Dagblaðið Vísir - DV - 04.04.2007, Blaðsíða 12

miðvikudagur 4. arpíl 200712 Fréttir DV
Kostnaður við rannsókn
Baugsmálsins er 150 millj-
ónir hið minnsta og senni-
lega mun meiri. Helgi Gunn-
ar Magnússon segir að
löggæsla eigi ekki að skila
hagnaði og telur áætlanir
um 700 milljóna kostnað
vera út í hött. Gestur Jóns-
son segir að ef markmið
manna hafi verið að skaða
Baug þá sé því takmarki
löngu náð. Baugur er nú
stærsta fyrirtæki í einka-
eigu sem starfar á Bret-
landseyjum.
HUNDRUÐ MILLJÓNA
FARA Í SAKSÓKNINA
„Við getum ekki sleppt því að rann-
saka brot bara af því að það kostar
peninga. Við erum bundnir af lögum
um hlutverk okkar. Það er spurning
hvort menn vilji að lögreglan sé rek-
in eins og fyrirtæki og kröfur gerðar
um hagnað. Eigum við að reyna að
rannsaka mál með það að markmiði
að það sé peningalegur ávinningur
af því,“ spyr Helgi Gunnar Magnús-
son hjá efnahagsbrotadeild ríkislög-
reglustjóra þegar hann er spurður
um kostnað embættisins við rann-
sókn Baugsmálsins.
Sagt var frá því í hádegisfréttum
Ríkisútvarpsins fyrir síðustu helgi
að kostnaður lögreglu og ákæru-
valds við rekstur Baugsmálsins væri
hátt í sjö hundruð milljónir króna.
Fréttin var reyndar dregin til baka
að kvöldi sama dags og fréttastof-
an tilkynnti að mistök hefðu átt sér
stað við útreikning á kostnaðinum.
Helgi Magnús Gunnarsson hjá efna-
hagsbrotadeild ríkislögreglustjóra
er efins um að það þjóni tilgangi
að reikna út kostnaðinn við málið.
Hann telur að 700 milljónir sé frá-
leit tala.
Hundruð milljóna
Gestur Jónsson, lögmaður Jóns
Ásgeirs Jóhannessonar, segir að Rík-
isútvarpið hafi reiknað kostnað-
inn út frá kostnaði við rekstur alls
embættisins en ekki bara efnahags-
brotadeildarinnar. „Þeir hafa eitt-
hvað ofmetið þetta,“ segir Gestur.
Hann bendir á að í þinghaldi hafi
komið fram að sérfræðikostnaður
við málið hafi numið 55 milljónum
króna. Sá málskostnaður sem þegar
hafi verið greiddur hlaupi á bilinu 50
til 60 milljónir. Á Alþingi kom fram
að Sigurður Tómas Magnússon sak-
sóknari og þrír aðstoðarmenn hefðu
kostað 34,5 milljónir. Því er ljóst að
kostnaðurinn nemur 150 milljón-
um, hið minnsta. Þarna er ekki tal-
inn kostnaður efnahagsbrotadeildar-
innar sjálfrar.
„Ég get náttúrlega ekki sagt til
um hvað þetta hefur kostað efna-
hagsbrotadeildina, það er hins veg-
ar augljóst að sá kostnaður hleypur
á hundruðum milljóna króna,“ segir
Gestur.
Stærstir í Bretlandi
Kostnaður Baugsmanna við að
halda uppi vörnum í málinu ligg-
ur ekki fyrir. Gestur segir það ljóst
að varnarkostnaður Jóns Ásgeirs
og Tryggva Jónssonar sé vel yfir eitt
hundrað milljónir. „Það er hins vegar
annars konar kostnaður hjá fyrirtæk-
inu sjálfu sem er miklu, miklu meiri.
Þá er ég fyrst og fremst að tala um
kostnað við fundahöld og aðgerð-
ir ætlaðar til þess að forða fyrirtæk-
inu frá stórum skaða vegna málaferl-
anna.“
Baugur er nú stærsta fyrirtæki í
einkaeign sem starfar á Bretlands-
eyjum. Þá eru ekki talin fyrirtæki sem
skráð eru á hlutabréfamarkað. „Fyrir
slíkt fyrirtæki að standa í svona lög-
uðu er náttúrlega meira en lítið mál.
Þessi starfsemi byggist á því að bank-
ar, lánastofnanir og viðskiptamenn
hafi traust á stjórnendum fyrirtækis-
ins,“ segir hann.
Gestur segir málið hafa haft skelfi-
legar afleiðingar fyrir viðskiptahags-
muni fyrirtækisins og miklum fjár-
munum hafi verið varið í að halda
sjó. „Ef takmark manna var að valda
tjóni þá er því löngu náð.“
Kostnaðarsöm málverkafölsun
Umfangsmiklar rannsóknir kosta
peninga. Til samanburðar við þær
150 milljónir sem Baugsmálið hef-
ur kostað lögreglu og ákæruvald að
lágmarki má benda á að áætlaður
kostnaður embættisins við rannsókn
á svokölluðu málverkafölsunarmáli
nam 40 til 50 milljónum króna. Þar af
var aðkeyptur sérfræðikostnaður fyr-
ir tuttugu milljónir.
Í yfirlýsingu frá ríkislögreglu-
stjóraembættinu í janúar árið 2003
kom fram að rannsókn málsins hefði
verið óvenjulega tímafrek og kostn-
aðarsöm. Tíu starfsmenn embættis-
ins hefðu unnið að málinu og leitað
hefði verið til lögreglu í Danmörku
og Bretlandi.
181 málverk var tekið til rannsókn-
ar. Þar af voru ákærur gefnar út vegna
103 verka. Rannsóknin leiddi í ljós að
fimm þessara verka voru ófölsuð en
vafi lék á uppruna 63 málverka.
Ekki var ákært vegna 63 mál-
verka. Í yfirlýsingu ríkislögreglu-
stjóraembættisins sagði að nið-
urstöður rannsókna þættu ekki
nægilegar til sakfellingar. „Verður
látið við svo búið standa, en Lista-
safni Íslands og eigendum er gerð
grein fyrir rannsóknarniðurstöðun-
um,“ segir í yfirlýsingunni.
„Það er spurning hvort menn vilja að
lögreglan sé rekin eins og fyrirtæki og
kröfur gerðar um hagnað. Eigum við
að reyna að rannsaka mál með það
að markmiði að það sé
peningalegur
ávinningur
af því.“
Sérstakur saksóknari Sigurður Tómas magnússon og þrír
aðstoðarmenn kostuðu ríkið 34,5 milljónir á árunum 2005 til 2007.
kostnaður við Baugsmálið er 150 milljónir hið minnsta. Þá eru ótalin
útgjöld efnahagsbrotadeildar ríkislögreglustjóra við rannsóknina sem
staðið hefur frá því árið 2002. rÚv áætlaði að heildarkostnaðurinn
gæti numið 690 milljónum. í ljós kom að mistök voru gerð í útreikn-
ingum, en ýmislegt bendir til að sú tala geti verið nærri lagi.
Höfðabakki 9 • Sími 544 5330 • Fax 544 5355
straumur@straumur.is
26
20
/
TA
K
TÍ
K
2
00
7
11

Vinnustaðir - íþróttahús
Eigum fyrirliggjandi ódýra, læsanlega skápa fyrir föt
eða persónulega muni.
Verðdæmi: 5 skápar í röð
kr. 40.910 + vsk
SiGtryGGur Ari JóHAnnSSon
blaðamaður skrifar: sigtryggur@dv.is