Dagblaðið Vísir - DV - 20.07.2007, Síða 8

FÖSTUDAGUR 20. JÚLÍ 20078 Fréttir DV
Hinir miklu hitar sem nú einkenna
veðurfar í Evrópu geta haft alvarleg-
ar afleiðingar á dýra- og plöntulíf:
Í júní og júlí hafa miklir hitar sett
mark sitt á meginland Evrópu. Þar
hafa Rúmenía, Albanía, Bosnía,
Króatía, Tyrkland og Grikkland orðið
verst úti. Hitastigið fór hæst í Búka-
rest, en þar mældist hitinn hæstur
fjörutíu og fimm gráður í júní. Eldar
hafa geisað í Grikklandi og á Krít fór-
ust fjórir slökkviliðsmenn í baráttu
við skógarelda. Vatnsskortur er víða
orðinn vandamál. Þessir hitar valda
því að plöntu- og dýralíf er í hættu.
Egg fugla eru sérstaklega berskjöld-
uð og vöruðu grískir umhverfissinn-
ar við því að hitabylgjan gæti haft
langtímaáhrif á fjölda dýra og af-
komu plantna.
Í þessari viku hafa fimm Rúm-
enar dáið af völdum hitabylgjunnar
sem herjar á hluta Balkanskagans. Í
Rúmeníu hefur hitastigið farið upp
undir fjörutíu gráður, brunnar þorpa
hafa þornað upp og samgöngur farið
úr skorðum. Af ótta við að lestartein-
ar afmyndist af völdum hitanna hafa
yfirvöld í Rúmeníu fyrirskipað að
dregið skuli úr hraða lestanna. Þessi
skipun hefur sett mark sitt á almenn-
ingssamgöngur. Útlit er fyrir mikinn
uppskerubrest þar sem ástandið er
verst, en það er í strjálbýlum héruð-
um í suður- og austurhluta landsins.
Þetta er önnur hitabylgjan sem geng-
ur yfir landið og í júní létust fleiri en
tuttugu í hitabylgju í Rúmeníu. Und-
an ströndum Króatíu hefur hitastig
sjávar verið mjög hátt og jafnvel búist
við því að það fari upp í þrjátíu gráð-
ur á næstu dögum. Í Belgrad, höfuð-
borg Serbíu, hafa yfirvöld dreift vatni
meðal borgaranna og hvatt þá til að
drekka vatn og bleyta höfuðið til að
fyrirbyggja sólsting.
Í Albaníu hefur vatnsskortur í
orkustöðvum orsakað skömmtun á
rafmagni sem hefur svo haft áhrif á
vatnsframboð, því vatnsdælurnar
eru rafknúnar. Í höfuðborginni, Tír-
ana, hömstruðu borgarbúar vatn úr
almenningsgörðum og notuðu sum-
ir hverjir hjólbörur til að koma birgð-
unum heim.
Tilkynnt hefur verið um elda í
Makedóníu, Búlgaríu og Kosovo-
héraði. Stærsti foss Kosovo í bæn-
um Klina, hefur þornað upp, í fyrsta
skipti síðan árið 1965.
Í suðurhluta Grikklands þar sem
hundruð slökkviliðsmanna berjast
við skógarelda, var brugðið á það ráð
í öryggisskyni að rýma Timios Stavr-
os klaustrið. Íbúar þess og um fimm-
tíu börn sem voru þar í sumarbúðum
voru flutt á brott. Manntjón í sumar
vegna þessa steikjandi hita hleypur á
tugum, enda höfðu bændur á Sikil ey
á orði að sítrónurnar hreinlega syðu
á trjánum og sömu sögu væri að
segja um aðra ávexti og grænmeti.
Víst er að enginn fer varhluta af þess-
um miklu hlýindum, hvorki fólk né
ferfætlingar.
HITABYLGJA HERJAR
Á SUÐUR-EVRÓPU
Í höfuðborginni Tírana
hömstruðu borgar-
búar vatn úr almenn-
ingsgörðum og notuðu
sumir hverjir hjólbörur
til að koma birgðunum
heim.
