Dagblaðið Vísir - DV - 04.04.2007, Blaðsíða 38

Brynju ís með pipardufti
Rjómaís í brauðformi og piparduft er frekar óvenju-
leg blanda, en bragðið kemur verulega á óvart.
Ísinn er sá besti í bænum og piparduftið er eitthvað
sem allir sem eiga leið um Akureyri, ættu að prófa.
Hamborgarabúllunni.
Hamborgarnir hjá Búllunni eru alltaf jafn góðir,
hvort sem það er í Reykjavík, Egilsstöðum eða
Akureyri. Hamborgarabúllan er í fallegu húsi á
besta stað og stemmingin er ósvikin.
Ókeypis strætóferðir
Það er frábært framtak hjá Akureyringum að hafa
almenningssamgöngur ókeypis og mættu fleiri stór
bæjarfélög taka það til fyrirmyndar. Það er mjög
þægilegt að geta hoppað upp í næsta strætisvagn
án þess að þurfa að hafa áhyggjur af því að vera
með nægilega mikið af smápeningum. Gjaldfrjálsar
almenningssamgöngur eru vænlegasta leiðin til
þess að draga úr notkun einkabíla.
Skíðasvæðinu í Hlíðarfjalli
Aðstaðan í Hlíðarfjalli er frábær. Með tilkomu skíða-
lyftunar Fjarkans, hefur biðröðum að mestu verið
útrýmt í fjallinu og snjóframleiðslukerfið hefur gert
það að verkum að svæðið hefur verið opið í rúm-
lega hundrað daga í vetur.
Kaffi Karólínu
Kaffi Karólína er þægilegt og vinalegt kaffi-
hús í Gjánni, á besta stað í bænum. Á daginn og
snemma kvölds er andrúmsloftið rólegt, en um
helgar breytist staðurinn í skemmtistað þar sem
fólk af yngri kynslóðinni kemur saman.
Við mælum með
MiðviKudAGuR 4. ApRÍl 200738 Akureyri DV
Skíðaveturinn á Akureyri hefur
verið góður, líkt og sá síðasti. Á sama
tíma hefur aðeins verið opið fáeina
daga í Bláfjöllum og Skálafelli. Opn-
unardagarnir eru komnir yfir hundr-
að í Hlíðarfjalli í vetur. Guðmundur
Karl Jónsson, forstöðumaður skíða-
svæðisins segir tilkomu snjófram-
leiðslukerfisins í fjallinu hafa skipt
sköpum. „Þetta hefur í rauninni gert
síðustu tvo vetur að því sem þeir hafa
verið, ef ekki hefði verið fyrir kerfið
hefði örugglega verið opið sárafáa
daga, snjóalögin hafa verið léleg,“
segir hann.
Kerfið hefur verið mikil vítamíns-
sprauta fyrir starfssemina í fjallinu og
nú um helgina fékk snjóbrettagarð-
urinn í fjallinu rækilega yfirhalningu
þegar átta ný „rail,“ eða handriði
voru tekin í notkun í brekkunni. „Við
búum til „half pipe“ og svo erum við
með nokkra góða stökkpalla, þannig
að við erum að búa til einn alvöru
stóran brettagarð.“
„Við opnuðum 17 nóvember og
það er búið að vera opið síðan, við
stefnum á að hafa opið fram í maí,“
segir hann. Snjóframleiðslukerfið í
Hlíðarfjalli kostar jafn mikið í rekstri
og stólalyftan og kemur félagið Vinir
Akureyrar að rekstri þess.
„Skíðasvæðið er mjög mikilvægt
fyrir ferðamannaiðnaðinn hérna í
bænum. Áttatíu og fimm prósent
þeirra sem kaupa lyftumiða í lúg-
unni eru ferðamenn. Fólk er í aukn-
um mæli að koma í helgarferðir til
Akureyrar, fer á skíði og í leikhús.“
Guðmundur gerir ráð fyrir góðri
páskahelgi. „Ég á von á fjölda fólks,
en með tilkomu nýju stólalyftunnar
árið 2002 eru biðraðir ekki næstum
því eins miklar og þær voru áður. Á
þeim tíma var fólk að bíða í allt upp í
klukkutíma í röð eftir lyftu, nú bíður
fólk í mesta lagi í korter.“
Um þessar mundir er verið að
skoða möguleika á nýjum skíða-
lyftum í fjallið. „Við viljum stækka
skíðasvæðið út fyrir þær lyftur
sem fyrir eru í brekkunum og auka
með því fjölbreytileikann. Margir
vilja renna sér utan skíðaleiðar og
í brattari brekkum. Í Strýtunni er
ekki skemmtileg toglyfta og við vilj-
um endilega reyna að gera eitthvað
í þeim málum,“ segir hann. Kláf-
ferja er sömuleiðis inni í framtíðar-
skipulagi fjallsins. Í slíkum lyftum
taka gestir af sér skíðin og fara upp
brekkuna í lokuðum vagni. „Snjó-
framleiðslan hefur gert okkur þetta
kleift,“ segir hann, en vill ekki spá
fyrir um hvenær lyfturnar gætu ver-
ið komnar í gagnið. „Það eru áfram-
haldandi pælingar í gangi, hugsan-
lega getum við farið að skoða þetta
að tveimur til þremur árum liðn-
um.“
Snjóframleiðslukerfið í Hlíðarfjalli hefur skipt sköpum í vetur.
Tilkoma kerfisins hefur blásið miklu lífi í brekkurnar og segir
Guðmundur Karl Jónsson að margt sé áformað í framtíðinni.
Um síðustu helgi fékk brettagarðurinn í fjallinu góða viðbót.
Betri brettagarður
í Hlíðartfjalli
Fjölmenni á skíðum
Skíðasvæði Akureyringa hefur löngum
verið vinsælt til dægradvalar.
Í skíða-
lyftunum
Heilu
fjölskyldurnar
brugðu sér á skíði
um helgina.
um páskahelgina verður opið í sundlauginni á Akureyri frá 9 til 19 alla daga
og skíðasvæðið í Hlíðarfjalli verður opið frá 9 til 17 alla helgina. Nægur snjór
er í Hlíðarfjalli og stefnir í að svæðið verði opið um helgina.
www.akureyrarkirkja.is