Læknablaðið - 15.11.1987, Side 65

LÆKNABLAÐIÐ
409
Læknafélagi íslands og Læknafélagi
Reykjavíkur 1987.
2. Ársskýrsla Læknafélags Reykjavíkur 1987.
3. Fréttabréf lækna 4/1987.
4. Fréttabréf lækna 7/1987.
5. Kröfugerð sjúkrahúslækna í desember 1986
(skrifstofa læknafélaganna).
SAMNINGUR UM
SÉRFRÆÐILÆKNISH J ÁLP
Samningar hafa verið lausir frá 1. maí sl. Nokkrir
fundir hafa verið haldnir, en samþykkt af báðum
aðilum að láta gamla samninginn gilda áfram um
óákveðinn tíma, en hefja viðræður aftur í haust.
Tekist hefur góð samvinna milli samninganefndar
sérfræðinga og Tryggingastofnunar ríkisins
varðandi túlkun samningsins. Komi upp vafamál
er nefndin látin vita og yfirleitt gengur fljótt og
vel að greiða úr slíkum ágreiningi. Enn eru þó
óleyst nokkur skörunarmál, og er beðið
úrskurðar læknadeildar Háskólans, hvort nokkrir
sérfræðingar í ákveðnum greinum hafi hæfni til
að vinna sérfræðilæknisverk, sem skráð eru í
gjaldskrá annarrar sérgreinar. Því miður hefur
reynst taka langan tíma að fá slíka úrskurði.
SAMNINGAR HEIMILISLÆKNA UTAN
HEILSUGÆSLUSTÖÐVA
Samningur hefur verið laus frá ársbyrjun 1986.
Fáir samningafundir hafa verið haldnir, síðast 2.
júní 1987. Hefur samninganefnd
Tryggingastofnunar ríkisins ekki sýnt mikinn
áhuga til samninga og borið ýmsu við, einkum
frágangi annarra samninga.
Helst hefur verið rætt um hækkanir á
fastagreiðslum vegna starfsaldurs (7A), hækkun
kostnaðarhluta (7B) og hækkanir á greiðslum
vegna starfsfólks (7D). Einnig hefur verið rætt
um virkara skráningarkerfi á fjölda sjúklinga,
sem á að koma í veg fyrir, að menn missi
greiðslur, þótt skráðum sjúklingum hafi fækkað
aðeins undir 1.750 án vitundar læknisins. Má
telja, að þetta sé frágengið. Vonandi verður
gengið frá nýjum samningi fyrir haustið 1987.
Þess má geta, að lagaundanþága fyrir
heimilislækna utan heilsugæslustöðva rennur út í
lok desember 1987. Er þar um að ræða
bráðabirgðaákvæði eins og verið hefur.
LÆKNAVAKT í REYKJAVÍK,
KÓPAVOGI OG Á SELTJARNARNESI
Árið 1928 var sett á laggirnar vaktþjónusta á
vegum heimilislækna í Reykjavík. Til að byrja
með var keyptur bíll á vegum Sjúkrasamlags
Reykjavíkur, ráðinn bílstjóri og læknir fenginn til
að gegna vaktþjónustunni frá heimili sínu. Litlar
breytingar urðu á því formi næstu árin.
Erfiðleikar komu upp, þegar ákveða átti
launakjör bílstjóra vakthafandi læknis. Því máli
lauk þannig, að bílstjórinn var settur á sömu laun
og kamarhreinsarar bæjarins.
Þegar nefnd á vegum læknafélaganna skilaði af
sér álitsgerð varðandi hugmyndir um
nauðsynlegar breytingar á vaktþjónustu
heimilislækna í Reykjavík, Kópavogi og á
Seltjarnarnesi árið 1983, var gamla
rekstrarformið svo til óbreytt. Um þær mundir
var farið í um 10-15 þúsund vitjanir árlega á
vaktsvæðinu og vaktbíll ekinn milli 80 og 90
þúsund km á ári.
Um margra ára skeið var rekin göngudeildar-
þjónusta á vegum heimilislækna í húsakynnum
Landspítalans. Þegar ofannefndar tillögur til
úrbóta höfðu verið samþykktar af aðilum, hófust
loks viðræður við samninganefnd
sjúkratrygginga um greiðslur fyrir breytta
vaktþjónustu. Vegna eindreginna tilmæla fulltrúa
hins opinbera féllust menn á að gera tilraun til að
reka þjónustuna á vegum lækna sjálfra eða
fyrirtækis, er þeir kynnu að stofna. Gerður var
samningur á þeim nótum 27. ágúst 1985.
Samningur þessi segir til um framkvæmd
þjónustunnar varðandi móttöku sjúklinga,
vitjanir og símaþjónustu. Að lokinni langri leit að
húsnæði gerði Tryggingastofnun ríkisins samning
við Reykjavíkurborg um leigu á húsnæði í
Heilsuverndarstöðinni við Barónsstíg. Á
félagsfundi 30. okt. 1986 var Læknavaktin s.f.
síðan stofnuð af 22 starfandi heimilislæknum.
Læknavaktin s.f. tók við starfseminni 15. nóv. sl.
og hófst þá vitjanaþjónusta, móttaka sjúklinga
og upplýsingaþjónusta í ofannefndu húsnæði. Nú
starfa 34 læknar, 13 móttökuritarar og 23
hjúkrunarfræðingar við vaktina sem
undirverktakar. Að fengnu tilboði í akstur á
vegum Læknavaktarinnar var gerður samningur
við Ieigubílstjóra þar sem honum er falið að
útvega þar til gerðan og útbúinn bíl til
þjónustunnar og sjá um akstur og rekstur bílsins
að öllu leyti.
Læknar tóku við vaktinni með því markmiði að
bæta þjónustuna og koma starfseminni í
varanlegt húsnæði. Húsnæðið er allt annað en
áður var, og sennilega hefur þjónustan batnað, en
engar skipulagðar kannanir hafa enn verið
framkvæmdar varðandi þá spurningu.