Tékkland Kona kælir sig við gosbrunn.Skógareldar Hitinn hefur einnig afleiðingar á ferfætlinga.
Vísa diplómötum
úr landi
Rússnesk yfirvöld hafa vísað
fjórum diplómötum úr landi.
Með því svara þeir Bretum í
sömu mynt í deilu landanna
tveggja. Deilan er tilkomin
vegna morðsins á Alexander
Litvinenko. Yfirvöld í Rússlandi
ákváðu að samfara brottvísun-
inni skyldi hætt að gefa út vega-
bréfsáritanir til breskra embætt-
ismanna. Auk þess telja Rússar
að samvinna í baráttunni gegn
hryðjuverkum sé ekki möguleg
í ljósi síðustu yfirlýsinga bresku
ríkisstjórnarinnar.
Fyrsti kvenfor-
seti Indlands
Indland fær sinn fyrsta
kvenforseta í sögu landsins. Hin
sjötíu og tveggja ára gamla
Pratibha Patil stendur ein eftir í
framboði. Mótframbjóðandi
hennar, forseti landsins Bharion
Singh Shekhawat, dró framboð
sitt til baka. Að hans mati var
útséð um að hann fengi
meirihluta atkvæða.
Vilja annað starf
Sífellt fleiri lögregluþjónar í
Danmörku vilja skipta um vinnu.
Fjöldi þeirra sem sótt hafa um
launalaust frí það sem af er þessu
ári meiri en allt síðasta ár. Árið
2006 sóttu eitt hundrað þrjátíu og
þrír um launalaust frí, en fjöldinn
í ár er kominn upp í eitt hundr-
að áttatíu og átta. Talið er að
meginorsakirnar séu lág laun og
breytingar sem gerðar hafa verið
á starfi þeirra.
ERLENDARFRÉTTIR
ritstjorn@dv.is
Skelfing greip um sig meðal vegfarenda á Manhattan:
Sprenging á Manhattan
Manhattan
Margir héldu að um hryðju-
verkaárás væri að ræða.
Skelfingarástand skapaðist á
miðri Manhattaneyju í gær. Þegar
kvöldumferðin var hvað mest skók
sprenging eina götu miðbæjarins og
gufa gaus upp úr holu í jörðinni. Yf-
irstjórn slökkviliðsins lýsti yfir neyð-
arástandi og lokaði af nærliggjandi
götum og brún eimyrja spýttist upp-
úr holunni líkt og um goshver væri
að ræða. Umhverfis lágu steypu-
hnullungar líkt og hraunmolar. Vitað
er um eitt dauðsfall vegna spreng-
ingarinnar, en það var af völdum
hjartaáfalls. Á annan tug manna
urðu fyrir minniháttar meiðslum
og bruna. Að sögn lögregluyfirvalda
leikur ekki grunur á að um hryðju-
verk sé að ræða.
Sprengingin varð skammt frá
aðalumferðarmiðstöðinni, Grand
Central Station. Í ljósi þess að ekki
voru nema tuttugu og fjórir tímar frá
því leyniþjónustan varaði við því að
al-Kaída samtökin áformuðu nýja
árás á Bandaríkin, er engin furða að
íbúum Manhattan hafi verið brugð-
ið. Leyniþjónustan hafði sagt að
ógnin sem þjóðinni stæði af al-Ka-
ída væri stöðug, Óhappið á sér víst
einfaldari skýringar en þær. Spreng-
ingin varð í gufuröri frá árinu 1924
og sagði Michael Bloomberg, borg-
arstjóri New York-borgar að engin
ástæða væri til að ætla annað en að
um óhapp hefði verið að ræða. „Það
er engin ástæða til að ætla að um
hryðjuverk eða glæpsamlegt athæfi
hafi verið að ræða,“ sagði Bloom-
berg.
KOLBEINN ÞORSTEINSSON
blaðamaður skrifar: kolbeinn@dv.is