Fréttatíminn - 01.10.2010, Qupperneq 46

Sætúni 8, 105 Reykjavík. Sími: 531 3300. ritstjórn@frettatiminn.is Ritstjóri: Jón Kaldal kaldal@frettatiminn.is Framkvæmda stjóri:
Teitur Jónasson teitur@frettatiminn.is Fréttastjóri: Óskar Hrafn Þorvaldsson oskar@frettatiminn.is Ritstjórnarfulltrúi: Jónas Haraldsson jonas@frettatiminn.is.
Auglýsingastjóri: Valdimar Birgisson valdimar@frettatiminn.is. Fréttatíminn er gefin út af Miðopnu ehf. og er prentaður í 82.000 eintökum í Landsprenti.
Þegar maður kemur í fyrsta sinn heim
til fólks eru það ekki nema sjálfsagðir
mannasiðir að gera grein fyrir sér. Það er
því við hæfi að leggja þennan fyrsta pistil
undir kynningu á okkur sem stöndum að
baki Fréttatímanum, blaðinu sjálfu og af
hverju við teljum þörf fyrir útgáfuna.
Fréttatíminn er helgarblað sem kemur
út í 82 þúsund eintökum á föstudags-
morgnum og er borið ókeypis heim til
íbúa á höfuðborgarsvæðinu. Blaðið fer
líka í stóru upplagi í morgundreifingu til
Akureyrar og er auk þess í boði á sölu-
stöðum N1 hringinn í kringum landið.
Þeir sem af einhverjum sökum geta ekki
nálgast prentútgáfu
Fréttatímans geta skoðað
blaðið í rafrænni útgáfu
á fréttatíminn.is. Það á
sem sagt ekki að fara
fram hjá landsmönnum
að það er komið nýtt blað
á prentmarkaðinn.
Við á Fréttatímanum
teljum að það sé djúp
þörf fyrir útbreitt blað
sem enginn vafi leikur á að eigi sig sjálft.
Við eigum það sameiginlegt að hafa valið
okkur blaðamennsku, eða vinnu við
blöð á einn eða annan hátt, að ævistarfi.
Við tilheyrum ekki viðskiptasamsteypu,
stjórnmálaflokki eða þrýstihópi. Við erum
blaðamenn og ætlum að segja fréttir.
Við erum engum háð nema sjálfum
okkur og auðvitað því að lesendur hafi
áhuga á blaðinu. Við höfum sett okkur
það markmið að Fréttatíminn verði blað
fólksins. Fréttatíminn ætlar að flytja
nýjustu fréttir, ítarlegar fréttaskýringar
um málefni líðandi stundar og leggja sér-
staka rækt við viðtöl við áhugavert fólk af
öllu tagi.
Fréttatíminn kemur út í bítið á föstu-
dagsmorgnum og við stefnum að því
að verða fyrsta blaðið sem er lesið við
morgunverðarborðið en líka bjóða upp á
svo efnismikið blað að það hjálpi til við að
svala lestrarþorstanum alla helgina.
Við starfsmenn eigum Fréttatímann
100 prósent. Félagið okkar heitir Mið-
opna ehf. og eigendahópurinn er svona
skipaður: Haraldur Jónasson, Jónas
Haraldsson, Jón Kaldal, Óskar Hrafn
Þorvaldsson og Teitur Jónasson. Um
fjármögnun félagsins má lesa á blaðsíðu
15. Með okkur er frábært fólk sem
hefur sömu ástríðu og við fyrir blöðum.
Hópinn má sjá á blaðsíðu 14. Að auki
eru með okkur kanónur á borð við Pál
Baldvin Baldvinsson, Gunnar Hjálmtýs-
son og Gunnar Smára Egilsson, sem
skýtur hér upp kollinum í því óvænta
hlutverki að stýra matarsíðu blaðsins á
sinn einstaka hátt.
Það hefur verið sagt að vel lukkað blað
sé dálítið eins og þjóð að tala við sjálfa
sig. Við treystum á að þið, kæru lesendur,
hjálpið okkur að móta Fréttatímann svo
að hann geti orðið þannig blað. Besta
leiðin til þess er að senda okkur frétta-
skot og ábendingar um það sem vekur
áhuga ykkar. Eyru okkar eru sperrt. Við
erum að hlusta.
