Læknablaðið - 01.04.1979, Qupperneq 79

LÆKNABLAÐIÐ
103
GuÖjón Magnússon
FRAMHALDSNÁM ÍSLENSKRA LÆKNA I SVÍÞJÓÐ
Sérgreinaval og áform
í Læknaskrá,1 sem gefin er út árlega,
eru birtar upplýsingar um lækna með
lækninga- og sérfræðileyfi og læknakandi-
data, sem útskrifaðir eru frá Háskóla ís-
lands. Ekki eru í ritinu upplýsingar um
sérgreinaval þeirra, sem eru í framhalds-
námi, né heldur í hvaða löndum þeir dvelj-
ast. Innan einstakra sérgreina er oft vit-
að um aðra þá, sem dveljast erlendis við
sérfræðistörf eða framhaldsnám í sömu
sérgrein. Þessar upplýsingar koma þó að-
eins fáum að gagni.
Gerðar hafa verið tilraunir til að afla
upplýsinga um lækna í framhaldsnámi.
Nokkrir ungir læknar sendu fyrir all-
mörgum árum fyrirspurnir til þeirra
lækna, sem þá voru búsettir erlendis sam-
kvæmt spjaldskrá Læknafélags fslands.
Skilahlutfall varð mjög lágt og hafa nið-
urstöður ekki verið birtar. Var talið að
ófullkomnar og í sumum tilvikum rangar
upplýsingar um aðsetur erlendis hefðu
ráðið miklu um hvernig til tókst.
Lítið er vitað hvað ræður sérgreinavali
lækna. Mörg atriði hafa þar eflaust áhrif.
Atvinnuhorfur, hversu auðvelt er að fá
námsstöðu og ,,status“ sérgreinarinnar eru
þau atriði, sem helst hafa verið nefnd.
Telja má líklegt, að upplýsingar um
fjölda lækna við framhaldsnám, skiptingu
milli sérgreina og áætluð námslok, geti
haft jákvæð áhrif á sérgreinaval þeirra, er
hyggja á framhaldsnám. Þessar upplýsing-
ar koma heilbrigðisyfirvöldum jafnframt
að notum við stjórnun og áætlanagerð.
FÍLÍS
Fjöldi íslenskra lækna í Svíbjóð hefur
aukist mikið á síðustu árum. Ástæðan er
annars vegar stóraukinn fjöldi útskrifaðra
læknakandidata frá H.f. og hins vegar
erfiðleikar á að komast til framhaldsnáms
í Bandaríkjunum og Danmörku.
Greinin barst ritstjórn 05/02/1979. Send í prent-
smiðju 06/02/1979.
Að fordæmi kollega í Bretlandi var í
desember 1977 stofnað í Stokkhólmi Félag
íslenskra lækna í Svíþjóð (FÍLÍS).
Eitt fyrsta verkefni félagsins var að
koma upp skrá yfir íslenska lækna, sem
starfandi eru í Svíþjóð. Var á grundvelli
þeirrar skrár gerð athugun á skiptingu
milli sérgreina.
Niðurstöðurnar voru kynntar á fundum
félagsins í Stokkhólmi og Gautaborg vorið
1978 með nokkrum forystumönnum ís-
lenskra heilbrigðismála. Á fundunum kom
í ljós áhugi á, að kannaður yrði nánar
fjöldi í einstökum sérgreinum, áætluð
námslok og áform að námi loknu. Tók höf-
undur að sér framkvæmd þeirrar könnun-
ar. Verður hér greint frá helstu niðurstöð-
um. Tekið skal fram að þær ályktanir, sem
dregnar eru af könnuninni, eru á ábyrgð
höfundar og ekki settar fram í nafni
FÍLÍS.
Framkvæmd könnunar
Samkvæmt spjaldskrá FÍLÍS voru þann
1. október 1978 samtals 143 læknar og
læknakandidatar starfandi í Svíþjóð. Með
kandidatspróf frá H.í. voru alls 132, þar
af tveir erlendir ríkisborgarar. Með lækna-
próf frá erlendum háskólum voru alls 11.
Af þeim höfðu 9 lokið prófi frá sænskum
háskólum.
Könnunin fór fram í október til desem-
ber 1978. Voru send út 142 spurningablöð.
í einu tilviki tókst ekki að hafa upp á að-
setri þrátt fyrir ítrekaðar tilraunir. Með
spurningablaði var sent frímerkt umslag
fyrir svar.
Fjöldi spurninga var takmarkaður eftir
megni, til þess að auka heimtur.
Spurt var um:
1. Hvenær lokið var læknanámi.
2. Lækningaleyfi á íslandi og í Svíþjóð.
3. Framhaldsnám