Læknablaðið - 15.11.1987, Qupperneq 52

396
LÆKNABLAÐIÐ
VII.
Aðalfundur Læknafélags íslands, haldinn á
Sauðárkróki 22. og 23. ágúst 1986, skorar á
menntamálaráðherra að leggja fram á næsta
Alþingi frumvarp það til laga um Vísinda- og
Rannsóknaráð íslands, sem samið var að
tilhlutan nefndar skipaðri 1977 af þáverandi
menntamálaráðherra til að endurskoða lög um
Vísindasjóð. Fundurinn telur brýna nauðsyn bera
til, að umræða um skipan vísindarannsókna
hefjist nú þegar á Alþingi.
VIII.
Aðalfundur Læknafélags íslands, haldinn á
Sauðárkróki 22. og 23. ágúst 1986, felur stjórn
félagsins að beina þeim tilmælum til lækna, að
þeir fari vandlega yfir endanlega gerð frétta og
annars efnis, sem eftir þeim er haft í fjölmiðlum.
Ályktunartillögu frá FÍH um, að stjórn L.í. skipi
nefnd til að gera tillögur um siðareglur varðandi
rannsóknir í læknisfræði var vísað til stjórnar.
Að lokinni samþykkt ársreikninga og ákvörðun
árgjalds, sem var ákveðið kr. 20.000 fyrir árið
1987, var gengið til kosninga. Aðeins komu
tillögur frá stjórn L.I., og var því sjálfkjörið í
eftirtaldar trúnaðarstöður:
Varaformaður til 2ja ára: Sverrir Bergmann.
Ritari til 2ja ára: Kristján Eyjólfsson.
Meðstjórnendur til eins árs: Arnór Egilsson,
Gestur Þorgeirsson,
Sigríður Dóra Magnúsdóttir
og Þorkell Bjarnason.
Endurskoðandi: Einar Jónmundsson,
varamaður: Þengill Oddsson.
I Gerðardóm til 2ja ára: Sigursteinn
Guðmundsson,
varamaður: Pálmi Frímannsson.
I Siðanefnd til 2ja ára: Þorvaldur Veigar
Guðmundsson og Guðmundur Sigurðsson.
Varamenn: Hannes Finnbogason og Ólafur
Bjarnason.
Því næst tók Haukur Þórðarson til máls og færði
þakkir stjórnar til Halldórs Steinsen, sem hefur
verið varaformaður síðustu 4 ár, en hverfur nú úr
stjórn, auk þakka til Jóns Jóhannesar Jónssonar,
sem nú hverfur úr stjórninni. Færði hann
sérstakar þakkir til meðlima í Siðanefnd frá
upphafi 1978, Þorgeirs Gestssonar og
Guðmundar Péturssonar.
Því næst tók til máls Magni Jónsson og bauð til
aðalfundar í Reykjavík að ári.
Undir liðnum »önnur mál« tók Haukur
Þórðarson til máls og lagði til, að Eggert
Steinþórsson yrði kjörinn heiðursfélagi L.í. Hann
hafi unnið síðan 1956 að undirbúningi, byggingu
og stjómun Domus Medica eða frá upphafi og sé
nú formaður í stjórn Sjálfseignarstofnunar
Domus Medica og húsfélags Domus Medica. Var
tillagan samþykkt með lófaklappi.
Haukur ræddi síðan um aðild félaga íslenskra
lækna erlendis. FÍLÍS og FÍLÍNA væru aðilar að
L.Í., svo og FÍLÍÞý og FÍLÍB, en ekkert hefði
heyrst í tveim síðarnefndu félögunum í allmörg
ár. Munnlegar upplýsingar lægju fyrir um, að
færri en 8 læknar væru starfandi í Þýskalandi.
Þessum tveim félögum hefði verið skifað fyrir 1-2
árum, en ekkert svar borist. Lagði formaður til,
að þeim yrði ritað bréf, þar sem þeim væri
tilkynnt, að þau mundu falla af skrá yfir
svæðafélög, þar til þau endurnýjuðu sig. Var það
samþykkt.
Hann kvað næst á dagskrá erindi frá FÍLÍNA.
Samþykktir frá félaginu hefðu borist í fyrra og
verið lagðar fyrir aðalfund 1985, en af mistökum
hefði láðst að birta þær. í nýlegri samþykkt lýsti
FÍLÍNA yfir furðu sinni vegna þessa og mótmælti
um leið aðferðum aðalfundar L.í. á hinu almenna
lækningaleyfi, þegar samþykkt var ályktun um
skipan heimilislækna á heilsugæslustöðvar.
Einnig hefði hömlulaus nýyrðasmíð í
Læknablaðinu gert blaðið illlæsilegt venjulegum
lækni. Hins vegar bæri L.í. þakkir vegna
aðgerða, þegar hætta var á lokun til
framhaldsnáms í U.S.A. Loks fagnaði FÍLÍNA
umræðuefnum á málþingi á þessum aðalfundi.
Haukur dreifði síðan á fundinum áliti stjórnar
Læknafélags fslans á göngudeildarmálum, sem
byggt var á könnun starfshóps innan stjórnar
L.Í., sem ætlað var að athuga breytingar frá árinu
1982, sem orðið hefðu. Kom í ljós, að
göngudeildarþjónusta hafði ekki aukist og
aukning var ekki fyrirhuguð. Ekki var tekin með
þjónusta göngudeildar kvennadeilar
Landspítalans, þar sem upplýsingar þaðan komu
of seint.
Ólafur Ólafsson dreifði meðal fundarmanna nýju
riti frá landlæknisembættinu, sem nefnist
»Mannréttindi og eftirlaunaaldur«.
Pétur Lúðvigsson lagði fram á fundinum erindi
sitt og Lúðvíks Ólafssonar, sem er svohljóðandi: