Læknablaðið - 01.06.1972, Qupperneq 48

30
LÆKNABLAÐIÐ
Guðmundur Þór Pálsson arkitekt,
Ólafur Gunnarsson verkfræðingur,
Örn Bjarnason héraðslæknir
LÆKNAMIÐSTÖÐ
í VESTMANNAEYJUM
í Læknablaðinu, 1. hefti 56. árg. 1970, var rætt almennt um
húsnæði fyrir læknamiðstöðvar og birtir nokkrir uppdrættir af slíkum
stöðvum. Þar var þess getið, að hér væri um hugmyndir að ræða,
sem notaðar yrðu við hönnun slíkrar stöðvar, sem þá var í undir-
búningi í Vestmannaeyjum.
Síðan áðurnefnd grein birtist, hefur tekið til starfa vísir að lækna-
miðstöð (heilsugæzlustöð) í nýbyggingu sjúkrahúss Vestmannaeyja.
Teikningar byggingarnefndar að húsinu lágu fyrir í marz 1962.
Vinnuteikningar voru gerðar á því ári, og vinna hófst þá við bygg-
ingu hússins, en það var steypt upp á tiltölulega skömmum tíma.
Byggingin var hönnuð þannig, að í húsinu var gert ráð fyrir
þrem legudeildum, — skurðdeild með 24 rúmum og tveim gjörgæzlu-
rúmum, lyflæknisdeild með 24 rúmum, svo og átta rúma fæðinga-
deild. Gert var ráð fyrir fæðingadeild, skurðstofum, röntgen, slysa-
varðstofu o. fl. í suðurálmu hússins og sjúkradeildum, eldhúsi og
mötuneyti í austurálmu. í húsinu er þar að auki kapella og aðstaða
til krufninga. Möguleiki á viðbyggingu er til norðurs, þar sem unnt
er að koma fyrir 50-60 rúma legudeildum.
Stærðir hússins eru eftirfarandi: Að flatarmáli er húsið samtals
3.995m2 og að rúmmáli 13.700m”, og er þá undanskilinn kjallari undir
suðurálmu, sem átti að fylla upp, en það var ekki gert. Kjallari þessi
var ekki innréttaður nema að litlu leyti, þar sem gólf hans eru í mis-
munandi hæðum.
Miðað við sjúkrarúmafjölda, eins og hann var í upphafi, eru því
tæplega 69m2 og rúmlega 235m:l á hvert sjúkrarúm. Tölur þessar verða
rekstrarlega hagstæðari, ef bætt verður við 50-60 rúmum, en þjón-
ustudeildir eru allar miðaðar við það.
Byggingu hússins miðaði hægt fram til 1969, en á árunum 1968
og 1969 var farið að ræða málin að nýju, og kom þá fljótlega í 1 jós,
að rekstrarlega var ekki grundvöllur fyrir sérstaka fæðingadeild. Var
því ákveðið að fella niður fæðingadeildina og koma fyrir læknamið-
stöð í húsinu. Ákveðið var, að umræddri læknamiðstöð yrði komið
fyrir á 1. og 2. hæð suðurálmu, þar sem áður var gert ráð fyrir fæð-
ingadeild, röntgen, slysavarðstofu o. fl. Þetta reyndist unnt, vegna
þess að suðurálma hússins var öll á súlum og engir steyptir veggir.