Fréttatíminn - 23.11.2012, Síða 6

 nám nóbel námsbúðir undirbúa nemendur fyrir próf
Fá ekki að leigja skólastofur
„Á sama tíma og skorið er niður sem aldrei
fyrr til skólastofnana þá verða þær af
nokkrum milljónum króna í tekjur,“ segir
Atli Bjarnason, viðskiptafræðinemi og
framkvæmdastjóri Nóbel námsbúða, en hann
og samstarfsfólk hans hafa óskað eftir því
að leigja skólastofur af menntaskólum fyrir
Nóbel námsbúðir.
„Við erum ungt fyrirtæki sem býður upp á
námsbúðir fyrir nemendur í framhaldsskól-
um og háskólum. Hugmyndin er að krakkar
sem dúxuðu í áfanganum sem þú ert að fara
í próf í kenna þér fyrir próf,“ segir Atli en
frumkvæðið hefur mælst ótrúlega vel fyrir
hjá íslensku námsfólki. Hugmyndina fékk
Atli þegar hann var á öðru ári í viðskipta-
fræði fenginn til að kenna fyrsta ári í svoköll-
uðum dæmatímum. Þá sá hann að nemend-
urnir fengu mikið út úr því að læra af honum
af því einmitt að hann hafði tekið prófin í
fyrra og gengið glimrandi vel.
Fjöldi nemenda vinnur hjá Atla og hans
fólki í Nóbel námsbúðum (www.nobel.is)
og í haust leituðu þau til framhaldsskólanna
til að fá leigðar stofur. Þar fást þau svör að
skólunum sé ekki heimilt að leigja stofur til
einkafyrirtækja.
Mikael Torfason
mikaeltorfason@frettatiminn.is Atli Bjarnason vill fá að leigja skólastofur í framhaldsskólum en má ekki.
 Heilbrigðismál eftirtektarverður árangur íslenskra lækna í meðferð við lungnakrabbameini
Stórgóður árangur gegn lungnakrabba
í slenskir læknar hafa náð eftirtektar-verðum árangri í skurðaðgerðum við lungnakrabbameini og fara fleiri sjúk-
lingar með lungnakrabbamein í skurð-
aðgerð hér en víðast hvar í heiminum.
Steinn Jónsson, prófessor í lungnasjúk-
dómum við Landspítalann og læknadeild
Háskóla Íslands, og Tómas Guðbjartsson,
prófessor í skurðlækningum, hafa fengið
birta grein í alþjóðlegu, ritrýndu lækna-
tímariti, Journal of Thoracic Oncology,
þar sem skýrt er frá niðurstöðum rann-
sókna sem þeir hafa stundað á árangri
skurðaðgerða síðastliðin 15 ár. „Í ljós kom
að árangur á skurðlæknismeðferð við
lungnakrabbameini er mjög góður hér á
Íslandi í alþjóðlegum samanburði. Ein-
ungis á vissum stöðum í Bandaríkjunum
er skurðtíðnin hærri,“ segir Steinn.
Há skurðtíðni er til marks um góðan
árangur í meðferð lungnakrabbameins því
það greinist oft svo seint að skurðaðgerðir
gagnast ekki til meðferðar vegna þess hve
krabbameinið er komið á alvarlegt stig.
Steinn segir að ein af ástæðunum fyrir
góðum árangri í meðferð við lungna-
krabbameini hér á landi sé gott aðgengi
að læknum og að síðastliðin fimm ár hafi
verið tekið upp nýtt greiningarferli sem
styttir til muna biðtíma eftir rannsóknum.
„Þegar lungnamynd vekur upp grun um
lungnakrabba er sjúklingurinn lagður inn
á Landspítala til rannsóknar í einn sólar-
hring og allar rannsóknir gerðar. Það
hefur gert það að verkum að biðtími eftir
rannsóknum hjá sjúklingum sem svona er
ástatt með er hvergi minni en á Íslandi,“
segir Steinn.
Að sögn Steins er einungis þriðjung-
ur tilfella lungnakrabba skurðtækur við
fyrstu greiningu en nær allur sá hluti
fer í skurðaðgerð hér á landi, sem er
mjög hátt hlutfall á heimsvísu.
Miklar rannsóknir eru í gangi á
lungnakrabba um allan heim enda veld-
ur lungnakrabbamein fleiri dauðsföllum
en næstu fjögur krabbameinin þar á
eftir, brjóstakrabbamein, ristilkrabba-
mein, blöðruhálskirtilskrabbamein og
briskrabbamein, samanlagt, að sögn
Steins. „Þetta er gífurlegt heilsufars-
vandamál um allan heim. Við vitum að
það kemur fyrst og fremst til af völdum
reykinga en rannsóknir miðast við að
bæta árangur við greiningar á frumstigi
og í meðferðum. Við tökum þátt í því og
fylgjumst vel með,“ segir hann.
Landspítalinn fékk nýlega að gjöf
nýtt ómberkjuspeglunartæki sem tekið
verður í notkun eftir áramót. Það nýtist
til að finna meinvörp í eitlum í brjóst-
kassa með speglun og án þess að sjúk-
lingar þurfi að fara í aðgerð. „Það er
mikið framfaraspor og er útlit fyrir að
við séum að komast inn í 21. öldina fyrir
alvöru með okkar greiningartækni,“
segir Steinn.
Mikið og gott samstarf hefur einnig
verið við Íslenska erfðagreiningu í
rannsóknum um erfðir og lungna-
krabbamein sem vakið hafa heimsat-
hygli. Að sögn Steins er sú vinna enn í
gangi.
Sigríður Dögg Auðunsdóttir
sigridur@frettatiminn.is
Árangur íslenskra lækna í meðferð lungnakrabbameins hefur vakið eftirtekt enda
er hann með því besta sem gerist í heiminum. Hvergi er styttri biðtími eftir rann-
sóknum en hér á landi.
Steinn Jónsson, prófessor í lungnasjúkdómum við Landspítalann og læknadeild Háskóla Íslands. Ljósmynd/Hari
Há skurðtíðni er til marks
um góðan árangur í meðferð
lungnakrabbameins.
6 fréttir Helgin 23.-25. nóvember 2012