Læknablaðið - 15.11.1987, Side 10

364
LÆKNABLAÐIÐ
Myndasögur - leiðrétting
Lesendur Læknablaðsins hafa eflaust tekið eftir
hinum ótrúlegustu ævintýrum varðandi myndir
og myndatexta í nokkrum undanförnum
tölublöðum og sem engan enda virðast ætla að
taka. Hefur ýmist verið farið rangt með nöfn
manna eða myndir speglast og myndatexti því
orðið lítt marktækur. Um leið og við hörmum þá
meðferð sem ýmsir hafa mátt þola vonum við að
einhverjir hafi kannski getað haft lúmskt gaman
af.
Þrátt fyrir þessar hremmingar hefur enn ekki
verið gripið til þess örþrifaráðs að stöðva
birtingar á mannamyndum í blaðinu. Starfsmenn
Læknablaðsins hafa hins vegar heitið því að fá
nokkuð fjölmennan hóp manna til að ritskoða
texta og mannamyndir framvegis til að koma í veg
fyrir áframhaldandi mistök.
Skylt er að leiðrétta að lokum myndatexta í 6. tbl.
bls. 229 og er beðist velvirðingar á rangherminu.
Réttur er myndatextinn þannig: Frá vinstri: Árni
Gunnarsson, Páll Bjarnason, Viðar Hjartarson
og Árni Björnsson.
Lýkur þar vonandi óvæntum myndasögum.