Læknablaðið - 15.12.1987, Page 50

458
LÆKNABLAÐIÐ
ráða lyfjafræðinga til að sinna þeim verkefnum á
sama hátt og læknar og annað
heilbrigðisstarfslið.
Upplýsingar til fólks um lyf og lyfjaneyslu skulu
stórauknar og sérstakar ráðstafanir gerðar til þess
að draga úr ónauðsyniegri og óhóflegri
lyfjaneyslu hvort sem hún er á kostnað
sjúkratrygginga eða ekki.
Greiðslufyrirkomulag sjúklinga á lyfjum verði
tekið til sérstakrar endurskoðunar með tilliti til
þess að sanngirni sé gætt hvað snertir langvarandi
sjúkdóma.
6.8. Skaðabætur til sjúkiinga
Reynslan sýnir að af og til verða óhöpp við
lækningar sem koma óvænt og engum verður um
kennt. Sanngjarnt er að þeir sem fyrir slíku verða
fái hæfilegar bætur án þess að stofna þurfi til
málaferla.
Markmiö 29
Settar verði sérstakar reglur um rétt sjúklinga til
bóta ef þeir verða fyrir heilsutjóni vegna
læknismeðferðar eða vegna veru á
sjúkrastofnunum þannig að þeir þurfi ekki að
standa i málaferlum til þess að ná rétti sínum
fram.
7. FRAMLÖG TIL HEILBRIGÐISMÁLA OG
MANNAFLI
7.1. Fjármunir
Síðustu 25 ár hafa fjárveitingar til
heilbrigðisþjónustu aukist mjög verulega og er nú
þannig komið að ísland eyðir hlutfallslega af
þjóðarframleiðslu jafnmiklu og aðrar
Norðurlandaþjóðir eða um 10%.
Markmið 30
Þeir fjármunir, sem verja á til heilbrigðismála,
verði auknir frá því sem nú er til þess að mæta
auknum þörfum vegna öldrunar íbúanna og
vegna aukningar langvarandi sjúkdóma og
ráðstafana til fyrirbyggjandi aðgerða og
meðferðar.
Gerð verði áætlun um byggingu
heilbrigðisstofnana þannig að
heilbrigðisstofnanir til þess að sinna heilsugæslu
verði ailar komnar upp fyrir árið 1995 og fyrir
árið 2000 verði að fullu sinnt stofnanaþjónustu
eins og áætlunin gerir ráð fyrir.
7.2. Mannafli
Starfsliði í heilbrigðisþjónustu hefur fjölgað mjög
síðustu tvo áratugi án þess að áætlun hafi verið
gerð um samræmingu menntunartilboða og starf.
Því er svo komið nú að offjölgun er í sumum
starfsstéttum en skortur í öðrum. Til að leiðrétta
þetta þarf samræmingu og skipulag, og
launamálastefnu sem hvetur til starfa sem nú búa
við skort á mannafla.
Markmið 31
Gerði verði sérstök áætlun fyrir 1990 um
heildarmannaflaþörf í heilbrigðisþjónustu og auk
þess sérstök áætlun um þann fjölda sem þarf af
læknum, hjúkrunarfræðingum, ljósmæðrum,
sjúkraþjálfurum, iðjuþjálfum og meinatæknum
fram til ársins 2000.
Námsskrár skóla almennt og skóla
heilbrigðisstétta sérstaklega verði endurskoðaðar
með sérstöku tilliti til þeirrar áherslu sem leggja
skal á heilsugæslu og heilbrigðisfræðslu og skulu
allar námsskrár þessara stétta samdar af aðilum
sem tilnefndir eru bæði af menntamála- og
heilbrigðisyfirvöldum.
Sérstaklega verði kannaðir möguleikar á
sameiginlegri grunnmenntun þessara stétta
þannig að fólk geti skipt um starf án mikillar
viðbótarmenntunar.
8. RANNSÓKNIR
8.1. Rannóknir vegna heilbrigðisstefnunnar
Heilbrigðisþjónustan þarf að búa við virkt og
öflugt upplýsingakerfi til eftirlits og mats á
árangri ákvörðunartöku og aðgerða. Forsendur
heilbrigðisáætlunarinnar eru þekking á heilsufari,
dánarorsökum og þeim þáttum sem áhrif hafa til
góðs eða ills í því sambandi eins og lífsmáti fólks,
umhverfi þess, notkun og fyrirkomulag
heilbrigðisþjónustunnar ásamt möguleikum á
virkri ákvörðunartöku og stefnumörkun um
heilbrigðismálefni. Núverandi upplýsingakerfi er
ófullkomið og þungt í vöfum. Það byggir
aðallega á dánarmeinaskrá en tölvuvæðing á
útskriftarskrám sjúkrahúsa og samskiptaskrám
heilsugæslustöðva er í örri þróun.
Markmið 32
Fullnægjandi upplýsingakerfi til eftirlits og mats
á heilbrigðisþjónustunni verði skipulagt fyrir
1990. Heilbrigðisrannsóknir verði efldar og í því
skyni sérstök rannsóknaráætlun fyrir 1990 til
stuðnings framkvæmd þessarar
heilbrigðisáætlunar. í því skyni verði tryggð
nauðsynleg aðstaða og fjölgun fólks sem stundar
heilbrigðisrannsóknir. Sérstaklega verði gefinn