Þú getur nálgast Fréttatímann frítt á
þjónustustöðvum N1 um land allt
HELGARBLAÐ
46 viðhorf Helgin 1.-3. október 2010
A tvinnusköpun er eitt brýnasta verkefni á Ísland í dag. Ástæðan er sú að aukin atvinna er forsenda
þess að unnt sé að leysa önnur vandamál,
svo sem það að rétta af halla ríkissjóðs
með breiðari skattstofnum, leysa ýmis
félagsleg vandamál og auðvelda fólki í
fjárhagsvanda að ná tökum á fjármálum
sínum.
Nýlegar rannsóknir í Danmörku og
Bandaríkjunum benda til þess að mýtan
um að lítil fyrirtæki skapi flest störf sé
einungis hálfsönn. Nýjustu rannsóknir
á þessu sviði benda til þess að það séu
ung fyrirtæki sem séu mikilvægust við
sköpun nýrra starfa en slík fyrirtæki
stóðu t.d. undir 43% nýrra starfa í Banda-
ríkjunum árið 2005.
Það er mikilvægt að hugleiða
þessar niðurstöður þegar litið er til
þess hvernig unnt er að skapa 30
þúsund störf á næstu fimm árum líkt
og Samtök atvinnulífsins hafa boðað.
Erfið staða ríkissjóðs er öllum ljós og
fjölgun starfa á vegum hins opinbera
því þröngar skorður settar. Það liggur
því fyrir að þessi 30 þúsund störf þarf
meira og minna að búa til á vettvangi
fyrirtækja, bæði rótgróinna fyrirtækja
sem og sprotafyrirtækja.
Grunnatvinnuvegir Íslendinga á
síðustu öld, sjávarútvegur, landbúnaður
og orkufrek framleiðsla, byggjast á tak-
mörkuðum náttúruauðlindum. Framan-
greindum greinum eru eðli málsins
samkvæmt settar náttúrulegar skorður
með tilliti til vaxtar og atvinnusköpunar.
Með fjárfestingu í nýsköpun og mark-
aðssetningu er hægt að auka verulega
verðmætasköpun af hinum takmörkuðu
auðlindum. Það gefur þó augaleið að
ekki verða sköpuð 30 þúsund ný störf
á næstu fimm árum innan framan-
greindra atvinnugreina.
Á undanförnum tuttugu árum hefur
byggst upp þekking í nýjum sérhæfðum
greinum á Íslandi þar sem fjölda fyrir-
tækja hefur tekist að afla sér alþjóðlegs
samkeppnisforskots. Greinar eins og
lyfjaþróun, heilbrigðistækni, líftækni,
sjávarútvegstækni og nú síðast tölvu-
leikjaiðnaður, ásamt umhverfis- og orku-
tækni, hafa byggst upp í kringum dríf-
andi frumkvöðla studda af þolinmóðum
fjárfestum.
Fyrirtæki í ofantöldum greinum hafa
skapað þúsundir vel launaðra og áhuga-
verðra starfa fyrir fólk með fjölbreytta
háskóla- og tæknimenntun. Störfin eru
margvísleg, allt frá  rannsóknum og
þróun yfir í sölu og  markaðssetningu á
vörum og þjónustu sem ýmist auka fram-
leiðni eða auka lífsgæði hjá viðskipta-
vinum víðs vegar um heiminn. Þess utan
skapa fyrirtækin dýrmætar gjaldeyris-
tekjur þar sem meirihluti viðskiptavina
þeirra er utan Íslands. Flestar þessara
greina eru í miklum vexti á heimsvísu,
ekki síst í Asíu þar sem mestum hagvexti
er spáð í heiminum á komandi áratugum.
Að baki árangri í rekstri sprotafyrir-
tækja liggur mikil vinna, líkt og kom
fram í máli Jóns Sigurðssonar, for-
stjóra Össurar, á Iðnþingi í vor. Orð
hans lýstu vel þeirri þolinmæði sem
nauðsynleg er af hálfu frumkvöðla og
fjárfesta við uppbyggingu sprotafyrir-
tækja. Uppskeran kann á hinn bóginn
að vera ríkuleg þegar fyrirtæki kom-
ast í fremstu röð á sínum sviðum líkt
og fyrirtækin Össur, CCP, Calidris og
Hafmynd hafa sannað.
Baldur Már Helgason
Verkfræðingur og sérfræðingur
á fagfjárfestasviði Auðar Capital
Góðir hlutir gerast hægt
Ef bræðurnir á Bakka í Svarfaðardal
hefðu í erfiðu ár-
ferði af gáleysi og
trassaskap misst
megnið af bústofni
sínum ofan í fjós-
haug sem þeir
hefðu átt að vera
búnir að moka
burt fyrir löngu
er ekki ólíklegt að
einhverjir hefðu
viljað veita þeim
tiltal, jafnvel dæma
þá frá dýrahaldi.
