Fréttatíminn - 23.11.2012, Blaðsíða 52

16 Ævintýri í 100 ár
Aðra helgina í október fylltist
Harpa af ungum sem öldnum
friðarsinnum í leit að innblæstri til
góðra verka. Tuttugu fyrirlesarar
fjölluðu um frið frá ýmsum
sjónarhornum, svo sem frið og
fyrirgefningu, hvernig hver
einstaklingur getur haft áhrif og
hvort friður sé skapandi ástand.
Meðal fyrirlesara voru Magnús
Scheving, sem fjallaði um hvernig
maður gæti látið drauma sína rætast,
Edda Björgvinsdóttir sem flutti
fyrirlesturinn „Jákvæð samskipti –
dauðans alvara“ og Dr. Eduard
Vallory sem fjallaði um þátt skáta í
friðarmynd heimsins. Á þinginu
voru einnig tvær vinnusmiðjur; Dr.
Ashley Deans fjallaði um áhrif
hugleiðslu á skólastarf og samfélag og
Christina Barruel stjórnaði
vinnusmiðju um jafningja-
málamiðlun í grunnskólum. Fjöldi
góðgerðarsamtaka setti upp
kynningarbása og á setningu og
slitum þingsins voru
pallborðsumræður. Þar ræddu
friðarsinnar á borð við Ólaf Ragnar
Grímsson forseta Íslands og Katrín
Jakobsdóttir mennta- og
menningarmálaráðherra um frið og
æskulýðsstarf. Um 700 manns tóku
þátt í friðarþinginu með einum eða
öðrum hætti.
Friðarleikur í Flóa
Um 300 íslenskir skátar tóku á
laugardeginum þátt í friðarleik sem
gekk út á að þroska sig á hinum
ýmsu sviðum persónulegra
friðareiginleika, s.s. að þjálfa með sér
alþjóðavitund og hæfni í
ofbeldislausum samskiptum.
Skátarnir, sem voru á öllum aldri,
þurftu að hlaupa um Flóa, opið
svæði í norðvesturhorni Hörpu, og
leysa ýmis friðarverkefni. Sem dæmi
um friðarverkefnin má nefna það að
faðma ókunnuga og að læra að fara
með jákvæð ummæli á öðrum
tungumálum. Friðarleikurinn er
afrakstur 10 daga friðarmóts skáta
sem haldið var í Reykjavík vikuna
fyrir friðarþingið. Mótið sóttu 60
skátar á aldrinum 16-25.
Þátttakendur úr öllum áttum
Markmið friðarmótsins var að stefna
saman skátum frá öllum
heimshornum og fá þá til að kafa
dýpra í hugtakið frið. Að þessu sinni
tóku 8 lönd þátt í friðarmótinu.
Þátttökulöndin voru Eistland,
Palestína, Georgía, Danmörk,
Austurríki, Lettland, Búlgaría auk
Íslands. „Alþjóðavíddin á
friðarmótinu var mjög mikilvæg, þar
sem maður kynntist mismunandi
menningu og lífstíl,“ segir hin unga
Christina Mousa frá Ramallah í
Palestínu og bætir við; „Ég skráði
mig á mótið til þess að hitta fólk frá
öðrum löndum, þróa með mér dýpri
skilning á orðinu „friður“ og takast á
við upplifun sem ég gæti dregið
lærdóm af.“
Appelsínan sem breytti lífinu
„Ef ég á að segja alveg eins og er, þá
man ég ekki eftir því að hafa
nokkurn tíman hugsað sérstaklega
um frið, fyrir Friðarþingið“, segir
hinn búlgarski Zheko Georgiev. „Ég
hugsaði alltaf um frið sem eitthvað
óáþreifanlegt og fjarlægt. Eitthvað
sem ekki væri hægt að ná fram;
„Mission impossible“. Á
friðarmótinu lékum við leik sem
gekk út á að berjast um appelsínu. Í
stað þess að setjast niður og ræða
málin fórum við strax að fljúgast á.
Þá skildi ég loksins að friður er
hugarástand og að allir ættu að
leitast við að ástunda frið á alla
vegu.“
Zheko er ekki sá eini sem telur
friðarmótið hafa breytt sér. Félagi
hans, Mohammed Abuzaid frá
Palestínu bætir við: „Ég breyttist
mikið við að fara á friðarþingið, því
nú spyr ég mig, í hvaða aðstæðum
sem ég lendi, hvað græði ég á því að
ýta undir átökin eða skapa
vandamál?“
Friðarfræjum sáð
Það er von skipuleggjenda að bæði
friðarþingið og friðarmótið hafi haft
djúpstæð áhrif á þátttakendur og
leiði til þess að hver einstaklingur
taki sig til og gerist boðberi friðar
með sínum hætti. „Við sáðum
friðarfræjum á meðan að mótinu
stóð og nú er það okkar að sjá til
þess að þau nái að vaxa og dafna,“
segir Anders Skøttegaard Hansen.
Anna Íris Pétursdóttir, einn íslensku
þátttakendanna í friðarmótinu sagði
í ræðu sinni á þingslitununum: „Í
þessum litla, 60 skáta hópi, er svo
margt hæfileikaríkt fólk. Ef aðeins
eitt þeirra kemst í þá stöðu í lífinu
að geta haft áhrif á aðra, veit ég að
friðarmótið verður í huga þess. Ég
veit það mun breiða út þennan
boðskap friðar og vináttu.“
FRIÐARþING SKÁTA 2012
Skátar eru
boðberar
friðar
fyrir um ári síðan settu heimssamtök skáta á
fót verkefnið Boðberar friðar. markmið þess er
að hvetja skáta til þess að skuldbinda sig við
að breyta heiminum. skátarnir skipuleggja og
framkvæma friðarverkefni að eigin frumkvæði
og leggja þannig hönd á plóg við að gera jörðina
að betri stað til að búa á. Íslenskir skátar tóku í
október höndum saman um að halda friðarþing
skáta 2012, glæsilegustu ráðstefnu sem skátar á
Íslandi hafa haldið til þessa. tilgangur þingsins
var að stefna saman einstaklingum úr öllum
áttum og fá þá til að leggja á ráðin um hvernig
heimsfriði verði komið á.