Læknablaðið - 15.12.1987, Qupperneq 61

LÆKNABLAÐIÐ
467
Hjartaverndar: »Á undanförnum árum hef ég
stundum hugleitt að svona rannsóknarstöð ætti
að tengjast háskólanum og starfa í tengslum við
læknadeildina. Óneitanlega kæmi það til greina.
En á síðustu árum hefur komið í ljós að háskólinn
hefur í svo mörg horn að líta og svo mikil
uppbygging verður á hans vegum á næstu
misserum að vafamál er hvort hann hefði tök á að
sinna þessu verkefni sem skyldi. Samvinna við
háskólann um viss verkefni kæmi þó vel til
greina. Hins vegar ætti slík rannsóknarstöð í
rauninni að vera deild í hinu almenna
heilbrigðiskerfi ef allt væri með felldu og gæti ég
vel hugsað mér að svo yrði ef rétt og eðlilega væri
á málum haldið. Þá væri unnt að sinna markvisst
ýmsum rannsóknum á atvinnusjúkdómum og
þjóna þannig atvinnustéttum og
heilbrigðismálunum í heild« (3).
Læknablaðið tekur undir þessi orð og árnar
Rannsóknarstöð Hjartaverndar tvítugri allra
heilla, um leið og við þökkum Nikulási Sigfússyni
fyrir spjallið og góðfúslega veittar upplýsingar.
HEIMILDIR
1. Stefán Júlíusson. Starfsemi Hjartaverndar - stutt
yfirlit. Hjartavernd 1984; 21. árg. 1. tbl.
2. Nikulás Sigfússon. Starfsemi Rannsóknarstöðvar
Hjartaverndar í 15 ár. Hjartavernd 1982; 19. árg. 2.
tbl.
3. Stefán Júlíusson. Um Hjartavernd og
hjartaverndarmál. Viðtal við dr. Sigurð Samúelsson
prófessor sjötugan. Hjartavernd 1981; 18. árg 2.
tbl.