Alla saman. Gísla,
Eirík og Helga. Og jafnvel líka bú-
stýruna á heimilinu, Sölku systur
þeirra, sem öll sveitin vissi að
réð öllu því á búinu sem hún vildi
ráða, þótt   hennar formlegi  staður
væri auðvitað innanhúss (á bak
við eldavélina) en ekki utan.
Ef hreppsnefndin í Svarfaðardal
hefði síðan ákveðið að taka Gísla ein-
an á beinið og kært hann fyrir sýslu-
manni en látið Eirík, Helga og Sölku
afskiptalaus, er ekki ósennilegt að
margt væri skrafað í dalnum um
réttlæti heimsins yfirleitt og réttlæti
hreppsnefndarinnar sérstaklega.
Einhverjir myndu vilja halda því
fram að réttast hefði verið að
senda aulana alla þrjá fyrir sýslu-
mann og helst systurina líka.
Í umræðunni kæmu sjálfsagt fram
mörg sjónarmið. Til dæmis spurn-
ingin um hvort það sé siðferðilega
rétt af bændum að hafa skoðanir á
öðrum bændum, hvað þá að klaga
kollega sína fyrir sýslumanni. Bænd-
ur verða að snúa bökum saman.
Eða hvort það sé ásetningsbrot
hjá búskussum að beljurnar þeirra
drekki sér sjálfar í fjóshaug. Engum
dettur í hug að Bakkabræður og
Salka systir hafi rekið fénaðinn
ofan í forina sem þau höfðu ekki
haft hugsun á að reyna að moka
burtu. Þar fyrir utan var skíturinn í
haugnum úr gripunum sjálfum en
ekki þeim systkinum á Bakka. 
Og svo er það verkaskiptingin á
bænum. Gísli, elsti bróðirinn, var
titlaður ráðsmaður og þótt hann
sé bæði trúgjarn og soldið hégóm-
legur er hann besta
sál og engum dettur
í hug að hann standi
framar bræðum
sínum að andlegu
atgervi og geti haft
vit fyrir þeim og
allrasíst Sölku systur.
Eiríkur var vissu-
lega fjósamaður á
Bakka í þeim skiln-
ingi að hann átti að
sjá um að mjólka
kýrnar og koma
nytinni í kaupfélagið
og passa að týna
ekki peningunum.
Helgi var hins vegar
titlaður kúarektor að kröfu systur
sinnar sem vildi að honum væri sýnd
tillitssemi á heimilinu. Kúarektors-
embættinu fylgdu auðvitað engar
skyldur því að öllum var ljóst að
Helgi var ekki meiri stærðfræðingur
en svo að hann varð að taka annarra
orð fyrir því hve margir gripir væru í
hjörðinni hverju sinni og Salka vildi
hlífa honum við öllum áhyggjum og
bað menn að vera ekki sífellt að rugla
hann með nýjum og nýjum tölum.
  Salka, eins og sveitin veit, er
þekkt fyrir dugnað í kvenfélaginu
og metnaðarfull í besta lagi, enda
eyddi hún sínum heimanmundi
til að sækjast eftir forfrömun er-
lendis fyrir hönd þeirra systkina
á Bakka og hreppsins alls, þótt
sú forfrömun léti á sér standa
vegna tyrkneskra klækjabragða.
Öll eru þau Bakkasystkin besta
fólk þótt þau séu ekki betur gefin
en Guð gaf og sjálfsagt ekki við
þau að sakast þótt óhönduglega
hafi tekist til með búskapinn hjá
þeim. Hvort sem sýslumaður
sýknar Gísla eða ekki munu þau
öll að lokum eignast sinn verð-
skuldaða sess í sögu sveitarinnar.
Öldungur einn og friðflytjandi í
Svarfaðardal heldur því fram að
ein af hinum framliðnu kúm sem
drekktu sér í fjóshaugnum hafi birst
sér í draumi og baulað eitthvað sem
hljómaði annaðhvort eins og:  „Shit
happens“ eða „Maybe I should
have.“
Systkinin á Bakka
Þráinn Bertelsson
Þingmaður VG
Við erum að hlusta
Jón Kaldal skrifar
Einhverjir myndu vilja halda því fram að
réttast hefði verið að senda aulana alla þrjá
fyrir sýslumann og helst systurina líka.
Að baki árangri
í rekstri sprota-
fyrirtækja liggur
mikil vinna ...
Jón Kaldal
kaldal@frettatiminn.is