Læknablaðið - 15.12.1987, Qupperneq 48

456
LÆKNABLAÐIÐ
urðu við setningu laga um heilbrigðisþjónustu
1973 og uppbyggingu heilsugæslukerfisins um
landið.
Markmið 20
Stefnt er að aukinni þjónustu og fjölgun
starfsmanna í heilsugæslu. Fyrirbyggjandi
starfsemi, göngudeildarstarf, heimahjúkrun,
sjúkraþjálfun og heilbrigðisfræðsla verður aukin.
Ný áætlun verður gerð um nauðsynlega mönnun
á hverri heilsugæslustöð og verði markmiðum
þeirrar áætlunar náð 1990.
Hvað lækna snertir verði miðað við að ekki séu
færri en einn læknir á hverja 1000 íbúa eða brot
úr þeirri tölu á heilsugæslustöðvum utan
þéttbýlissvæðis og ekki færri en einn læknir á
hverja 1500 íbúa á fjölbýlissvæði.
Markmið 21
Sérfræðileg göngudeildarþjónusta sjúkrahúsa og
sérfræðiþjónusta á heilsugæslustöðvum fyrir
heilsugæsluumdæmi verði skipulögð þannig að
fyrir árið 1995 verði kostur á sérfræðiþjónustu á
öllum stærri heilsugæslustöðvum og á
göngudeildum sjúkrahúsa.
Markmið 22
Stefnt verði að því að endurhæfingaraðstaða
verði í hverju heilsugæsluumdæmi eða í næsta
sjúkrahúsi, en sérhæfð endurhæfingarstarfsemi í
Reykjavík og á Akureyri.
Endurhæfingarstarfsemi verði rekin á breiðum
grundvelli og taki einnig til fyrirbyggjandi
þjálfunar.
Sérstaklega ber að taka tillit til þeirra sem eru
mikið fatlaðir.
6.2. Tannheilsa
Á síðustu árum hefur orðið veruleg fjölgun á
tannlæknum og er fjöldi þeirra nú svipaður hér á
landi miðað við fjölda ibúa annars staðar á
Norðurlöndum. Jafnframt hefur þáttur hins
opinbera í kostnaði við tannviðgerðir barna og
unglinga aukist. Þrátt fyrir þetta er Ijóst að
árangur í baráttunni gegn tannskemmdum er mun
lakari hér á landi en í nágrannalöndunum. Hluti
af skýringunni er að ekki hefur verið lögð næg
áhersla á varnir gegn tannskemmdum samhliða
aukinni og bættri viðgerðarþjónustu. í lögum um
heilbrigðisþjónustu frá 1973 var gert ráð fyrir
tannheilsugæslu, forvörnum og tannviðgerðum á
heilsugæslustöðvum. Af því hefur ekki orðið.
Síðasta árið hafa veruleg skref verið stigin til
aukinnar tannverndar á vegum
heilbrigðisráðuneytisins og framlög
Tannverndarsjóðs í þessu skyni margfölduð.
Markmið 23
Sérstakt átak verði gert til að bæta tannheilsu
þjóðarinnar. Kannaðar verði leiðir til að auka
verulega varnir gegn tannskemmdum. Huga þarf
að skipulagi tannheilsugæslunnar með það fyrir
augum að áherslur séu í samræmi við
meginmarkmið um bætta tannheilsu almennings.
Er þá bæði átt við greiðslur hins opinbera og
samræmdar aðgerðir til að draga úr
tannskemmdum. Sérstaklega þarf að kanna
hvernig megi tryggja betur en nú er að
tannheilsugæslan sé hluti af almennri heilsugæslu
og starfsemi heilsugæslustöðva.
Stefnt skal að þvj að fyrir árið 1995 verði
tannlækningar orðnar hluti þeirrar heilsugæslu
sem sjúkrasamlög greiða á sama hátt og
læknisþjónustu.
6.3. Sérfræöiþjónusta sjúkrahúsa
Markmið sérfræðiþjónustu sjúkrahúsa er að sjá
fyrir þeirri sérhæfðu þjónustu sem er nauðsynleg
til þess að taka við þeim einstaklingum sem
heilsugæslukerfið getur ekki sinnt.
Markmið 24
Gæðum sérfræðiþjónustu verði haldið og þau
aukin eftir því sem kostur er.
Hlutverk sjúkrahúsanna í Reykjavík og á
Akureyri verði skilgreind sérstaklega, svo og
annarra sjúkrahúsa utan Reykjavíkur þar sem
sérfræðingar starfa.
Tengsl milli sérfræðiþjónustu sjúkrahúsa og
heilsugæslustöðva verði aukin svo sem greint er
frá fyrr og bein tengsl verði tekin upp milli
heilsugæslustöðva og sjúkrahúsa að þessu leyti.
Beinum tengslum verði komið á milli sérfræðinga
sem starfa á sjúkrahúsum í Reykjavík og á
Akureyri og heilsugæsluumdæma þannig að
ákveðið sjúkrahús fái umsjón með
sérfræðiþjónustu á ákveðnu heilsugæslusvæði.
6.4. Geðlækningar
Geðlæknisþjónusta hefur tekið verulegum
breytingum síðasta áratug. Vistun hefur færst á
deildir við sérhæfð sjúkrahús og
göngudeildarstarfsemi hefur eflst svo og öll
sérfræðiþjónusta vegna nýrra starfshátta í faginu.
Óleyst vandamál eru aðallega vegna unglinga og
aldraðra.