gera breytingar á
Perlunni fyrir allt að hundrað milljónir og koma þar
upp náttúruminjasýningu í samstarfi við íslenska
ríkið. Gert er ráð fyrir að almenningi verði áfram
tryggður aðgangur að Perlunni og umhverfi hennar,
verði af kaupunum, þótt það sé reyndar stefnt að því
að selja inn á náttúruminjasýninguna.
Frú Lauga eignast litla systur
„Við erum að opna á Óðinsgötu í des. Það hafa margir falast eftir því að fá vörur
beint frá býli í miðbæinn, það er vaxandi krafa á meðal neytenda að fá að vita um
uppruna varanna sem það verslar,“ segir Rakel Halldórsdóttir en hún á og rekur,
ásamt manni sínum Arnari Bjarnasyni, Frú Laugu bændamarkað.
Frú Lauga býður upp á vörur beint frá býli og hefur verslun þeirra í Laugarnes-
hverfinu notið mikilla vinsælda. Nú hyggst Frú Lauga færa út kvíarnar og opnar
að því tilefni litla verslun í Þingholtunum í Reykjavík. „Hver veit nema þetta sé
framtíð verslunar á Íslandi,“ segir Rakel aðspurð. „Það er allavega vaxandi með-
vitund á meðal fólks um hvað það er sem það raunverulega neytir. Það vill ganga
að heiðarlega
framleiddum og
aukaefnalausum
mat vísum. Það er
svo mikill óþarfi
sem fylgir oft í
fjöldaframleiðslu-
ferlinu.“
Nýja verslunin
verður töluvert
smærri en sú fyrri,
„svona litla systir,“
segir Rakel.
Verslunin opnar
í desember og
verður til húsa að
Óðinsgötu 1. -mlþ
Ánægja með
efnahags árangur
Sendinefnd Alþjóðagjald-
eyrissjóðsins lýsti í vikunnni
yfir ánægju sinni með þann
árangur sem náðst hefur á
sviði efnahagsmála eftir hrun
fjármálakerfisins árið 2008
og að ríkissjóður hafi náð að
endurnýja aðgang að erlendum
lánamarkaði. Hins vegar kom
fram að veruleg áhætta gæti
stafað af efnahagssamdrætti
á evrusvæði og ýmsum inn-
lendum þáttum. Stuðningi var
lýst við árangurstengda áætlun
um afnám gjaldeyrishafta sem
miðar meðal annars að því að
minnka krónueignir erlendra
aðila. -sda
Rakel og Arnar opna útibú frá Frú Laugu í miðbæ Reykja-
víkur í næsta mánuði. Ljósmynd/Hari
m ál eru til rannsóknar hjá lögreglu þar sem grunur er um mansal barna sem flutt hafa verið ólöglega hingað til lands með fölsuðum skjölum, samkvæmt heimildum Fréttatím-
ans. Æ fleiri börn koma ólöglega til landsins en Útlendingastofnun
hefur hert eftirlit með þessum málum að undanförnu.
Fyrir stuttu barst yfirvöldum tilkynning um grunsemdir um að
barn á fjórða ári sem kom til landsins fyrr á árinu væri ekki barn
pars sem þóttist vera foreldrar þess. Rannsókn lögreglu, Útlend-
ingastofnunar og barnaverndaryfirvalda leiddi í ljós að grunurinn
var á rökum reistur og játaði parið, íslenskir ríkisborgarar, að vera
ekki foreldrar barnsins. Ranglega kom fram í fjölmiðlum í gær að
barnið væri kornabarn.
Þetta er yngsta barn sem vitað er til að komið hafi til landsins á
fölskum forsendum. Fyrir tveimur árum féll hins vegar fyrsti dóm-
urinn í hæstarétti í máli sem þessu.
Sjö ára stúlka var flutt til landsins
árið 2006 en tveimur árum síðar barst
barnaverndarnefnd tilkynning um
grunsemdir um móðerni barnsins.
Rannsókn leiddi í ljós að foreldrarnir
voru ekki raunverulegir foreldrar
barnsins og það var í kjölfarið tekið af
þeim og komið fyrir á fósturheimili.
Samkvæmt heimildum Frétta-
tímans eru nokkur mál sem þessi til
rannsóknar hér á landi. Rannsókn
þessara mála miðast meðal annars að
því að kanna hvort fólk hafi í einhverj-
um tilfellum farið héðan til útlanda og
keypt barn til ættleiðingar. Algengara
sé hins vegar að fólk sæki barn ætt-
ingja í von um betra líf hér á landi en í
heimalandinu.
Þegar upp koma mál sem þessi
tilkynnir Útlendingastofnun barna-
verndarnefnd um barnið og fer nefnd-
in upp frá því með málefni barnsins
hvað varðar velferð þess.
Að sögn Braga Guðbrandssonar,
forstjóra Barnaverndarstofu, er
málið rannsakað til fullnustu í því
skyni að leiða í ljós hvaðan barnið
kemur, hverjir séu foreldrar þess
og hvers vegna barnið sé í höndum
fólksins sem þykjast foreldrar þess.
Þá sé lagt mat á til hvaða aðgerða sé
rétt að grípa með tilliti til hagsmuna
barnsins. „Hugsanlegt er að barnið
hafi verið tekið ófrjálsri hendi, þá er
barninu skilað til réttmætra forsjár-
aðila eða foreldra ef þeir finnast og
aðstæður réttlæta það,“ segir Bragi.
„Barninu er hugsanlega fundnir nýir
foreldrar hér á landi og loks er ekki
hægt að útiloka að þau sem komu
með barnið til landsins fái að halda barninu, sé það því fyrir bestu,“
segir Bragi.
„Ekki er hægt að loka augunum fyrir því að börn ganga kaupum
og sölum. Fólk langar að eignast barn en getur það ekki og er tilbúið
til að reiða fram fjármuni til að láta það gerast,“ segir hann. Al-
gengast sé þó að börn séu færð í umsjá ættingja sem komi með þau
hingað til lands þar sem aðstæður eru aðrar til uppvaxtar.
Sigríður Dögg Auðunsdóttir
sigridur@frettatiminn.is
 barnavernd Hert eftirlit með komu erlendra barna til landsins
Rannsakað hvort börn
séu keypt til ættleiðingar
Æ fleiri börn koma hingað til lands undir fölskum formerkjum með falsaða pappíra. Þau hafa
hugsanlega verið keypt til ættleiðingar en algengara er að foreldrar komi börnum sínum til ætt-
ingja búsettra hér á landi í von um betra líf fyrir börnin sín.
Algengast er að börn sem koma
hingað til lands á fölskum forsendum
komi í umsjá ættingja sem þykjast
vera foreldrar þeirra og með samþykki
foreldra í von um betra líf fyrir barnið.
Ekki er hægt
að loka aug-
unum fyrir því
að börn ganga
kaupum og
sölum.
2 fréttir Helgin 23.-25. nóvember 2012