Læknablaðið - 15.12.1987, Síða 30

440
LÆKNABLAÐIÐ
meðferð með sýklalyfjum, oftast penisillíni og
gentamísíni og barnið haft áfram í hjúkrun og
gjörgæslu á Vökudeild. Ef ekki voru til staðar
einkenni, sem bentu til sýkingar, var barnið
útskrifað á sængurkvennagang, þegar
ræktunamiðurstöður lágu fyrir.
NIÐURSTÖÐUR
Á þessu fimm ára tímabili greindust 14 tilvik innri
sýkingar hjá fullburum, þegar legvatn var
snemmfarið. í einu tilviki fékkst greiningin
staðfest með jákvæðri blóðræktun
(Streptococcus hæmolyticus, gr. B). Hjá sjö
börnum greindust íferðarbreytingar á
lungnamynd og var talið, að um meðfædda
lungnabólgu væri að ræða. í sex tilvikum var
sýkingin talin mjög líkleg, þrátt fyrir neikvæðar
ræktanir úr blóði, mænuvökva og þvagi. Hjá
þessum hópi byggðist greiningin fyrst og fremst á
sjúkdómseinkennum þ.e. óútskýrðum slappleika
og fölva, lélegri soggetu og ælum. Öll börnin voru
meðhöndluð með sýklalyfjagjöf í æð. Ekkert
barnanna dó.
Ýmsir þættir í sögu sýktra og ósýktra barna eru
skráðir í töflu I. Ekki var marktækur munur á
milli hópanna, hvað varðar kynskiptingu. Hins
vegar reyndust börn úr sýkta hópnum að
meðaltali þyngri en úr ósýkta hópnum (p<0,01).
Grænt legvatn var mun algengara hjá sýktum
börnum (x 2 = 4,92, p<0,05). Engin tengsl voru
milli sýkinga annars vegar og Apgarstiga og
lengdar legvatnslekans hins vegar. Ekki var
marktækur munur milli hópanna á tíðni
keisaraskurða og tangar- og klukkufæðinga. Hins
vegar voru þau afbrigði fæðinga mun algengari
hjá rannsóknarhópnum en almennt gerðist á
Fæðingardeildinni þessi ár.
Niðurstöður yfirborðsræktana eru sýndar í
töflum II og III. í töflu II sjást helstu tegundir
sýkla, sem ræktuðust úr yfirborðsstrokunum.
Hjá 36 börnum uxu engir sýklar og hjá 39 uxu
sýklar, sem almennt eru ekki taldir
sjúkdómsvaldar. Hjá 42 börnum (36%)
ræktuðust sýklar, sem eru algengir
sjúkdómsvaldar hjá nýburum og var E. coli
langalgengust eða hjá 35 börnum. Hreinn vöxtur
var til staðar hjá aðeins 10 börnum, átta með E.
coli, eitt með Staphylococcus aureus og eitt með
Streptococcus hæmolyticus, gr. B.
í töflu III eru niðurstöður yfirborðsræktana hjá
sýkta hópnum og þess ósýkta bornar saman. Alls
reyndust níu börn af 14 (64%) úr sýkta hópnum
hafa mögulega sjúkdómsvalda í yfirborðsstroki,
en 33 börn af 103 (32%) úr ósýkta hópnum og er
þessi munur marktækur (x 2 = 5,56, p<0,05).
Tafla I. Þœltir úr fœðingarsögu sýktra og ósýktra barna.
Sýkt börn (N= 14) ósýkt börn (N = 103) öll börn (N= 11.406)*
Kyn
Drengir 6 48
Stúlkur 8 55
Fæðingarþyngd í grömmum,
meðaltal ± 1 s.d 3812 ±511 3391 ±584
Gangur fæðingar:
Eðlileg fæðing 8(57%) 67 (65%) 9297
Sogklukka, töng 2(14%) 10 (10%) 640 (5,6%)
Keisaraskurður 4(29%) 26 (25%) 1469 (12,9%)
Grænt legvatn 6(43%) 15 (14%)
Einkenni sýkingar hjá móður:
Móðir með hita 2(14%) 1 (1%)
Móður gefið sýklalyf 1 (7%) 1 (1%)
Apgar stig ±1 s.d.
Við eina mínútu 6,77±2,0 7,57 ±1,8
Við fimm mínútur 8,45 ±1,5 8,87 ±1,1
Timi í klukkustundum frá byrjun legvatnsleka
til fæðingar, ± 1 s.d 33,1 ±13,3 35,3 ±13,8
Samkvæmt ársskýrslu Kvennadeildar Landspitalans 1983.