Fréttatíminn - 23.11.2012, Page 62

38 bílar Helgin 23.-25. nóvember 2012
Arctic Trucks | Kletthálsi 3 | 110 Reykjavík | Sími 540 4900 | www.arctictrucks.is
TIL SÖLU!
44” breyttur Toyota Hilux. Nýr bíll - óskráður.
38” breyttur Toyota Land Cruiser árgerð 2007
TIL SÝNIS HJÁ ARCTIC TRUCKS!
2012-11 - Bílar til sölu 10x13cm.indd 1 22.11.2012 10:49:28
Sjöunda kynslóð Golf kynnt
Sjöunda kynslóð af Volkswagen Golf var kynnt á bílasýningunni í París
nýverið. Allt frá því að Golf kom á götuna árið 1974 hefur hann notið
mikilla vinsælda og verið leiðandi í sínum stærðarflokki. Volkswagen
hefur selt 29 milljónir Golf. Ef að líkum lætur verður nýi Golfinn mest
seldi bíll Evrópu, slík er staða hans á markaðnum.
Bíllinn er 100 kílóum léttari en forverinn, eyðslan minni sem og út-
blástursmengun. Í svokallaðri Bluemotion-útfærslu kemst Volkswa-
gen Golf 31,3 kílómetra á dísilolíulítranum, að því er fram kemur í Jót-
landspóstinum danska. Bíllinn er 4255 mm á lengd, 1790 mm á breidd
og hæðin er 1452 mm. 1,2 lítra TSI bensínvélin skilar annars vegar 85
og hins vegar 105 hestöflum. 1,4 lítra bensínvélin er annars vegar 122
hestöfl og hins vegar 140 hestöfl. Allar bensínvélarnar eru með beinni
innspýtingu. 1,6 lítra TDI dísilvélin er 105 hestöfl og 2,0 lítra TDI dísil-
vélin er 150 hestöfl. Blumotion-útfærslan kemur á markað 2013.
Reiknað er með því að Volkswagan kynni GTI-útgáfu Golf á bílasýn-
ingunni í Genf næsta vor. Þar verður um öflugan bíl að ræða en hann
verður einnig léttari en forverinn.
Innanrými hins
nýja Golf.
Nýr Volkswagen
Golf var kynntur á
Parísarsýningunni
í septemberlok.
 ReynsluakstuR kia Cee‘d
e f ég væri að kaupa mér bíl í dag (og þyrfti bara 5
manna) er ég viss um
að nýr Kia Cee‘d yrði
fyrir valinu. Hann er sér-
staklega fallegur útlits – hönnunin töff og
nútímaleg – enda tók ég eftir því að það var
horft á eftir honum á götu (nema að það
hafi verið ég sem vakti eftirtekt!). En fyrst
og fremst er ástæðan sú að maður hefur
það algjörlega á tilfinningunni að maður
sé að keyra lúxusbíl – þótt verðið sé alls
ekki í samræmi við það. Maður fær fullt
fyrir peningana sína í Kia Cee‘d. Og hann
er sparneytinn, eyðir 4,1 lítrum á hverja
hundrað kílómetra.
Innréttingar eru mjög vandaðar og
mælaborðið sérstaklega fallegt. Bluetooth
tenging milli hljómtækja og
síma er staðalbúnaður sem er
algjör snilld – bæði öryggisins
vegna (svarar í símann með
því að ýta á takka í stýrinu og
símtalið fer fram í gegnum
hátalara og míkrafón) og
vegna þess hve gaman er að
hlusta á uppáhaldstónlistina
sína í bíl með góðum græjum.
Einn morguninn mætti ég tíu
mínútum of seint í vinnuna
því ég bara tímdi ekki að enda
mómentið á bílastæðinu – ein
í myrkrinu í hljóðeinangruðu
umhverfi með sætishitann
stilltan á fullt og uppáhaldstón-
listina í eyrunum. Sannkölluð
kyrrðarstund.
Bíllinn er kraftmikill
og léttur í stýri. Of léttur,
segja sumir, en ég er ekki
sammála því. Hann er
með ýmsar nýjungar sem
stuðla að auknu öryggi, til
að mynda kviknar hliðarljós sem lýsir í allt
að 90° þegar maður snýr stýrinu til hliðar
þegar verið er að taka beygju. Það reyndist
mjög vel í myrku skammdeginu. Einnig
kvikna ljós aftan á bílnum og lýsa þegar
bakkað er (nei, ekki bakkljósin...).
Cee‘d er rúmgóður þótt hann megi flokka
sem smábíl. Skottið er stórt og tekur mikið
(helgarinnkaup fyrir 9 manna fjölskyldu
komust vel fyrir). Hann er sæmilega breiður
(178 cm) og því fór ágætlega um ungling á
milli tveggja barnastóla í aftursætinu þótt
börnunum fyndist erfitt að spenna beltin sjálf
því bílstólarnir (pullur með
baki) fóru alltaf yfir stykkið
sem beltinu er smellt í – eins og
svo algengt er með minni bíla.
Börnin voru sérstaklega
hrifin. Fannst Bluetooth
lausnin stórkostleg og þreytt-
ust ekki á að spyrja hvernig
þetta virkaði allt saman. Þeim
leiddist heldur ekki að fá að
taka þátt í öllum samtölum við
pabba sinn í símann og sungu
hátt og snjallt, á leiðinni í leik-
skólann, uppáhaldslagið sitt
um þessar mundir: Leyndar-
mál með Ásgeiri Trausta. Eini
ókosturinn, sögðu þau, var að
þau sáu ekki nógu vel út um
aftur glugg ann.
Mikið fyrir peningana
Sigríður Dögg
Auðunsdóttir
sigridur@ frettatiminn.is
Plúsar
+ Fallegur
+ Fullt af aukahlutum
+ Mikið fyrir peningana
(3,4 milljónir kr.)
+ Rúmgóður
+ Stórt skott
+ Sparneytinn
+ Beygjuljós og bakkljós
Mínusar
÷ Ekki nógu gott útsýni
fyrir börn úr aftursæti
÷ Börnunum fannst erfitt
að spenna beltin
Maður
hefur það
algjörlega
á tilfinn-
ingunni
að maður
sé að
keyra
lúxusbíl